1 Samuel 6:6 - Qullan Arunaca

⁶ ¿Cunatarac jumanacasti egipcio jakenacjam jan amuyt'anïpjjätasti? Faraonar uñtata, jupasti cunapachatejj Israelan Diosapajj ch'amampi jupar uñjäna ucqhaquiw israelitanacarojj antutjjänjja.

Aymar Bibliia 1986

⁶ ¿Cunatarac jumanacasti egipcio jakenacjam jan amuyt'anïpjjätasti? Faraonar uñtata, jupasti cunapachatejj Israelan Diosapajj ch'amampi jupar uñjäna ucqhaquiw israelitanacarojj antutjjänjja.

Qullan Arunaka DC

⁶ Janiy jumanakax Egipton reyipjama, jaqinakapjamas tukupxamti. Jupanakax chuymanakap qalarayasipxäna, ukatsti kunapachatix Diosax ch'amampi mutuykän ukkhakiw faraonax israelitanakar Egiptot sarxapxañapatak antutäna.

1 Samuel 6:6 Jak'a apnaqawi uñst'ayäwi

Job 9:4

Diosajj jach'awa ch'amanïñansa, uqhamaraqui yatiñ cancañansa; ¿qhitirac Dios nayrakatanjja sayt'asispa, ucatsti jan cunaqui mistjjaraquispasti?

Salmos 95:8

“Meriba orakenjam chuymanacam jan kalarayasipjjamti, Masah wasaranjam chuymanacam jan ch'ollkheptayapjjamti:

Éxodo 10:3

Ucatsti Moisesampi, Aaronampejj faraonan ucar sarasinjja sapjjänwa: —Hebreonacan Tatitu Diosapasti aqham siwa: ‘¿Cunapachcamasa nayataqui jan llamp'u chuyman tucjjäta? Antutjjam marcajjaru nayar yupaychiri sarjjapjjañapataqui.

Éxodo 14:17

Ucampis nayajja, egipcionacarojja chuymapwa kalarayäjja colerasisa jumanacaru arctanipjjañapataqui, ucatsti nayajj ch'amajjwa uñacht'ayäjja faraonaru, soldadonacaparu, carronacaparu, uqhamarac caballonacaparusa.

Éxodo 14:23

Ucampis faraonajj carronacapampi, caballjjata soldadonacapampejja israelitanacarojj arctapjjänwa chica kotcama mantasa.

Éxodo 4:21

Tatitusti, Moisesarojj sascaquïnwa: —Cunapachatejj Egiptor purïta ucqhajja faraonan nayrakatapanjja wali amuyumpipuniwa cawquïr ch'amtejj churcsma muspharcañ unanchanaca lurañamataqui ucanacjja luräta. Ucampis nayajja faraonan chuymapjja kalarayäwa, uqhamat israelitanacarojj jan antutañapataqui.

Éxodo 7:13

Ucampis faraonajj chuymapjja wali kalarayasïna, janiraquiw ist'añ muncänti cuntejj Tatitojj siscäna uca arunacjja.

Éxodo 7:14

Ucjjarusti Tatitojj Moisesar parlascaquïnwa: —Faraonasti colerañampi chuymapan kalarayasisajja janiw israelitanacarojj antutañ munquiti.

Éxodo 8:15

Ucampis faraonajj jan cuna llaquis ujtcjjatap laycusti chuymapa colerañampi kalarayasisajja janiraquiquiw ist'añjja muncjjänti cuntejj Tatitojj Moisesampiru, Aaronampiru siscäna ucjja.

Éxodo 8:32

Ucampis faraonajj chuymapa kalarayasisajj janiraquiquiw israelitanacar antutañ muncjjaraquiquïnti.

Éxodo 9:16

Ucampis nayajj ch'amajja uñjañamataquiw jacaysma, uqhamata nayan sutejjajja take orakena uñt'atäñapataqui.

Éxodo 9:34

Ucat faraonasti jan jallojj purjjepanjja, uqhamarac chhijchhisa, khejjokhejjonacasa jan utjcjjepanjja juchjja lurascaquïnwa. Wastatampiw chuymapjja kalarayasïna, ucatsti janiw muncjjaraquiquïnti, uqhamarac sirvirinacapasa.

Romanos 2:5

Wali kala chuymanïtawa, janiraquiw uca jan wali luratanacamsa apanucuñ munctati. Ucatpï jichhajj juma pachpataqui uca jan wali luräwinacjja wal montonasctajja, cunürutejj Diosan chekapar taripañ urojj purincani ucürutaqui.

Hebreos 3:13

Ucampis, maynit maynicam sapüru ch'amacht'asipjjam, jichhüru tiempojj utjquipana, jan qhitis jumanacat juchamp atipjatäñapataqui, ucat chuymapajj jan wal tucuñapataqui.