1 Samuel 4:10 - Qullan Arunaca

¹⁰ Filisteonacasti israelitanacarojj nuwantapjjänwa, atipjapjjaraquïnwa, israelitanacasti campamentopatjja jaltjjapjjaraquïnwa. Filisteonacasti sintipuniw jiwarayapjjatayna, israelitanacan soldadonacapasti uca urojj quimsa tunca waranka jakenacaw jiwarata uñjasipjjäna.

Aymar Bibliia 1986

¹⁰ Filisteonacasti israelitanacarojj nuwantapjjänwa, atipjapjjaraquïnwa, israelitanacasti campamentopatjja jaltjjapjjaraquïnwa. Filisteonacasti sintipuniw jiwarayapjjatayna, israelitanacan soldadonacapasti uca urojj quimsa tunca waranka jakenacaw jiwarata uñjasipjjäna.

Qullan Arunaka DC

¹⁰ Filisteonakasti israelitanakarux nuwantasin atipt'apxäna, jupanakasti campamentoparuw jaltxapxarakïna. Jiwaratanakax walt'atapunïnwa, kimsa tunk waranq israelit soldadonakaw jiwaräna, ukat jilt'irinakasti utanakaparuw jaltxapxäna.

1 Samuel 4:10 Jak'a apnaqawi uñst'ayäwi

2 Samuel 18:17

Ucatsti Absalonan janchipa catusinjja, uca ch'umin mä jach'a p'iyaruw jakontapjjaraquïna, jupa patjjarusti kalanacampiw montonjjatapjjäna. Ucatsti take israelitanacajj utanacaparuw jaltjjapjjaraquïna.

2 Samuel 18:7

Israelanquir jakenacasti, Davidan soldadonacapampi atipjatäpjjaraquïnwa. Uca urusti mä jach'a jiwaräwi urupunïnwa, pä tunca waranka jakenacaw jiwarapjjaraquïna.

2 Samuel 19:8

Uqhamasti reyejj sartasinjja, marca puncuruw kont'asiraquïna. Cunapachatejj take jakenacaru yatiyatäjjana ucapachasti takeniw aruntirejj uñstanipjjäna.

2 Samuel 20:1

Benjamín tribun mayni khoru jakew utjäna, ucasti Seba satänwa, Bicri sisqui uca jaken yokapa, jupasti Gilgal marcanwa jicjjatasiraquïna. Aca Seba jakesti jakenacaruw amtayäna rey contra sayt'asipjjañapataqui, saraquïnwa: “Jiwasajj janiw Isaí jaken David yokapampejja cuna lurañasas utjquiti. ¡Take israelita jakenaca, utanacamaru cuttjjapjjam!” sasa.

1 Reyes 12:16

Cunapachatï take Israel marcpachajj uñjapjjäna reyin jan jupanacar ist'atapjja, sapjjänwa: “¡Janiw cuna lurañanacasas utjquistuti! ¡Janiw cuna herenciasa jiwasajj jaljasctanti Isaí chachan yokapampejja! ¡Israelita jakenaca utasarcama sarjjañäni! ¡Davidaqui familiaparu uñjascpan!” sasa. Ucat ucspachawa israelita jakenacajj utanacapar sarjjapjjäna.

1 Reyes 22:36

Cunapachatejj intejj jalantañampëjjäna ucqhajja, ejerciton filapanjja soldadonacajja sisjjapjjaquïnwa; “¡Sapa maynisa marcaparcama sarjjapjjam, uqhamarac orakenacamaru,

2 Reyes 14:12

Ucatsti Israel jakenacawa Judänquir jakenacarojj atipjapjjäna, ucatjja sapa maynisa utanacaparuw jaltjjapjjäna.

2 Crónicas 13:17

Abiam reyimpi jakenacapampejja walja jakenacaruwa jiwarayäna, ucansti israelitanacatjja pheska pataca waranka ajllita soldadonacaw jiwarapjjäna.

2 Crónicas 25:22

Ucatsti Judá ucanquirinacajja Israelan atipjatawa uñjasipjjäna, ucatjja sapa mayniwa utanacaparcama jaltjjapjjäna.

Salmos 78:9

Efraín ayllunquir arco apnaker jakenacajj, nuwasïw urunjja, kheparuw uñtjjapjjäna,

Jeremías 7:12

Silo sisqui uca chekan nayan ajllit kollan utajjaru sarapjjam, cawqui chektejj nayajj nayrakata ajlliscta jacasiñataqui uca chekaru, ucatsti uñjapjjaraquim cuntejj uca chekampi lurcta uca, Israel marcajjan ñankha luratanacap laycu.

Levítico 26:17

Nayasti jumanac contraw sayt'araquëjja, uñisirinacamas jumanacarojj atipjapjjaraquïtamwa; qhitinacatejj jumanacarojj wal uñisipctam ucanacampi t'unjataw uñjasipjjäta, jan qhitin arctataw chhuctjjapjjaraquïta.

Deuteronomio 28:15

“Ucampis jumatejj Diosaru jan ist'cäta ni camachi arunacaparjamasa, leyinacaparjamasa sarnakcäta, cawquïri ewjjanactejj jichhüruna churcsma ucanacarus jan phokcaraquïta ucqhajj, jumanac patjjaruwa take aca maldicionanacajj jutani.

Deuteronomio 28:25

uqhamaraqui uñisirinacaman tucjatäñamcama. Jumasti uñisirimarojj suma formt'ataw nuwantascäta, ucampis janiw amtascätati cunjäm jaltjjatamsa, ucatsti take acapachan jaquir jakenacataquejj ajjsarañjamaraquïyätawa.

1 Samuel 3:11

Tatitusti saraquïnwa: —Jichhajj nayajj Israel marcanwa mä luräwi luraraquï, qhitinacatejj ucanac ist'apjjani ucanacarusti jinchunacapas usuraquiniwa.

1 Samuel 4:2

ucatsti aywitatapjjaraquïnwa israelitanacampi nuwasiñataqui, uqhama nuwasipansti filisteo jakenacajj israelitanacarojj atipapjjänwa, ucatsti uca nuwasïwi pampanjja pusi waranka israelit jakenacaw jiwarapjjaraquïnjja.