1 Samuel 25:8 - Qullan Arunaca

⁸ Ucanacsti jisct'araquismawa uywatanacamaru, jupanacasti take ucanacwa khanañchapjjaraquïtam. Ucatwa jichhajj achict'assma jumajj sumaqui uñjañamataqui uca waynanacaru. Asqui horasan jupanacajj purinipjje. Ucatsti churapjjaraquita, jupanacarusa, nayarusa, cunatejj utjctam ucanaca, nayasti juman wawamjamaraquïtwa” sasa.

Aymar Bibliia 1986

⁸ Ucanacsti jisct'araquismawa uywatanacamaru, jupanacasti take ucanacwa khanañchapjjaraquïtam. Ucatwa jichhajj achict'assma jumajj sumaqui uñjañamataqui uca waynanacaru. Asqui horasan jupanacajj purinipjje. Ucatsti churapjjaraquita, jupanacarusa, nayarusa, cunatejj utjctam ucanaca, nayasti juman wawamjamaraquïtwa” sasa.

Qullan Arunaka DC

⁸ Ukanakatsti uywatanakamaruw jiskt'asma, jupanakaw uk qhanañchapxiristam. Jichhasti, jumax aka waynanakaru sum uñjañamatakiw achikt'assma, ukatsti jupanakarusa, nayarusa, kunatix utjktam ukanak churapxita, nayax juman wawamjamarakïtwa” sasa.

1 Samuel 25:8 Jak'a apnaqawi uñst'ayäwi

Ester (hebreo) 9:19

Ucampis take marcanacana, estancianacana jan perkan marcan jaquir judionacajja, Adar sat phajjsina tunca pusin uru sarakatanwa cusisita lurapjjaraquejja mank'añ fiestjja ucatsti maynit maynicamaraquiw churäwinacjja apayasipjje.

Ester (hebreo) 9:22

Uca urunacanjja judionacajja uñisirinacapar tucjapcatayna ucqhajja llaquisiña, jach'at warariña, t'akhesiña phajjsinjja cusisiñaru jupanacatac trocasiwayjjäna mank'añ fiestanacaru. Aca urunacasti amtatäñapataqui cusisisa, fiestanaca mank'äwi lurañampi, maynit maynicama churäwinaca apayasiñampi, uqhamarac wajjt'äwinaca pobrenacaru churañampi.

Eclesiastés 11:2

Cawqhacamatejj utjctam uqhacama, utjirinacam mayninacampi jaljasim, cuna jan walitejj marcar jutcani uc jan yatitam laycu.

Lucas 11:41

Jumanacajj chuymanacamatay limosnanacamjj churapjjamjja, uqhamanwa takpachajj k'omäjjanejja.

1 Samuel 24:11

“Wali sum uñtanim, jach'a rey, cuna apt'atäctejj uca. Acasti capaman puntapawa, qhitirutejj nayajj chekpachansa jiwayquiriscäyäta ucana. Ucampisa jichhajj jumajj, jach'a rey, amuyasimaya, nayajj chekpachapuni jan cuna ñankha lurañsa, ni jamasat lurañsa, uqhamarac reyir jan ist'añsa nayan janipuni amtatajja. Ucampisa jach'a reyejj nayarojj jiwayañataquiw arcanakascaquitu.

1 Samuel 25:9

Davidan uywatanacapasti sarasinjja Nabal jakerojj take uca arunacwa yatiyapjjäna. Ucatsti cuntejj Nabal jakejj siscani uca yatiñcamaraquiw kheparapjjäna.

1 Samuel 3:6

Ucampisa Tatitojj wasitat jawsascaquïnwa: —¡Samuel! —sasa. Ucat Samuelojj sartasin Elí sacerdoten ucaruw sararaqui, ucatsti saraquïnwa: —Acajj juttwa. ¿Cunataquis jawsista? —sasa. —Janiw nayajj jawscsmati, wawa. Iquiñamar sarjjam —sasaw Elí sacerdotejj saraquïna.