1 Samuel 26:11 - Qullan Arunaca

¹¹ Tatitusti khespiyitpan, jupan ajllit reyipar jiwayañatjja. Uqhamasti jichhajj uca ch'ijmapancquis uca lanza aytanim, uqhamarac umañ wacullapsa waytaniwayaraquim, ucat sarjjañäni —sasa.

Aymar Bibliia 1986

¹¹ Tatitusti khespiyitpan, jupan ajllit reyipar jiwayañatjja. Uqhamasti jichhajj uca ch'ijmapancquis uca lanza aytanim, uqhamarac umañ wacullapsa waytaniwayaraquim, ucat sarjjañäni —sasa.

Qullan Arunaka DC

¹¹ Tatitux jupan chhijllat reyir jiwayañat imitpan. Ukhamasti ch'ijmañapankki uka lanzapa, ukhamarak umañ wakullapsa apxarum, ukat sarxañäni —sasa.

1 Samuel 26:11 Jak'a apnaqawi uñst'ayäwi

2 Samuel 1:14

—Uqhamasti, ¿cunjämarac jumasti Tatitun ajllita reyi contrasti amparam ayttasti? —sasaw Davidajj jach'at arsuraquïna.

2 Samuel 1:16

Davidasti ucatjja saraquïnwa: —Jumapachaw jiwatamat juchanïsctajja, jumapacharaquiw juchamsa arsusiscaractajja, Tatitun ajllit reyiparu jiwayatamjja —sasa.

2 Samuel 19:22

Ucampisa Davidajj saraquïnwa: —Sarvia jaken yokapa, acajj janiw jumanacan lurañanacamäquiti. ¿Cunatsa jumanacajj naya contra amtapjjta? Jichhajj nayajj Israel marcan reyipätwa, janiraquiw qhitis Israel marcanjja jichhürojj jiwcaniti —sasa.

Salmos 17:4

Lacajjajj janiw c'arinac arsquiti, cunjämtejj jakenacajj parlapqui uqhama; ch'ajjwañ thaquinacat jithektasta, juman arsutamarjamaw phokta.

Romanos 12:17

Janiraqui ñankhat ñankha cutt'ayapjjamti; cunatejj asquïqui ucrac take jakenacan nayrakatapanjj lurapjjam.

Romanos 12:19

Munat jilatanaca, jumanac purajj jan uqhamat uqham lurjasipjjamti, jan ucasti Diosar jaytapjjam, jupawa mutuyascani. Kellkatanjja siwa: “Nayaruw wact'itu mutuyascañajja, nayaraquiw phokhascäjja, siw Tatitojja.”

1 Pedro 3:9

Jan ñankhat ñankhjja cutt'ayapjjamti, ni jan wali arut jan wali arsa cutt'ayapjjaraquimti. Jan ucasti asqui arumpi cutt'ayapjjam, Diosasti bendición catokapjjañamataquiw jumanacarojj jawsapjjtam.

1 Samuel 12:3

Jichhasti acajjay acancasctwa. Nayatejj qhitin vacapsa, asnopsa catuntassta, jan ucajj qhitirus t'akhesiystjja, jan ucajj cheka uñjañataquis kollke chilltayasstjja ucapachajj arsupjjam Tatitu nayräjjana, uqhamarac cawquïr reytejj jupajj ajllqui uca nayrakatansa, ucat nayajj take manut phoqhawayjjäwa —sasa.

1 Samuel 24:12

¡Tatituy jichhajj jiwasa paniniru uñjistpan, ucatsti juchañcharaquitpan juma contra juchajj utjchitu ucapachajja! Ucampisa nayajj janipuniw amparajj aytcäti jach'a rey contrajja.

1 Samuel 24:4

Ucat Davidan jakenacapajj uñjasin sapjjäna: —Cuntejj Tatitojj arsctam ucajj jichhüruw phokhasi. ‘Uñisirimjja amparamaruw catuyäma’ sasa. Cuntejj jichhajj muncta uca jupampejj luram —sasa. Uqhamasti Davidajj wali amuyumpi, c'achhata sartasinsti, Saúl reyin capapat mä jisc'a punta qhuchhokaraqui;

1 Samuel 24:6

Ucat jakenacaparojj saraquïna: —¡Tatitojj jan aytayquitpati amparajja nayan reyejj contra! ¡Jïsa, jupajj reyiwa. Tatituw juparojj ajllisiraqui reyïñapataqui! —sasa.