1 Samuel 6:11 - Qullan Arunaca

¹¹ Ucatsti Tatitun arcapjja uca carretaruw apjjatjjapjjäna, uqhamarac mä cajarusti korit lurat achacunaca, uqhamaraqui tumoranacar uñtasitanacsa uchapjjäna.

Aymar Bibliia 1986

¹¹ Ucatsti Tatitun arcapjja uca carretaruw apjjatjjapjjäna, uqhamarac mä cajarusti korit lurat achacunaca, uqhamaraqui tumoranacar uñtasitanacsa uchapjjäna.

Qullan Arunaka DC

¹¹ Ukatsti Tatitun arust'äwi arcap carreta patxaruw apxatapxäna, qurit lurat yänaksti mä cajonar uskt'asaw apxatapxarakïna, ukatsti vacanakan uka carreta qatatiñapatakiw antutt'apxäna.

1 Samuel 6:11 Jak'a apnaqawi uñst'ayäwi

2 Samuel 6:3

Tatitun arcapsti mä machaka carreta patjjaruw apjjatapjjaraquïna, ucatsti Abinadab sisqui uca jaken utapatjja apasjjapjjänwa, uca utasti mä jisc'a kollu patancaraquïnwa. Abinadab jaken yokanacapasti Uza, uqhamaraqui Ahío ucanacajj uca Tatitun arcapa apiri carreta irpapjjaraquïna, Ahiosti uca arca nayräjja sararaquïna.

1 Crónicas 13:7

Uca arcjja machak carretaru uchasinwa apasjjapjjäna, Abinadab chachan utapata. Uca carretjja Uza, uqhamarac Ahío uca chachanacaw apasipcäna.

Deuteronomio 28:27

“Diosasti, egipcionacarus t'akhesiycäna uqhamaw llejjtinacampi, tumor sat p'usunacampi, sarna usunacampi, tiña sat jasi jasi usunacampiw t'akhesiyätam, ucatsti janiraquiw uca usunacatjja c'umarachasiñ puedcätati.

1 Samuel 6:10

Ucatsti uca jakenacajj uqhamwa lurapjjäna. Pä kallun vacanacwa irptanipjjäna, uca carretaruw yapcatapjjäna, kallunacapsti vaca uyuruw jist'antapjjaraquïna.

1 Samuel 6:12

Ucatsti vacanacajj Bet-semes sisquis uca thaquinjamwa sarjjapjjäna, warart'asisa, chekacracwa sarjjapjjäna, jan cawcsarus sarakasa. Filisteo jakenacasti khepapataracwa arcapjjäna, Bet-semes sisqui uca korpacama.

1 Samuel 6:4

—¿Cunaraqui qhuyapayasiñapataqui churapjjeriststi? —sasaraquiw filisteonacajj jisct'apjjäna. —Korit lurata pheska tumorar uñtatanaca churapjjam filisteonacan sapa mayni jilïrinacapata, uqhamarac uca pachpa korita pheska achacunacampi cuna, niyaquejjaya jumanacasa, jilïrinacamasa uca pachpa t'akhesïwimpi t'akhesipjjstajja.