1 Samuel 17:45 - Qullan Arunaca

⁴⁵ Davidasti saraquïnwa: —Jumasti espadampi, lanzampi, flechanacampiw nayamp nuwasirejj juttajja ucampis nayajj jumampi nuwasirejj take ch'amani Tatit Diosan sutipjjaruw juttjja. Jupasti Israelan ejercitopan Diosapawa, qhitirutejj jumajj arnakcta ucana.

Aymar Bibliia 1986

⁴⁵ Davidasti saraquïnwa: —Jumasti espadampi, lanzampi, flechanacampiw nayamp nuwasirejj juttajja ucampis nayajj jumampi nuwasirejj take ch'amani Tatit Diosan sutipjjaruw juttjja. Jupasti Israelan ejercitopan Diosapawa, qhitirutejj jumajj arnakcta ucana.

Qullan Arunaka DC

⁴⁵ Davidasti sarakïnwa: —Jumasti espadampi, lanzampi, mich'inakampiw nayamp nuwasir juttaxa, ukampis nayax jumampi nuwasiñatakix taqi ch'amani Tatit Diosan sutipxaruw jutta, jupasti Israelan soldadonakapan Diosapawa khitinakarutix jumax nuwantañ munkta uka.

1 Samuel 17:45 Jak'a apnaqawi uñst'ayäwi

2 Crónicas 14:10

Ucatsti Asa reyejj jupanacar jicjjatiriw saräna, jakenacapampisti Maresa jac'ana Sefata vallenwa nuwasiñatac waquichrantasïna.

2 Crónicas 32:8

Jupasti jakenacan ch'amapampiquiwa, ucampis Tatitu Diosasaw jiwasampïsqui, nuwasïwinacasana jiwasaru yanapt'añapataqui” sasa. Ezequías reyin arunacap ist'asinjja, jakenacajja ch'amañchasipjjänwa.

Salmos 124:8

Yanapt'ajj Tatitut juti, jupaw alajjpach acapach lurirejja.

Salmos 18:2

Jumaw arjjatirejjätajja, imantasiñajjätasa, jumaw khespiyirejjätasa, Diosajjätasa, nayar imantir karkajjätasa, imir jarc'akasiñajjätasa, khespiyir ch'amajjätasa, wali amstanquir imantasiñajjätasa.

Salmos 20:8

Jupanacajj tincurayataw uñjasipjje, jiwasanacasti ch'amaniw sayt'asisipctan.

Salmos 3:8

Tatay, jumaw khespiyirïtajja; ¡marcamarojj asquinacampiy phokhantam!

Salmos 44:6

Janiw nayajj flechajjar alcatquiristti, janiraquiw espadajjas atipayquitaspati;

Proverbios 18:10

Tatitun sutipajj imantasiña jach'a torrer uñtatawa, asqui jakenacajj jupan ucar imantasiñataqui jutapqui ucanacataquejja.

Isaías 37:23

¿Qhitirus arunacamampejj ñankhachtajja? ¿Qhiti tokes ucatak arsustajja, uqhamaraqui wali jach'a jach'a tucusa uñatatastajja? ¡Israelan Kollan Diosapataquiw uc lurtajja!

Isaías 37:28

Nayajj take sarnakatam yatta, uqhamaraqui take luräwinacamsa yatiractwa, nayajj yattwa naya toke wal colerasitamsa.

2 Corintios 10:4

Nanacan nuwasiñanacajjataquejj janiw acapach armanacati uscutäquejja, jan ucasti nanacan armanacajjajj pachpa Diosan ch'amapawa, cunanacatejj ch'amanïqui ucanacar tucjañataqui.

2 Corintios 3:5

Janiraquiw nanacpachas cuna lurañataquis yatekatäpquirista uqhamäpcti, jan ucasti take cuntï lurapcta ucajj Diosatwa juti.

Filipenses 4:13

Criston ch'amapampejj take cunaruw saycatirista.

1 Samuel 17:10

Jichhüruw nayajj aca arunac Israel marcan ejercitoparu sista: ‘¡Qhitis nayampi nuwasirjamajja, uca jake qhitanipjjeta!’ sasa.

1 Samuel 17:26

Ucat Davidajj jupa jac'anquir jakenacaru jisct'araquïna: —¿Qhititejj aca filisteo chacharu jiwaycaspa, uqhamarac israelitanacar jisc'achatapsa apakcaspa uca jakerusti reyejj cunsa churaspa? Uqhamasti, ¿qhitiraqui uca jan Diosar uñt'iri filisteo chachasti, jacquir Diosan ejercitopar arnakaniñapataquisti? —sasa.

1 Samuel 17:36

Uqhamapï mä leonäscpasaya, jan ucajj mä osöscpasaya, aca sirvirimajj jiwt'ayaquipunirïnwa. Aca jan Diosar uñt'iri filisteo chacharusti uca quipcaraquiquiw lurasini jacquir Diosan ejercitopar arnakatap laycu.

1 Samuel 17:6

Charanacapasti pachpa broncet luratampi imantataraquïnwa, uqhamarac flechanacapa imañäquis ucajj broncetaraquiquïnwa.