1 Samuel 20:8 - Qullan Arunaca

⁸ Uqhamajja, uca asquiy lurt'ita, nayajj sirvirimästjjaya, uqhamarus mä amtäwi Tatit nayrakatanjja luraractanjja. Ucampisa nayatejj juchanïyäjja, ucqhajj juma quipcaw nayarojj jiwayitäta. Janiw waquiscaniti nayan awquim nayrakataru irpañamajja.

Aymar Bibliia 1986

⁸ Uqhamajja, uca asquiy lurt'ita, nayajj sirvirimästjjaya, uqhamarus mä amtäwi Tatit nayrakatanjja luraractanjja. Ucampisa nayatejj juchanïyäjja, ucqhajj juma quipcaw nayarojj jiwayitäta. Janiw waquiscaniti nayan awquim nayrakataru irpañamajja.

Qullan Arunaka DC

⁸ Ukhamax nayar yanapt'itaya, juman luqtirimätwa, ukhamarus Tatit nayraqatan jila masïñatakiw juramento lurtanxa. Jichhasti, nayan juchaxächi ukax juma kipka jiwayita. Janiw wakiskiti awkiman ukaru nayar irpañamaxa —sasa.

1 Samuel 20:8 Jak'a apnaqawi uñst'ayäwi

Génesis 24:49

Jichhajj sapjjeta: Jumanacajj asqui lurapjjasmati uywirejjampejja janicha, jan waquiscchi ucqhasti sapjjaraquita, uqhamat nayajj amuyt'asiñajjataqui cunatejj lurañajjäqui uca toketa” sasa.

Génesis 47:29

Mä urusti Israelajj jiwirjamäjjatapwa amuyasïna. Ucatsti José yokapwa jawsayani, aqham sañataqui: —Chekpachapuni mä asqui lurañ munchista ucqhajj amparam lanqhu charajj mankhar ucham, ucatsti cuntejj maycäma uc phokhañataqui juramento lurarapita. ¡Janipuni Egiptor imayistati!

2 Samuel 14:32

Absalonasti saraquïnwa: —Nayajj jumaruw jawsaysma, reyin ucar naya toket sart'añamataqui, ucatsti juparu sañamataqui: ‘Janiw cunataquis asquïquiti Gesur marcat jutatajjajja, waliquïsapänwa nayan uca pachpa marcaru kheparascañajjajja’ sasa. Nayasti reyiruw uñjañ munta, cuna juchajjas utjchi ucqhasti nayarojj jiwayitpan —sasa.

1 Crónicas 12:17

Ucatsti Davidajj jupanacar jicjjatiri mistunisinjja sänwa: —Jumanacatejj sumampiqui, uqhamarac yanapiri jutapjjsta ucajja, take chuymajjampiw catokapjjsma nayampïpjjañamataqui; ucampis jumanacatejj nayar aljantiri, uqhamarac uñisirinacajjaru catuyiri jutapjjsta ucajja, nayajj janis qhitirus jiwaycsta ucasa, ¡nayra awquinacasan Diosapa uñjpan, uqhamarac jumanacarojj mutuyaracpan! —sasa.

Salmos 116:11

Llaquisiñancasajj säyätwa: “Jakenacajj c'aricamaquiwa” sasa.

Proverbios 3:3

Janipuni cunapachas armasimti munasiñampita cheka cancañampita; ucanacsti mä collarjama cuncamar warcuntasim. Chuymamarusti ucanacjja sum imaraquim,

Hechos 25:11

Nayan jan wali luratajj laycutï jiwañajjajj waquischi ucajja, janc'aquïtwa jiwañataquisa. Ucampis nayar juchañchapquitu ucajj c'arïchi ucajja, janiw qhitis jupanacan amparaparojj catuyapquitaspati. Nayasti maytwa: ‘Emperadorapuni uñjitpan’ —sasa.

Josué 2:14

Jupanacasti warmirojj sapjjänwa: —Jumatejj jan qhitirus yatiycäta nanacan jutatajj-jja, nanacasti jacañanacajjampiw jumatjja sayt'apjjä cunapachatï Diosajj aca orak churapquitan ucqhajja, nanacasti jumatjja qhuyapayasipjjämawa, ucatsti uñjaraquïtaw nanacan arunacajjaru phokhatanacajja.

Josué 22:22

—Diosanacansa Diosapa Tatituw nanacar yatipjjetu, aca altar lurapjjta ucajj janiw jupampi mayjt'asiñataquïquiti ni jupata sarakañataquïquisa; Diosaw yati, juparaquiw Israel marcarojj yatiyani, nanacan amtäwinacajjatejj Dios conträchi ucapachajja, jupajj nanacar jichhpach jiwarayapjjetpan.

Rut 1:8

Ucampis thaqui sarcasinjja jupajj sänwa: —Sarjjapjjam, cuttjjapjjam utanacamaru taycanacam thiyaru. Diosajj jumanacat qhuyapayaspan, cunjämatï nayatsa uqhamarac wawanacajjatsa jumanacajj qhuyapasipquista uqhama.

1 Samuel 18:1

Davidan Saúl reyimpi parlañ tucuyjjatapatsti, Jonatanajj Davidampejj wali suma amigonacapuniw tucupjjäna, ucatsti Jonatanajj jupa quipcarjamaw munasïna.

1 Samuel 18:3

Jonatanampi, Davidampisti wiñay uqham munasiñataquiw juramento lurapjjäna, Jonatanasti Davidarojj jupa quipcarjam munasitap laycu.

1 Samuel 20:9

Ucampisa Jonatanajj saraquïnwa: —¡Jan jumajj ucjja lup'imti! Nayatejj awquejjan jan wali lurañ amtatapa yatï ucapachajja, janc'aquiw jumarojj yatiyäma —sasa.

1 Samuel 23:18

Uqhamasti panpachaniw mä amtäwi lurapjjäna, Tatitun nayrakatapana. Uca khepatsti Jonatanajj utaparuw cuttanjjäna. Davidasti Hores sisqui uca chekaruw kheparjjaraquïna.