1 Samuel 4:5 - Qullan Arunaca

⁵ Campamentoru uqham Tatitun Arust'äwi Arcapa purinitapatsti israelitanacajj cusisiñatjja walpun arnakasipjjäna, oraksa qhathatiyapjjänwa.

Aymar Bibliia 1986

⁵ Campamentoru uqham Tatitun Arust'äwi Arcapa purinitapatsti israelitanacajj cusisiñatjja walpun arnakasipjjäna, oraksa qhathatiyapjjänwa.

Qullan Arunaka DC

⁵ Kunapachatix Tatitun arust'äwi arcapa campamentor puriyanxapxän ukkhasti, israelitanakax kusisiñat wali jach'at art'asipxäna, uraqsa khathatiyapxänwa.

1 Samuel 4:5 Jak'a apnaqawi uñst'ayäwi

2 Samuel 15:24

Sadoc chachasa, uqhamaraqui cawquïri levitanacatejj Diosan arcapa apapcäna ucanacas sarapjjaraquïnwa, uca arcsti Abiatar jaken utaparuw jaytawayapjjaraquïna, take jakenacan marcat mistuniñapcama.

1 Reyes 1:40

Ucatsti takeniwa khepata phusanacat tocasisa arcapjjäna. Cusisiñanacapasti waliw utjäna, jupanacana jach'at arnakasitanacap laycusti orakes payarjamaquiwa ch'iyjtjjäna.

Job 20:5

Ñankha jaken cusisiñapajj juc'ataquiquiwa, uca cusist'añapasti mä juc'ataquiquiraquiwa.

Jeremías 7:4

Janiraqui qhitinacatejj c'arinac parlapjje ucanacarojj alcatasipjjamti, qhitinacatejj sapjje: ‘¡Tatitun templopaw ucanqui, Tatitun templopaw acanqui sasa, ucanacarojja!’

Amós 6:3

Jumanacajj uca jan wali urutjja janiw amuyt'añ munapctati, ucampisa jumanacpachaw mä jach'a t'akhesiñanaca mayisipctajja.

Miqueas 2:11

Maynitejj c'ari arunac parlaspa, ucat saraquispa: ‘Vinompi umañampiw utjani’ sasa, uca c'ari profetataquiw aca marcajja.

Josué 6:20

Uqhamaw takpach Israel marcajj jach'at art'apjjäna, sacerdotenacas pututunacap phust'apjjaraquïna, ucatsti mayac Jericó marcan perkanacapajj tincjjäna. Ucatsti take Israel jakenacaw marcarojj catuntañatac chhuqhuntapjjäna.

Josué 6:5

Cunapachatejj pututu phust'iri ist'apjjät ucqhajj, jumanacaw wali jach'at art'apjjäta, ucatsti take Jericó marcan perkanacapajj tincuraniwa. Ucatwa take jumanacajj chekaqui Jericó marcar mantapjjäta” sasa.

Jueces 15:14

Cunapachatejj Lehi sat chekaru puripcäna ucqhajja filisteonacajj cusisiñata wali arnakasisaw jutapjjäna. Ucampis Diosan ajayupaw Sansón chachajjar jutäna. Ucatsti Sansón chachajj amparanacapan ñach'antatäqui uca wiscanacjja jan cunaquiw t'akaräna, mä lino sat pita naqhantataru uñtata.

1 Samuel 4:6

Filisteonacasti uca arnakasitanacap ist'asin, sapjjaraquïnwa: “¿Cunataraqui israelitanacan campamentopansti uca take arnakasipjjpacha?” sasa. Ucampisa Tatitun arcapa campamentor purinitap yatisinjja,