1 Samuel 17:20 - Qullan Arunaca

²⁰ Khepärmanthisti Davidajj wali alwatwa sartasïna, ovejanacap mayniru jaytawayasinsti, cunanactejj Isaí awquipajj churcatayna ucanac apt'ataw sarawayäna. Campamentor purcän ucapachasti, ejercitojj nuwasiri mistuñataquiw waquichasiscäna, uqhamarac guerrar mistuñataquiw arnakasipjjaraquïna.

Aymar Bibliia 1986

²⁰ Khepärmanthisti Davidajj wali alwatwa sartasïna, ovejanacap mayniru jaytawayasinsti, cunanactejj Isaí awquipajj churcatayna ucanac apt'ataw sarawayäna. Campamentor purcän ucapachasti, ejercitojj nuwasiri mistuñataquiw waquichasiscäna, uqhamarac guerrar mistuñataquiw arnakasipjjaraquïna.

Qullan Arunaka DC

²⁰ Qhipürusti, Davidax wali willjtat sartasïna, ukatsti mayniru ovejanakap jaytawayasin kunanaktix Jesé awkipax churkatayna ukanak apt'ataw saräna. Campamentor purxän ukkhasti, soldadonakax nuwasiri mistuñatakiw wakichasiskäna, nuwasiñ arunak arnaqasipxarakïna.

1 Samuel 17:20 Jak'a apnaqawi uñst'ayäwi

Lucas 19:43

Jumataquisti jan wali urunacaw purinini, ucapachasti uñisirinacamajj mä perkampiw jumar muyuntayätam, ucatsti take toket nuwantapjjaraquïtam.

Josué 3:1

Josué chachajj khepärmanthejj wali alwat sartasïna, ucatsti take israelit jakenacampiw Sitim sat chekat mistuwayapjjäna Jordán jawirar purisina, ucanwa samarapjjaraquïna janïr jawir maqhatcasina.

1 Samuel 15:12

Khepärmanthi alwasti Samuelojj Saúl reyimpi jiquisir sarañataquiw wali alwata sartasïna, ucampis Saúl reyin Carmel sisqui ucsaru sarjjatapwa yatiyapjjaraquïna, ucan mä jach'a pilar sayt'ayatapa, ucat ucsa toke muytasinsti, Gilgal tokeru sarascaquitapa.

1 Samuel 17:19

Ucañcamasti Saúl reyimpi, uqhamarac Davidan jilanacapampi take israelitanacampejj Ela sisqui uca vallenwa filisteonacampi ch'ajjwasipcäna.

1 Samuel 17:21

Israelitanacasa, uqhamarac filisteo jakenacas, purapat uñthapisitaw formantasipjjäna.

1 Samuel 17:28

Ucampisa Eliab sata Davidan jilïri jilapajj, uqham jakenacampi parlasquiri ist'asinjja wali colerasïna, ucat saraquïna: —¿Cunarus acar jutta? ¿Qhitirus uca mä kawkha ovejanaca wasaran jaytaniwayta? Nayajj jumarojj uñt'smawa jach'achasiñ munirïtama, uqhamarac jan wali amtatanacamsa, jumasti soldadonacar nuwasisquiri uñjiriquiw juttajja —sasa.

1 Samuel 26:5

Uca khepatsti, cawqharutejj Saúl reyejj purcatayna ucacamaraquiw Davidajj purinïna. Uqhamaraqui wali sum uñakaraquïna, cawqhantejj Saúl reyimpi Abner jakempejj iquipcäna uca cheksa. Uca Abner jakesti Ner sat jaken yokapänwa, qhititejj Saúl reyin ejercitopanjja jach'a jilïrïcäna ucaraqui. Ucatsti Saúl reyejj campamento chica taypinwa iquiscäna, walja jakenacan muyuntata.

1 Samuel 26:7

Uca arumpachaw Davidampi, Abisai sat jakempejj campamentoru sarapjjäna. Saúl reyisti campamento chica taypin iquiscäna, p'ekëjjapansti lanzapajj orakeru chhokt'atäscaraquïnwa. Abnerampi soldadonacampisti, jupar muyuntataw iquirasipcaraquïna.