1 Samuel 17:46 - Qullan Arunaca

⁴⁶ Jichhajj Tatitojj jumarojj amparajjaruw catuyitani, ucatsti jichhpachaw jiwt'ayäma, p'ekemsa apakaraquïmawa. Uqhamarac filisteonacan janchipsa alajjpach jamach'inacaruw mank'añanacapataqui churä, pampanquir animalanacaw mank'apjjaraquini. Uqhamatwa take jakenacajj yatipjjani, Israelanjja mä Diosajj utjatapa.

Aymar Bibliia 1986

⁴⁶ Jichhajj Tatitojj jumarojj amparajjaruw catuyitani, ucatsti jichhpachaw jiwt'ayäma, p'ekemsa apakaraquïmawa. Uqhamarac filisteonacan janchipsa alajjpach jamach'inacaruw mank'añanacapataqui churä, pampanquir animalanacaw mank'apjjaraquini. Uqhamatwa take jakenacajj yatipjjani, Israelanjja mä Diosajj utjatapa.

Qullan Arunaka DC

⁴⁶ Jichhasti Tatitux amparaxaruw jumar katuyitani, ukatsti jichhpachaw jiwt'ayäma, p'iqimsa apaqarakïma, filisteonakan jiwata janchipsa alaxpach jamach'inakana, pampankir animalanakan manq'antañapatakiw churä. Ukhamat taqinis yatipxani, Israel markan mä Diosan utjatapa,

1 Samuel 17:46 Jak'a apnaqawi uñst'ayäwi

Génesis 40:19

Acat quimsa ururusti faraonajj wasitatwa uñjjatani juman acancatamjja, ucatsti mä kokaruw warccatayaraquïtam, jamach'inacaraquiw jutasin aychamjja mank'apjjani.

2 Samuel 18:28

Ahimaasasti niya jac'achasinjjaraquïnwa, reyi nayräjjan orakcama alt'asisinsti, reyirojj aruntänwa, saraquïnwa: —Bendicitäpan Tatitojja, juma jach'a reyin Diosapajja, jichhasti jupajj, qhitinacatejj juma, jach'a rey, contra sayt'asipcän ucanacarojj apakjjewa —sasa.

2 Samuel 21:10

Uqhamasti Rizpa sat warmejja, cawquïritejj Ajan phuchapäcän ucasti chhanqha isinacampiw ist'asïna, lutt'asitapa uñacht'ayañataqui, mä karka pataruw wincutataraquïna. Ucaruw khepararaquïna cebada apthapiña kalltcän ucata, jallupachan puriniñapcama, janiraquiw jach'a jamach'inacarojj jac'aycänti urunacajja, ni monte animalanacarus jac'ayancaraquïnti arumanacajja, jiwat amayanacarojja.

1 Reyes 8:43

jumajj alajjpachatpachjja ist'anim, cawqhantejj jactajj ucqhatpacha, ucatsti churaraquim cuntï mayctam ucjja, uqhamata aca orakenquir take marcanacajj jumar uñt'apjjañapataqui uqhamarac jach'añchapjjañapataqui cunjämatï Israel marcamajj lurqui uqhama, ucatsti sutimajja aca templo jumataqui lurcta ucana aytatätap yatipjjañapataqui.

1 Reyes 8:60

Uqhamatwa aca orakenquir take marcanacajj yatipjjani Tatitojj Diosätapa, jan yakhajj utjatapata.

2 Reyes 19:19

Jichhasti, Tatitu, nanacan Diosajja, jumasti khespiyapjjetaya Senaquerib reyin ch'amapatjja, uqhamata aca orakenquir marcanacajj yatipjjañapataqui juma Tatitu Diosaqui utjatapa” sasa.

2 Reyes 5:15

Ucatsti jupasa, uqhamarac qhitinacatejj jupamp chica jutapcäna ucanacasa Eliseon ucaruw sarapjjäna. Purisinsti Naamán generalajj Eliseorojj sänwa: —¡Jichhajj yatjjtwa, take orakpachanjja janiw Diosajj utjquiti, jan ucasti Israelanacwa utji! Jichhasti achict'ssmawa mä wajjt'äwi catokt'ita aca juman sirvirimata —sasa.

Salmos 31:8

janiw uñisirejjan amparapar catuyquistati, suma thaquiruw cayunacajj tact'ayistajja.

Salmos 46:10

“Amuct'jjapjjam, nayan Diosätajj uñt'apjjam: Nayajj marcanacat juc'ampïtwa, oraket juc'ampiraquïtwa.”

Éxodo 9:16

Ucampis nayajj ch'amajja uñjañamataquiw jacaysma, uqhamata nayan sutejjajja take orakena uñt'atäñapataqui.

Isaías 37:20

Jichhajja, nanacan Dios Tatitojja, munañapatjja khespiyapjjetaya, uqhamat take marcanacajj yatipjjañapataqui chekpachansa Tata, juma sapa Diosaqui utjatama” sasa.

Isaías 52:10

Tatitojj take marcanacan uñjcataw jach'a ch'amap uñacht'ayi. Take aca orakpacharaquiw yatini, jiwasan Diosasajj khespiyquistu ucjja.

Isaías 56:9

Jutapjjam, ch'uminquir animalanaca; jutapjjam, montenquir animalanaca, tamarusti mank'antapjjaraquim;

Jeremías 19:7

Aca chekanwa Judá orakena, uqhamaraqui Jerusalén marcan amtatanacapjja t'unjä. Uñisirinacapampiw jupanacarojj atipjayä, jiwarayaraquï, jiwata janchinacapasti siwek'aranacana, montenquir animalanacan mank'apäniwa.

Jeremías 34:20

Uca laycu, jichhajj nayajj uñisirinacaparuraquiw catuyäjja, uqhamaraqui janchinacapasa jach'a jamach'inacana, montenquir animalanacan mank'atäñapataquiw catuyaraquëjja.

Daniel (hebreo) 2:47

Daniel waynarusti saraquïnwa: —Chekpachapuniw jumanacan Diosamajj take diosanacat sipansa jilt'atajja; jupajj reyinacjjarus munañaniwa, cunatejj imantatäqui ucanacsa khanañcharaquiwa, jumasti uca imantatjja khanañcharactawa.

Daniel (hebreo) 3:29

Jichhasti nayajj arstwa, cawquïri jaketejj aca waynanacan Diosap toke jan wali arunac parlani ucasti qharinokatäpan, utapasa mayjaru t'unthapitaraquïpan, qhitïscpasa, cawqui marcat jutirïscpasa, cuna casta parlanïscpasa, janiraquiw utjquiti yakha diosajj uqham khespiyañataquejj” sasa.

Mateo 24:28

Cawquincquitejj jiwat amayajja, ucaruw siwik'aranacajj jutapjjani.

Deuteronomio 28:26

Take jamach'inacana, monte animalanacan mank'antatäniw jiwat janchimajja janiw qhitis ucanacjja aliswakcaniti.

Deuteronomio 7:2

Cunapachatejj Tatitu Diosamajj uca marcanac amparanacamaru catuyapjjätam, uqhamaraqui atipjapjjät ucqhajj janiw jumanacajj cunsa jumanacatac catusipjjätati, jan ucasti take yänac t'unjapjjäta, janiraquiw cuna suma arust'äwirus jupanacampi mantapjjätati ni jupanacat qhuyapayasipjjätasa.

Deuteronomio 7:23

Ucampis Tatitu Diosamaw uca marcanac amparanacamar catuyapjjtam, ucata jupanacar k'al tucjapjjañanacamcama.

Josué 10:8

Ucatwa Diosajj Josué chacharojj säna: “Jan jumajj ajjsarayasimti, nayaw jumar catuysma, janiraquiw cawquïri reyis jumampi nuwasiñjja puedcaniti” sasa.

Josué 4:24

Uqhamatwa take acapachan jaquir jakenacajj yatipjjani cunja ch'amanïquitï Dios Tatitojj uca, ucatsti jumanacajj ajjsarapjjapunim Dios Tatitumarojja” sasa.

1 Samuel 14:6

Jonatanasti yanapiriparojj sänwa: —Jina, mäpit qhurcataru maqhatañäni, cawqhancquitejj uca jan Diosar uñt'ir jakenacajj ucacama. Inampis Tatitojj mä cunsa jiwasataqui lurascaspa, jupataquisti janiw cuna ch'amäquisa jiwasar atipjaña churañajja, walja jakempisa jan ucajj juc'a jakempisa —sasa.

1 Samuel 17:44

Uqhamarus saraquïnwa: —¡Jutam acaru, nayajj janchimjja alajjpach jamach'inacan mank'añapataqui, pampanquir animalanacan mank'añapataquiraquiw churä! —sasa.