1 Samuel 28:3 - Qullan Arunaca

³ Ucapachasti Samuelojj jiwjjataynawa, israelitanacasti takeniraquiw jupan jiwatapatjja jachapjjatayna. Ucatsti Ramá sisqui uca chekaruw imjjapjjaraquitayna, cawqhantejj nascatayna uca marcaru. Saúl reyisti, Israel oraketjja take yatirinacaru, uqhamarac jiwatanacaru mayisiri ch'amacani jakenacarusa, ananucuraquitaynawa.

Aymar Bibliia 1986

³ Ucapachasti Samuelojj jiwjjataynawa, israelitanacasti takeniraquiw jupan jiwatapatjja jachapjjatayna. Ucatsti Ramá sisqui uca chekaruw imjjapjjaraquitayna, cawqhantejj nascatayna uca marcaru. Saúl reyisti, Israel oraketjja take yatirinacaru, uqhamarac jiwatanacaru mayisiri ch'amacani jakenacarusa, ananucuraquitaynawa.

Qullan Arunaka DC

³ Ukapachasti Samuelux jiwxataynawa, israelitanakasti taqiniw jupan jiwatapat jachapxatayna. Ukatsti, yurkatayna uka Ramá chiqaruw amayap imt'xapxatayna. Saúl reyisti, Israel uraqit taqi yatirinakaru, jiwatanakar art'asir ch'amakani jaqinakaruw alisnukxatayna.

1 Samuel 28:3 Jak'a apnaqawi uñst'ayäwi

Éxodo 22:17

Ucampis tawakon awquipatejj jan uca waynampi casarasiñapa muncchini ucajja waquisiwa uca waynajj pagañapa kawkhtejj jan chacha uñt'iri tawakorojj pagañajj waquisqui uqhamarjama.

Éxodo 22:18

“Laykanacasti jiwayatäñapawa.

Levítico 19:31

“Janipuni ch'amacaninacarusa ni laykanacarusa sarapjjamti. Janiraqui jupanacaru jisqhisisasa ñankhachasipjjamti. Nayätwa jumanacan Tatitu Diosamajja.

Levítico 20:27

“Cawquïri chachatejja jan ucajj warmisa ñankha ajayunïni, jan ucajj yatirïnisa, ucanacasti kalampi c'upjasin jiwayatäñapawa, ucatsti jupapacharaquiwa uca jiwäwipatjja juchanïscani.”

Levítico 20:6

Maynitejj ch'amacaninacan ucaru, uqhamarac yatirinacan ucaru sarani, ucat k'añuchasiraquini ucanacar arcasa, ucapachasti nayajj jupa contraw sayt'ä ucat uca jakjja jakenac taypitjja jiwayjjaraquïwa.

1 Samuel 15:23

Jupa contra sayt'asirejja, qhititejj laykasiñanac lurqui ucampi sasiwa; yakha diosanacar yupaychirimpi sasiwa qhititejj jupar jan ist'qui ucajja. Cunjämatejj jumajj arunacapar apanuctajja, jichhajj uqham luratam laycuw jupajj reyitjja apanucjjtam.”

1 Samuel 25:1

Samuelosti jiwjjänwa. Take israelita jakenacaw tantacht'asisina jachapjjäna jiwatapata. Ucatsti Ramá cheka utaparuw imjjapjjaraquïna. Uca khepatsti Davidajj Parán sata wasararuw sarjjaraquïna.

1 Samuel 28:9

Warmisti saraquïnwa: —Jumajj yattawa cuntejj Saúl reyejj lurcäna ucjja. Jupajj cunjämsa take yatirinacarusa, uqhamarac jiwatanacampi parlirinacarusa marcatjja ananucjjänjja uca. ¿Cunatsa jichhajj jutta nayaru jan waliru nuct'añataqui, uqhamat jacañajjsa apakañataqui? —sasa.

1 Samuel 7:17

Ucatsti Ramá sisqui uca chekaruw cuttanjjaraquirïna, cawqhanccäntejj utapajj ucaru, ucqhatpachawa Israel marcarojj apnakaraquïna. Ucansti mä altarwa Tatitutaquejj sayt'ayaraquïna.