1 Samuel 22:18 - Qullan Arunaca

¹⁸ Ucatwa reyejj edomita Doeg sat jakeruw ordenaraquïna: —¡Juma jiwarayam! —sasa. Uqhamasti Doeg sat jakejj sacerdotenacar catuntasinjja, quimsakallko tunca pheskani jakenacwa jiwarayäna. Jupanacasti efod sat linot lurat isimpi ist'atcamaquïpjjänwa.

Aymar Bibliia 1986

¹⁸ Ucatwa reyejj edomita Doeg sat jakeruw ordenaraquïna: —¡Juma jiwarayam! —sasa. Uqhamasti Doeg sat jakejj sacerdotenacar catuntasinjja, quimsakallko tunca pheskani jakenacwa jiwarayäna. Jupanacasti efod sat linot lurat isimpi ist'atcamaquïpjjänwa.

Qullan Arunaka DC

¹⁸ Ukat reyix edomita Doeg sat jaqirux säna: —¡Jumapun jiwarayam! —sasa. Ukhamasti Doeg sat jaqix sacerdotenakar katuntasinxa, kimsaqallq tunka phisqaniruw jiwarayäna, jupanakasti linot lurat efod sat isimpi isthapitäpxänwa.

1 Samuel 22:18 Jak'a apnaqawi uñst'ayäwi

2 Crónicas 24:21

Ucampis jupanacajj mayaqui jupataqui arust'asisinjja, reyin arsut'apatwa kalamp c'upjasa jiwayapjjäna, Tatitun templopa ankäjjana.

Salmos 78:64

sacerdotenacajj espadamp jiwayatäpjjänwa, warminacapasti janiw jupanacat jachapcänti.

Éxodo 28:40

Uqhamarac Aaronan wawanacapataquisti luraraquïtawa túnica sat isinaca, cinturonanaca, uqhamarac turbante sata p'ekeru uchasipjjañapataqui, uqhamata jupanacajj suma c'ajquiri isinïpjjañapataqui.

Proverbios 24:15

Jucharar jake, jan amtamti asqui jake contra jan wali lurañanaca, janiraqui utaparusa jan walinacjja luramti;

Oseas 5:11

Efrainajj t'akhesiyatawa, jupancqui ucanacas k'ala aparataraquiwa, c'ari diosanacar sirviña wali munatap laycu.

Oseas 7:3

“Marcajjajj ñankha luräwinacapampi, c'arisiñanacapampejj reyirus, jilïrinacaparus cusisiyiwa.

Miqueas 6:16

Jumajj Omri jakena, uqhamarac Acab jaken familianacapan arsutanacapa, uqhamaraqui luräwinacapwa lurtajja uca laycu, ucatsti cunjämtejj jupanacajj sarnakcänjja uqhamracwa sarnaktajja. Ucatwa jichhajj jumatjja, uqhamarac jakenacamatsa mä ajjsarayascaña, laruscañraqui lurapjjämajja, marcajjan p'enkapasti jumjjaruraquiw purini.’ ”

Sofonías 3:3

Jach'a jilïri jakenacapajj leonanacjamaw wararipjje; juesanacapas aruma sarnaker lobonacjamaw ch'aqhanacsa k'al mank'antapjje, khepärmanthitaqui jan maysa jilt'ayasa.

1 Samuel 2:18

Ucampisa, Samuel waynajja, mä suma efod sat lino isimpi ist'ataw Tatiturojj sirviscaraquïna.

1 Samuel 2:28

Israel marcan take tribunacap taypitsti nayan sacerdotenacajjäñapataqui, uqhamarac nayan altarajj-jjaru sacrificionac loktanipjjañapataqui, incienso naqhayapjjañapataqui, uqhamarac efod sat isimpi naya nayrakatan ist'atäpjjañapataqui. Uqhamarus nayrapacha awquinacamarojj take ofrendanactejj israelitanacajj Tatituru churqui ucanacwa churaractjja.

1 Samuel 2:36

Ucatsti kawkhanitejj familiamat jacasipcani ucanacasti, jupa nayrakataruw mä juc'a kollke jan ucajj mä jisc'a t'ant'a laycuw jisc'achatäpjjani, sacerdotenac taypin cuna lurañacsay churapjjeta mank'asipjjañanacajjataqui —sasaw achict'asipjjaraquini.’ ”