1 Samuel 28:7 - Qullan Arunaca

⁷ Ucatwa jach'a jilïri oficialanacaparojj saraquïna: —Jiwatanacampi parliri mayni yatir ch'amacan warmi thaktapjjam, nayan sarañajjataqui ucatsti jisct'añajjataqui —sasa. Jilïri oficialanacapasti sapjjaraquïnwa: —Endor marcanwa mä yatir warmejj utji, jupasti jiwatanacampi parliriwa —sasa.

Aymar Bibliia 1986

⁷ Ucatwa jach'a jilïri oficialanacaparojj saraquïna: —Jiwatanacampi parliri mayni yatir ch'amacan warmi thaktapjjam, nayan sarañajjataqui ucatsti jisct'añajjataqui —sasa. Jilïri oficialanacapasti sapjjaraquïnwa: —Endor marcanwa mä yatir warmejj utji, jupasti jiwatanacampi parliriwa —sasa.

Qullan Arunaka DC

⁷ Ukat yanapirinakaparux mayïna: —Jiwatanakar art'asiri mä yatir ch'amakan warmi thaqtanipxam, ukat nayax juparu jiskt'asiriw sarä —sasa. Jilïrinakapasti sapxänwa: —Endor markan mä warmix utji jiwatanakaru art'asiri —sasa.

1 Samuel 28:7 Jak'a apnaqawi uñst'ayäwi

2 Reyes 6:33

Jupanacampi uqham parlquipanwa qhitatajj purinïna jupan ucaru; ucatsti Eliseorojj sänwa: —Chekpachansa Tatitojjaya aca jan walt'añjja apayanchistojja, ¿cunsa nayajj jupat juc'ampi suyiristjja?

1 Crónicas 10:13

Uqhamawa Saúl reyejj ñankha luratap laycujja jiwäna, jupasti juchwa luräna jan Tatitun arunacap ist'asina, uqhamarac mä yatiri warmiru jisct'asiri saratap laycuraqui.

Salmos 83:10

camisatejj jupanacajj Endor chekawjan t'unjat uñjasipcäna, oraketaquis wanur tucupcän uqhama.

Isaías 19:3

P'eksa jupanacarojj mayjt'ayäwa, amtatanacapsti t'unjaraquïwa. Ucapachawa yakha diosanacaparu, laykanacaparu jisct'asir sarapjjani, jiwatan ajayunacaparu, yatiri jakenacaparuw jisct'asipjjani.

Levítico 19:31

“Janipuni ch'amacaninacarusa ni laykanacarusa sarapjjamti. Janiraqui jupanacaru jisqhisisasa ñankhachasipjjamti. Nayätwa jumanacan Tatitu Diosamajja.

Habacuc 2:3

Janiraquiw horasäquiti aca uñjäwin phokasiñapajja; ucasti phokasipuniniwa. Amuyatajj janisay janc'äcpa, suyascaquim, purisincaniwa horasaparu.

Hechos 16:16

Mä urusti oración lurañäquis ucqharuw sarasipcäyäta. Sarcasinsti, mä ñankha ajayuni tawakoruw jicjjatapjjta. Jupasti uca ñankha ajayumpejj cunatejj khepürun pasañapäcän ucanac khanañchirïnwa. Uywirinacapataquisti walja kollkenac jicjjatirïnwa uca yatiyäwinac toke.

Deuteronomio 18:11

Janiraqui c'arimpi lunthatirinacarus jisct'asipjjamti, ni yatir layka jakerusa, janiraqui ch'amacani ajayunacarus mayisipjjamti, ni jiwatanacan ajayunacaparus thakapjjamti.

Josué 17:11

Uqhamaraquiw Manasés tribusti marcanacapajj utjäna Isacar orakena, uqhamarac Aser orakensa, sapa mayni jisc'a marcanacampi cuna; uca marcanacan sutipajj acnïrinacänwa: Bet-seán, Ibleam, Dor, Endor, Taanac, Meguido ucanaca, uqhamaraqui quimsa jisc'a kollunacamp cuna.

1 Samuel 28:3

Ucapachasti Samuelojj jiwjjataynawa, israelitanacasti takeniraquiw jupan jiwatapatjja jachapjjatayna. Ucatsti Ramá sisqui uca chekaruw imjjapjjaraquitayna, cawqhantejj nascatayna uca marcaru. Saúl reyisti, Israel oraketjja take yatirinacaru, uqhamarac jiwatanacaru mayisiri ch'amacani jakenacarusa, ananucuraquitaynawa.