1 Samuel 26:19 - Qullan Arunaca

¹⁹ Nayajj jach'a munañan reyiruw achict'asï aca sirviriparu ist'añapataqui: Tatitutejj munchi jach'a reyejj nayaru jiwayañapa, ucapachajja, inach mä ofrenda catoketaspa; ucampisa jakenacaquitejj nayar jiwayañ amtchi ucapachajja Tatitojj uca jakenacarojj maldiciracpan. Jichhasti nayarojj Tatitun orakepatjja apanucupjjetuwa, ucampisa yakha diosanacaru sirviñajjataquiw nuct'apjjaraquitu.

Aymar Bibliia 1986

¹⁹ Nayajj jach'a munañan reyiruw achict'asï aca sirviriparu ist'añapataqui: Tatitutejj munchi jach'a reyejj nayaru jiwayañapa, ucapachajja, inach mä ofrenda catoketaspa; ucampisa jakenacaquitejj nayar jiwayañ amtchi ucapachajja Tatitojj uca jakenacarojj maldiciracpan. Jichhasti nayarojj Tatitun orakepatjja apanucupjjetuwa, ucampisa yakha diosanacaru sirviñajjataquiw nuct'apjjaraquitu.

Qullan Arunaka DC

¹⁹ Jach'a munañan rey, aka luqtirimar ist'añamatakiw achikt'assma: Tatitutix juma reyir nayar jan walt'ayañatak utt'aychi ukaxa, inach mä waxt'äwi katuqitaspa; ukampis jaqin amtäwipakïchi ukasti, Tatitux uka jaqinakar ñanqhachpan. Jichhasti Tatitun uraqipat jaqunukupxitu, ukham lurasax yaqha diosanakar luqtañaxatakiw nukt'apxitu.

1 Samuel 26:19 Jak'a apnaqawi uñst'ayäwi

Génesis 44:18

Ucatsti Judäjj Josear jac'achasisinjja sänwa: —Nayajj achict'assmaw, tata, jumampiw parlt'asiñ munta. Janiquiy nayataquejj colerasimti, jumajj pachpa faraonäcasmas uqhamätawa.

Génesis 8:21

Cunapachatejj Tatituru ucqha suma k'aphejj purïna ucqhajj Tatitojj aqham sänwa: “Janipuniw mayampsa aca orakerojj maldiscjjäti jaken juchap laycojja, jakesti waynatpacha ñankha lurañacpunwa amtasquejja. Janiraquiw animalanacarojj mayampsa tucj-jjäti, cunjämtejj jichhajj lurcta uqhama.

2 Samuel 14:16

Jach'a reyitejj ist'itanejja, jupajj khespiyitaspawa, cawquïri jaketejj nayaru uqhamaraqui wawajjarus jiwayañ munapquitu ucanacatjja, aca Diosan orakepanjja.

2 Samuel 16:10

Ucampisa reyejj saraquïnwa: —Acajj janiw jumanacan luräwinacamäquiti, Sarvia jaken yokanacapa. Jupatejj uqhama nayarojj jan wali arunacapampi ñankhachchitu ucasti, Tatituw juparojj: ‘Uqham luram’ sispacha. Uqhamächi ucapachasti, ¿Qhitiraqui: ‘Cunatsa uqham lurta’ saspasti? —sasa.

2 Samuel 16:11

Ucjjarusti Abisai jakempiru, uqhamaraqui take oficialanacapampirusti saraquïnwa: —Nayan pachpa wawajjatejj nayaru jiwayañ amtchitu ucasti, ¡juc'ampi amuyumpiw mayni Benjamín tribunquir jakejj jiwayañ munpachïtojja! ¡Jichhajj juparojj jaytapjjam, ñankhachascaquitpan, Tatituw juparojj uqhama luram sispacha!

2 Samuel 20:19

Nanacan marcajjajj janiw nuwasiñ munirïquiti, uqhamarus Israel orakenjja chekaparaquiwa. ¡Mä jach'a marcaraquiwa! Ucampisa jumajj t'unjañwa munasctajja. ¿Cunatsa jumajj t'unjañ munta cunatejj Tatituncqui ucjja? —sasa.

2 Samuel 21:3

Davidasti jupanacarojj jisct'araquïnwa: —¿Cunsa jumanac laycojj lurirista? ¿Cunjämatsa asquicharaquiristjja cuna jach'a ñankhatï jumanacaru luratäcän ucjja, uqhamat Tatitun marcaparu bendicipjjañamataquejja? —sasa.

2 Samuel 24:1

Tatitusti wasitatwa israelitanac toke colerasiraquiquïna, ucatsti Davidaruraquiw jupanac toke amtayäna, mä censo aptañapataquiraquiw arsuraquïna, Israel marcata, Judá marcampita.

1 Reyes 22:22

Ucatsti ajayojj sänwa: ‘Reyin take profetanacaparojj c'arinacwa amuyt'ayäjja’ sasa. Ucatsti Tatitojj sänwa: ‘Uqhamatjja c'arintätawa, uqhamajj saramay luriri’ sasa.

1 Crónicas 21:1

Supayajj israelitanacataquiw sayt'äna, ucatsti Davidarojj amtayänwa Israel marcar mä jacthapiña aptatäñapataqui.

Salmos 120:5

¡Ay cunaquïcta nayajja, Mesec chekan jaya jakjam apanucutätwa, Cedar chekan ch'ujllan jacaracta!

Salmos 20:4

chuymaman munataparjam phokpan, take amtäwinacam phokhasiypan.

Proverbios 30:10

Jan sirviritjja jan wali arunaca parlamti patronapa nayrakatanjja, jupasti ñankhachiristamwa, ucatsti jumajj mutuñ catokasma.

Isaías 60:5

Jumasti, ucanac uñjasajj walpun cusisïta, chuymamasti cusisiñansa phokt'ataraquïniwa; kota tokenquir marcanacan kamir cancañanacapwa apanirapipjjätam, marcanacan kamir cancañapwa catuyapjjaraquïtam.

Levítico 26:31

jumanacan marcanacamsti, uqhamarac kollana chekanacamsa t'unjaraquïwa; uqhamarac cuntejj jumanacajj nayaru loktanipquitäta ucanacatsti janiw juc'ampi cusiscjjaraquïti.

Números 36:7

Cawquïri oraketejj Israelan sapakat mayniru wact'qui, ucasti janiw mä tributjja yakha triburu churatäcaspati. Take israelitanacaw herenciapjja catusiñapa pachpa tribunacap taypina.

Números 36:9

Janiw cuna herenciasa pascaspati, mä tributa yakha triburojja. Sapakat tribuw Israelanjja catusiñapa, cawquïri oraketejj wact'qui ucjja.

Romanos 14:15

Juman mank'atam laycutejj jilaman chuymapajj usuchjatächi ucapachajja, janiw munasiñamp sarnakctati. Janiy munamti juman cun mank'atam laycusa maynin chhakañapjja, Tatitusti jupa laycuw jiwawayaraqui.

Gálatas 5:12

Ucampis cawquïrinacatejj jumanacar mayjt'ayasa sarnakasipqui: “Circuncisión lurayasipjjañamaw” sasa ucanacajja, ¡añchaquit mä pit qharekasipjjaspa jupanacpacha!

Deuteronomio 13:3

ucqhajj jan jumanacajj jupanacaru ist'apjjamti; Tatitu Diosamasti jumanacaruwa yant'añ munapjjtam, take chuymampiti, uqhamaraqui take jacañamampiti juparu munapjjta janicha ucanacata.

2 Timoteo 4:14

Herreröquis uca Alejandrojj sinti jan walinacwa lurawayitu; Tatituw juparojj uñjascani cuntejj nayarojj lurquitu ucatjja.

1 Samuel 18:10

Ucat khepa urusti, Diosajj qhitancatayna uca ñankha ajayojj Saúl reyirojj wasitatwa catuntäna, jupasti lokheruw tucüna palacio utap mankhanjja. Davidasti cunjämtejj arpa toct'irïcäna uqhamwa tocascäna, Saúl reyisti amparaparu lanza ayt'ataraquïnwa.

1 Samuel 24:9

saraquïnwa: —Jach'a reyisti, ¿cunataraqui qhitinacatejj nayjjat jan walinac parlapqui ucanacaru ist'isti, nayajj juma contra cunsa thakquirista uqhama?

1 Samuel 25:24

Ucatsti janc'aquiraquiw cayupar kont'asinjja saraquïna: —¡Tata, cuna juchatejj utjqui ucajj nayjjancpan sama! Jumaruw achict'assma, arsutanacajjar ist'aquitaya.

1 Samuel 27:1

Ucampisa Davidajj lup'iscaraquïnwa: “Jichhasa, jan ucajj acat kheparusa Saúl reyejj nayarojj jiwayaquipunitaniwa. Uca laycu, nayataquejj asquïniwa filisteonacan orakeparu sarjjañajjajja, uqhamat Saúl reyejj nayarojj jaytañapataqui, janiraqui take Israel orakena thakascañapataqui. Uqhamatwa amparapat jaltjjäjja” sasa.