1 Samuel 21:7 - Qullan Arunaca

⁷ Uca urusti ucancascaraquïnwa Saúl reyin mä oficialapajja. Jupasti kollanawjaruw khepararaquitayna. Uca jakesti mä edomita jakënwa, Doeg sata, Saúl reyin awatirinacapan jilïriparaquïnwa.

Aymar Bibliia 1986

⁷ Uca urusti ucancascaraquïnwa Saúl reyin mä oficialapajja. Jupasti kollanawjaruw khepararaquitayna. Uca jakesti mä edomita jakënwa, Doeg sata, Saúl reyin awatirinacapan jilïriparaquïnwa.

Qullan Arunaka DC

⁷ 7 (8) Uka urusti Saúl reyin mayni jilïripaw ukankäna, jupasti qullan chiqawjaruw qhiparatayna. Jupax edomita jaqïnwa, Doeg sutini, Saúl reyin awatirinakapan jilïripänwa.

1 Samuel 21:7 Jak'a apnaqawi uñst'ayäwi

Génesis 26:20

Ucampisa cawquïri awatirinacatejj ovejanac awatisipcäna uca Gerar vallena, ucanacasti Isaacan awatirinacapampiw ch'ajjwapjjäna, uca umasti “Nanacanquiw” sasaw sapjjaraquïna. Ucatwa Isaacajj uca phuch'urojj “Ch'ajjwaña” sasa sutichänjja, uqham ch'ajjwatätap laycu.

1 Crónicas 27:29

Uywanacajj Sarón chekan pastona mank'asqui ucatjja utt'ayatänwa pachpa Sarón chekanquir Sitrai chacha, uqhamarac vallenacana uywanacajj pasto mank'apqui ucatjja utt'ayatänwa Adlai chachan Safat yokapa.

1 Crónicas 27:31

ovejanaca uñjañapataquejja utt'ayatänwa agareno Jaziz chacha. Take jupanacawa David reyin yänacapa apnakerinacäpjjäna.

2 Crónicas 26:10

Ucjjarusti wasaranjja torrenacwa lurayäna, walja uywanacapa jupan utjatap laycusti walja uma phujunacwa jist'arayäna, pamparusa, uqhamarac kollurusa. Jupansti irnakeri jakenacapawa utjäna pampansa, uva yapunacansa. Ucanacasti jupanjja utjänwa kolluna, uqhamarac frutanac achuri alinacasa, jupajj yapu lurañaru munirïtap laycu.

Ezequiel 33:31

Uqhamaw marcajjajj jutasin juman nayrakataman kont'asipjje cunjämtejj lurapjjerïcäna, arunacama ist'añataqui. Ucampisa janiw uca arunacarjama sarnakapquiti. Munasiña k'ochunacäcaspasa uqhamacwa k'ochupjje, ucampisa jupanacan chuymanacapajj kollken khepapa sarañanquiwa.

Levítico 22:10

“Janipuniw yakha marcat jutiri jakenacajj cunatejj kollanäqui ucanacatjja mank'caniti. Janiraquiwa sacerdoten korpachatapasa, ni sacerdotetaqui irnakeri jakesa uca kollana yänacatjja mank'añapäquiti.

Levítico 22:13

Ucampisa maynitejj chachampi jaljtata warmïchi jan ucajj viuda warmïchisa, janiraqui wawanïcchiti, ucatsti awquipan utaparu cuttawayjjaracchi solteräcaspas uqhama, uca warmisti awquipan mank'añanacapatwa mank'ascaraquini. Ucatsipana janipuniw yakha marcat jutirinacajja uca mank'at mank'caniti.

Levítico 24:5

“Mä suma jac'u aptam, ucatsti tunca payani wali suma tortanacäqui ucanaca lurt'araquim, pusi kilo chicatani ucqhatjamaraquïñapawa sapa t'ant'ajja,

Levítico 24:8

Uca luräwisti sapa samarañ urunwa jan armt'asa lurasiraquini, israelitanacan mä wiñaya arust'äwipäcaspasa uqhama.

Amós 8:5

Jumanacajj sapjjtawa: “¿Cunapachas wawa phajjsi fiestasti pasani trigo aljasiñasataquejja? ¿Cunapachas pasjjani samarañ urusti, tupunac jisc'aptayasa, balansa pesanac jisc'aptayasina, jila alaru aljañataquejja?

Mateo 15:8

‘Aca jakenacajj lacapampiquiw jach'añchapjjetu, ucampis chuymanacapajj nayatjja jayanquiwa.

1 Samuel 11:5

Uqhamäquiriruw Saúl waynajj pampat orko vacanacap ant'ataw jutascäna, ucat purinisin jisct'äna: —¿Cunas jaquinacampejj camachi? ¿Cunatsa jachapjje? —sasa. Jakenacasti cuntejj Jabes sisqui uca jaken qhitatanacapajj yatiyapcatayna ucanaca yatiyapjjäna.

1 Samuel 14:47

Uqhamawa Saúl reyejj Israel marca apnakasajja atipjäna take chekanwa uñisirinacapampejj nuwasiraquïna ucanacasti acanacänwa: Moab, Amón, Edom, Soban uqhamarac filisteonacan reyipa. Cawquirutejj sarcäna ucanacarojj atipjaquipunïnwa.

1 Samuel 21:8

Davidasti Ahimelec sacerdoterojj saraquïnwa: —¿Mä lanzacha jan ucajj mä espadacha utjtama? Reyin arsutapasti sinti janc'aquipunïnwa, janiraquiw tiemposa utjquitänti espadajja apasiniñataquejja, uqhamarac yakha armanacajjsa —sasa.

1 Samuel 22:10

Ahimelec sacerdotesti Tatituruw Davidjjatjja jisct'asiraquïna. Ucatsti churaraquiwa mank'añanaca uqhamaraqui Goliat filisteo jaken espadapsa churaraqui —sasa.

1 Samuel 22:22

Davidasti saraquïnwa: —Nayajj yatïyätwa qhä urojja, cunapachatejj Doeg jakejj ucanccäna ucqha, jupajj reyirojj yatiyaniwa, sasa. Nayaw juchanïtjja takpacha familiaman jiwarañapataquejja.

1 Samuel 22:9

Uqhamasti Doeg sat edomita jakejja, qhititejj Saúl reyin esclavonacapan capitanapäcän ucajja sartasin Saúl reyirojj sänwa: —Nayaw uñjta Isaí jaken yokaparojja, Nob sata orakeru Ahimelec sacerdotempi jiquisir sarasquiri. Uca sacerdotesti Ahitob jaken yokaparaquiwa.