1 Samuel 28:8 - Qullan Arunaca

⁸ Saúl reyisti mayjatwa isthapisïna. Yakha isinacampi isintasisinsti, pani chachan compañt'ataw arumpacha uca yatir warmiru jicjjatiri sarapjjäna. Ucat saraquïna: —Achict'assmawa, suerte apst'arapita, ucatsti qhitirutejj nayajj maycäma ucan ajayupa puriyanirapita —sasa.

Aymar Bibliia 1986

⁸ Saúl reyisti mayjatwa isthapisïna. Yakha isinacampi isintasisinsti, pani chachan compañt'ataw arumpacha uca yatir warmiru jicjjatiri sarapjjäna. Ucat saraquïna: —Achict'assmawa, suerte apst'arapita, ucatsti qhitirutejj nayajj maycäma ucan ajayupa puriyanirapita —sasa.

Qullan Arunaka DC

⁸ Saúl reyisti yaqha isimpiw isthapisïna, ukatsti pani chachanakampiw arumpach uka warmir jikxatir saräna. Ukat säna: —Suertey uñxatt'arapita, ukatsti khitirutix maykäma ukan ajayupay puriyanirapita —sasa.

1 Samuel 28:8 Jak'a apnaqawi uñst'ayäwi

1 Reyes 22:30

Ucatsti Israelan reyipajja Josafat chacharojj sänwa: “Nayajja yakhat isthapisiwayasaw nuwasiñataquejja mantäjja, jumasti isejjwa uchasiwayaraquïta” sasa. Uqhamawa Israel reyejj yakhat isthapisiwayasa nuwasïwiru mantäna.

1 Reyes 22:34

Ucampis mä soldadowa jan qhitiru uñjasa flecht'äna, ucasti Israelan reyiparuwa wact'ayäna armadurapan ch'ucupat mantayasa, jupasti jiwirjamänwa. Ucatwa reyejj carro apnakeriparojja säna: “Kheparu cutt'asina, aca nuwasiñ taypita apsjjeta, sinti jan wali usuchjatätwa” sasa.

1 Crónicas 10:13

Uqhamawa Saúl reyejj ñankha luratap laycujja jiwäna, jupasti juchwa luräna jan Tatitun arunacap ist'asina, uqhamarac mä yatiri warmiru jisct'asiri saratap laycuraqui.

2 Crónicas 18:29

Ucatsti Israelanquiri reyejj Josafat reyirojj sänwa: —Nayajja nuwasïwirojja yakhat isthapitawa mantäjja, ucatsti jumawa isejja uchasïtajja —sasa. Uqhamawa Israelanquiri reyejja yakhat isthapisiwayäna, ucatsti panpachaniwa nuwasïwirojja mantapjjäna.

2 Crónicas 35:22

Ucampis Josías reyejj janiw khepar jittcänti, jan ucasti jupampi nuwasiñjja munapunïnwa, Necao reyin arunacapar jan ist'asina, ucasti Dios pachpatwa jutascäna. Uqhamasti jupajj nuwasiaruwa mantäna Meguido sat vallena,

Isaías 8:19

Jakenacasti sapjjaraquïtamwa: ‘Jiwatanacan ajayunacapar jisct'asipjjam, uca yatiri jakenacarusti qhitinacarutejj jisc'at chhiphisisipqui ucanacaru. ¿Janit mä marcasti diosanacaparu jisct'ascaspasti, janit jiwirinacarusa, jaquirinacjjata suma amuyt'äwi arunaca maycaspa?

Jeremías 23:24

¿Qhitis nayan nayräjjatjja imantasispajja? Alajjpachasa, acapachasa nayampi phokhantatawa. Naya Tatituw ucjja sista.

Ezequiel 12:6

Cunapachatejj ch'amacthapjjani ucapachasti take yänacam k'epjjarusjjam, ucatsti take uca yänacam apt'ata takenin uñjcata mistuwayjjaraquim. Ajanumsti imantasjjaraquim jan aca orake uñjañamataqui. Nayasti munaractwa Israel marcataquejj uca luräwimampejj mä chimpüñama” sasa.

Juan 3:19

Qhitinacatejj jan iyawsapqui ucanacajj juchañchatäjjewa. Cunapachatejj khanajj acapacharu jutqui ucqhajj jakenacajj ch'amacaruw juc'ampi munapjje khanat sipansa, luräwinacapajj jan walïtap laycu.