1 Samuel 2:35 - Qullan Arunaca

³⁵ Ucatsti nayajj mä suma sacerdote, chekapar uñjiri, uqhamarac nayan munañajj phokheri uscuraquï, ucan wawanacaparusti wiñayataquiw churaraquï, cawquïri reytejj nayajj ajllcä ucar sirviri tucuyaraquëjja.

Aymar Bibliia 1986

³⁵ Ucatsti nayajj mä suma sacerdote, chekapar uñjiri, uqhamarac nayan munañajj phokheri uscuraquï, ucan wawanacaparusti wiñayataquiw churaraquï, cawquïri reytejj nayajj ajllcä ucar sirviri tucuyaraquëjja.

Qullan Arunaka DC

³⁵ Ukatsti, nayax mä suma sacerdote utt'ayä, chiqapar apnaqiri, nayan munañax phuqhiri, ukhamarak nayan amtäwixarjam luriri; wila masinakaparusti walja maranak jakayä, ukatsti nayan ajllit reyiru luqtir tukt'ayarakï.

1 Samuel 2:35 Jak'a apnaqawi uñst'ayäwi

2 Samuel 7:11

cunapachatï jilïrinaca marcajjar apnakañapataqui utt'aycäyät ucapachasti. Nayaw take uñisirinacamatjja khespiyata uñjasiyäma. Yatiyaracsmawa jumanjja walja wawanacamaw utjani,

2 Samuel 7:27

Jumätaw take ch'amani Tatitojj, nayar yatiyista wawanacajjan apnakañap toketjja; ucatwa nayajj, juman sirvirimäctsa ucasa, aca mayïwi mayt'assma.

1 Reyes 1:45

Ucjjarusti Sadoc sacerdotesa, Natán profetasa Gihón chekanwa reyit utt'ayapjjaraqui, ucatsti wali cusisitawa cutt'anjjapjjäna. Ucatwa marcanjja jakenacajj ojjopjje, ucaracwa jumanacajj ist'apjjaractajja.

1 Reyes 1:8

Ucampis janiw Sadoc sacerdotejja yanapcänti, ni Joiada ucan Benaía yokapasa, ni Natán profetasa, ni reyin wali uñt'ata Simei sat chachasa, ni Davidan suma soldadonacapasa Adoniasarojj yanapapcänti.

1 Reyes 11:38

Jumatejj ist'itäta take cuntejj luram siscäma ucanaca, uqhamarac luratanacamas nayan nayrakatajjana chekapäni, ucatsti phokharaquïta leyinacajjsa, camachi arunacajjsa, cunjämatï David sirvirejjajj lurquejja uqhama, nayajja jumampïyäwa, uqhamaraqui familiamsa ch'aman sayt'ayäjja, cunjämatï Davidaru lurcta uqhama; ucatsti Israeljja jumaruwa catuyäma.

1 Reyes 2:35

Ucjjarusti reyejj Benaía chacharojj ejerciton jilïripatwa uchäna Joab lanti, uqhamarac Abiatar sacerdote lantjja Sadoc sacerdoteruraquiwa ucharaquïna.

1 Crónicas 29:22

Qhä urunjja wali cusisitawa mank'apjjäna, umapjjaraquïna Tatitun nayrakatapana. Ucjjarusti paya cutinwa Davidan Salomón yokaparojj reyita utt'ayapjjäna, ucatsti Diosaruw loktapjjäna take munañanita, uqhamarac Sadoc chacharusa sacerdoteta loktapjjaraquïna.

Salmos 18:50

Jumaw ajllit reyimarojj atipaytajja, Davidampir allchhinacapampirojj munasiñampipuniw uñjtajja.

Salmos 2:2

Acapach reyinacajj mayachthapisipjjewa, jilïr jakenacajj mä amtañaruquiw puripjje: Tatitumpiru, ajllit reyipampir kallcatañataqui.

Éxodo 1:21

Parteranacajja Diosar ajjsarapjjatanacap laycusti, Diosajj jupanacarojj qhuyapt'ayänwa, uqhamarac wawanacsa churaraquïnwa.

Ezequiel 34:23

David sirvirejjaruw cuttayanjjaraquëjja, jupa saparuquiraquiw awatirit uscöjja, jupaw ovejanacarojj awatiraquini. Jupaw awatiriparaquïni.

Números 25:13

Ucatwa jupampiru, wawanacapampirojj wiñayatac sacerdote sarnakañ churä, jupan nayjama coleratap laycu, uqhamata israelitanacataqui perdón jicjjatatap laycu —sasa.

Hebreos 2:17

Ucataquipï waquisïnjja take cunansa jilanacapjam tucuyatäñapajja, qhuyapayasiri, cheka jach'a sacerdotëñapataqui Dios nayrakatana, uqhamarac sacrificio toke take jakenacaru juchanacap apakañataqui.

1 Samuel 10:10

Ucatsti cunapachatejj Saúl waynampi uywatapampi Gabaa sisqui uca chekaru puripcäna ucapachasti, uca mä kawkha profetanacaw jicjjatiri mistuni. Ucapachasti Diosan ajayuparaquiw Saúl waynjjarojj jutäna; jupajj uca profetanacjamaraquiw parläna.

1 Samuel 10:9

Saúl waynan, Samuelon ucat sarjjepansti, Diosajj janc'aquiw chuymapa trocäna. Ucürpacharaquiw cuntejj Samuelojj siscatayna take uca unanchanacajj phokhasïna.

1 Samuel 12:3

Jichhasti acajjay acancasctwa. Nayatejj qhitin vacapsa, asnopsa catuntassta, jan ucajj qhitirus t'akhesiystjja, jan ucajj cheka uñjañataquis kollke chilltayasstjja ucapachajj arsupjjam Tatitu nayräjjana, uqhamarac cawquïr reytejj jupajj ajllqui uca nayrakatansa, ucat nayajj take manut phoqhawayjjäwa —sasa.

1 Samuel 16:13

Ucat Samuelojj janc'aquiw aceiten wajjra aptasinjja, jilanacap nayrakatanwa uca waynarojj reyïñapataqui yakhachjjäna, jupasti David satänwa. Ucat ucsarusti Tatitun ajayupaw jupjjancäna. Ucatsti Samuelojj jupanacatjja sarjjänwa, Ramá sisqui uca chekaru.

1 Samuel 2:36

Ucatsti kawkhanitejj familiamat jacasipcani ucanacasti, jupa nayrakataruw mä juc'a kollke jan ucajj mä jisc'a t'ant'a laycuw jisc'achatäpjjani, sacerdotenac taypin cuna lurañacsay churapjjeta mank'asipjjañanacajjataqui —sasaw achict'asipjjaraquini.’ ”

1 Samuel 25:28

Ucatsti jumajj naya sirvirimarojj perdont'asiraquita. Chekpachansa Tatituw jumana, uqhamarac wawanacaman reyïñapsa jan tucusiycaniti, jumajj Tatitutaqui ch'ama tucutam laycu. Take jacaña urunacamansti janiraquiw cuna jan walt'añas jumjjarojj jutcaniti.

1 Samuel 3:1

Samuel waynasti Tatiturojj sirviscaquïnwa Elí sacerdoten arsutanacap phokhasa. Uca urunacansti janiraquiw Tatitojj cuna arunacsa alekaqui yatiyirïcänti, janiraquiw qhitis alekaqui cuna uñjañsa uñjirïcänti.

1 Samuel 7:9

Samuelosti mä ovej kallu catusinjja uqhampachwa Tatiturojj sacrificiot loktäna, Israel marcataquiraquiw Tatitut wali mayïna, Tatitusti mayitaparojj ist'araquïnwa.

1 Samuel 8:3

Ucampisa yokanacapajj janiw awquipjama sarnakapcänti, jan ucasti take cun muniriw tucjjapjjäna, kollke chilltayasipjjaraquirïna, janiraquiw take cunsa chekaparu uñjapcänti.

1 Samuel 9:12

Tawakonacasti sapjjaraquïnwa: —Jïsa, ucancasquiwa uñjirejja, janc'aqui sarapjjam. Jichhürojj jupajj marcaruw juti, santuarion sacrificiojj loktasitap laycu.

1 Samuel 9:13

Marcaru purisinsti janc'aquiw juparojj thaktapjjäta, janïra santuarior mank'eri sarquipana. Jakenacasti janïraw mank'apcaniti jupan puriniñapcamajja, juparaquiw sacrificio loktatarojj bendiciñapa, uca khepatwa jawsayata jakenacajj mank'asipcani. Ucatpï jichhajj janc'aqui sarapjjam, anchhitajj jicjjatasipcätawa —sasaw tawakonacajj sapjjäna.