1 Samuel 18:8 - Qullan Arunaca

⁸ Uca arunacajj Saúl reyirojj wali colerayäna, ucat arsu: “Davidajj tunca waranka jakenaca jiwarayi sapjjewa, nayasti waranka jakenaca jiwarayatajjaquiraqui. ¡Reyit utt'ayasjjapjjañapaquiw waquisjjejja!” sasaw Saúl reyejj saraquïna.

Aymar Bibliia 1986

⁸ Uca arunacajj Saúl reyirojj wali colerayäna, ucat arsu: “Davidajj tunca waranka jakenaca jiwarayi sapjjewa, nayasti waranka jakenaca jiwarayatajjaquiraqui. ¡Reyit utt'ayasjjapjjañapaquiw waquisjjejja!” sasaw Saúl reyejj saraquïna.

Qullan Arunaka DC

⁸ Uka arunakasti Saúl reyirux janiw walt'aykänti, ukat wali phiñasitaw akham arsüna: —Davidan tunka waranqa jaqinak jiwarayatapat arsupxi, nayatsti waranqa jaqinak jiwarayataxatak arsupxi. ¡Reyit utt'ayasxapxañapakiw wakisxi! —sasa.

1 Samuel 18:8 Jak'a apnaqawi uñst'ayäwi

Génesis 37:11

Jilanacapasti walipuniw envidiasipjjäna, ucampis awquipajj uca samcat wali lup'iscaraquïna.

Génesis 37:8

Jilanacapasti ucjjarojj sapjjaraquïnwa: —¿Jumajj nanacan reyejjäsmati, ucatti nanacarusti apnakapjjetäta? —sasa. Ucatsti juc'ampiw uñisipjjäna, samcasitapatjja, uqhamarac cunjämtï cuentcatayna ucatsa.

1 Reyes 2:22

Reyisti ucjjarojj taycaparojj sänwa: —¿Cunatsa mayistajja sunamita Abisag tawakjja Adoniasan warmipataquijja? ¡Reyïñajja jupar churjjañajjaquiw ucjjaru mayiñamajj wact'jjtamjja, jupajj jilïr jilajjätapata, ucatsti Abiatar sacerdotesa, uqhamarac Sarvia jaken Joab yokapasa jupampïtap laycuraqui! —sasa.

Ester (hebreo) 3:5

Amán chachasti cunapachatejj jupajj pasirïna ucqhajja, Mardoqueojj jan quillt'asirïtapa, ni p'ekepsa alt'irïtapa yatisinjja wali colerataw jicjjatasïna.

Proverbios 13:10

Jach'a jach'a tucuñajj nuwasiñanacacwa apani, ucampis yatiñ cancañajja llamp'u chuymaninacampiwa.

Proverbios 27:4

Colerasiñajj jan wali tucjiriwa, ucampis envidiasiñajja ucat sipansa juc'amp jan waliwa.

Eclesiastés 4:4

Uñjaractwa irnakañanacansa, uqhamarac suma lurañanacansa envidiasiñaquiw utji mayninac toke, ucasti inamayawa, thayarusa catthapï siscsna uqhama.

Números 11:1

Mä urusti israelitanacajj Tatitu tokwa parlapjjäna, jupanacan jan walt'añanac utjatap laycu. Tatitusti ucanac ist'asajj wal colerasïna, ucatsti mä nina apayanisajja campamenton thiyanacapwa phichhantäna.

Números 22:34

Balaamasti Tatitun angelaparojj sänwa: —Nayasti juch lurta, janiw yattcäyätti juman uca chekan thaqui jist'antascatama. Jumataquitejj jan walïcchi nayan saratajjajja, ucqhajj utajjaruw cuttjjä —sasa.

Santiago 4:5

Ucatpï Diosan arupajj sejja: “Cuna ajaytï Diosajj jiwasan jacayqui ucajj wali munistu” sasa.

1 Samuel 13:14

Ucampis jichhajj juman apnakañamajj janiw jayäcaniti. Tatitojj yakha chacha thakani jupan chuymapar purt'quiri, ucatsti marcapan jilïripatwa utt'ayaraquini, jupan arunacaparu jan ist'atam laycu.

1 Samuel 15:28

Ucat Samuelojj Saúl reyirojj saraquïna: —Cunjämtejj ch'iyakquistajja uqhamaracwa jumarojj Tatitojj Israelan tronopatjja ch'iyakjjaractamjja. Juman mayni marca masimar catuyjjañataquiw apakjjtam, cawquïritejj jumat sipansa juc'ampi wali asquïqui ucaru.

1 Samuel 16:13

Ucat Samuelojj janc'aquiw aceiten wajjra aptasinjja, jilanacap nayrakatanwa uca waynarojj reyïñapataqui yakhachjjäna, jupasti David satänwa. Ucat ucsarusti Tatitun ajayupaw jupjjancäna. Ucatsti Samuelojj jupanacatjja sarjjänwa, Ramá sisqui uca chekaru.

1 Samuel 18:9

Uca urut ucsarusti Saúl reyejj Davidarojj wali pä chuymampiw uñjänjja.

1 Samuel 19:1

Saúl reyejj, Jonatán yokapampiru, uqhamarac take oficialanacapampirojj Davidar jiwayapjjañapataquiw arsüna. Ucampisa cunjämatejj Jonatanajj Davidaru wali munänjja,

1 Samuel 20:31

Jupan aca oraken jacañapcamasti, jumasa uqhamarac reinomasa janiw jumataquïcaniti. ¡Uqhamajj jichhajj saram, ucatsti thaktayanim, acaru irptayaniraquim, jiwañapajj waquisipuniwa! —sasa.