1 Samuel 15:6 - Qullan Arunaca

⁶ Ucat quenitas sat jakenacarojj saraquïna: “¡Sartapjjam ucqhata! ¡Jumanacajj amalecita jakenac taypit mistuwayjjapjjam, jan nayan jumanacaru jupanacampi chica t'unjañajjataqui, jumanacasti sumaquiracwa uñjapjjayätajj israelitanacarojj, cunapachatejj Egiptot jutapcän ucapachajja!” sasa. Quenitas sat jakenacasti amalecitas sat jakenac taypitjja mistuwayjjapjjänwa.

Aymar Bibliia 1986

⁶ Ucat quenitas sat jakenacarojj saraquïna: “¡Sartapjjam ucqhata! ¡Jumanacajj amalecita jakenac taypit mistuwayjjapjjam, jan nayan jumanacaru jupanacampi chica t'unjañajjataqui, jumanacasti sumaquiracwa uñjapjjayätajj israelitanacarojj, cunapachatejj Egiptot jutapcän ucapachajja!” sasa. Quenitas sat jakenacasti amalecitas sat jakenac taypitjja mistuwayjjapjjänwa.

Qullan Arunaka DC

⁶ Quenitas sat jaqinakarusti sarakïnwa: —¡Jithiqtapxam! ¡Amalecita jaqinak taypit mistupxam, ukhamat nayan jumanakar jan jupanakamp chika tukjañaxataki; jumanakasti israelitanakarux sum uñjapxäyätaxa kunapachatix Egiptot jutapkän ukaxa! —sasa. Quenitanakasti amalecita jaqinak taypit mistuwayxapxänwa.

1 Samuel 15:6 Jak'a apnaqawi uñst'ayäwi

Génesis 15:19

Ceneonacana, cenezeonacana, cadmoneonacana,

Génesis 18:25

¡Janiw waquiscaspati uqham jan juchanirojja juchaninacampi chica jiwarayañamajja, panpachanis pachpa jucha lurapcaspa uqhama! ¡Jan uc luramti! Jumajj aca mundpachana jach'a juezätawa, ¿janiti chekaparu uñjcäta? —sasa.

1 Crónicas 2:55

uqhamarac soferitanacan familianacaparaqui, jupanacasti Jabes ucan jacapjjäna, ucanacasti tirateonaca, simeateonaca, sucateonaca ucanacäpjjänwa. Acanacasti Hamat ucat jutir quenitanacäpjjewa, jupasti Bet-recab ucan awquipänwa.

Éxodo 18:19

Jichhasti sum ist'ita cuntejj nayajj amuyt'aycäma ucjja, Diosawa jumampïscani. Jumaw, marca lantjja Diosaru maqhatañama cuna jan walinacatejj utjqui ucanac yatiyañataqui.

Proverbios 9:6

Jaytanucjjapjjam jan amuyt'asis sarnakañanaca, ucatsti jacapjjätawa; ch'iqhi jakenacjama sarnakapjjam” sasa.

Números 16:34

Take cawquïri israelitanacatejj uca thiyanacan jicjjatasipjjäna ucanacajj warariri ist'asinjja, walpin jaltjjapjjäna aqham sasa: “Inampis jiwasarus uqham mank'antcaraquistaspa” sasa.

Hechos 2:40

Aca arunacampi, yakha arunacampi cunaw Pedrojj jupanacar ewjjt'äna, saraquïnwa: —Jethektapjjam aca ñankha jucharar jacañata —sasa.

2 Corintios 6:17

Ucatwa Tatitojj saraquejja: “Mistunjjapjjam jupanac taypita, jupanacat jithektapjjaraquim. K'añu lurañanacsti jan lurapjjamti, nayasti jumanacarojj catokjjapjjämawa.

2 Timoteo 1:16

Tatitojj qhuyapayaspan Onesíforon familiapatjja, jupasti walja cutiw samarañ churitu, janiraquiw p'enkasquiti nayan presötajjata.

Apocalipsis 18:14

Uca marcarusti sapjjaraquiniwa: “¡Janiraquis suma mojjsa achunacamajj utjcjjtamtejjä. Uca achunacjj waljjay jumajj munirïstajja!. ¡Wiñayataquiraquiw apt'asjjtajja take suma cancañama uqhamarac kamir cancañamsa!” sasa.

Jueces 1:16

Hobab quenita sata Moisesan awcch'ipan wawanacapasti Palmeras sat marcatsti Judá tribunquirinacampiw mistsupjjäna Judá wasararu Arad sat chekata aynacharu. Ucatsti ucaruwa kheparapjjäna ucanquir jakenacampi chica jacañataqui.

Jueces 4:11

Cedes sat marca jac'anjja Zaanaim sat encina jac'an Heber sat quenitajj utapwa lurasïna, jupasti mayni quenitanacatjja jayaruw sarakjjatayna, jupajj Hobab sata, Moisesan awcch'ipat sarakeriraquïnwa

Jueces 5:24

“Heber sat quenitan Jael sat warmipasti, ¡bendicitäpan take warminac taypinjja! Uqhamaraqui, ¡bendicitäpan campamento utanacanquir warminac taypinsa!

1 Samuel 15:5

Ucatsti Saúl reyejj Amalec sisqui uca marcan jach'a capitalaparuw saräna, jawira jac'aruw purintapjjaraquïna.

1 Samuel 27:10

Ucat Aquis reyisti jisct'araquirïnwa: “¿Cawquïri marcsa jichhajj saqueyjaractajja?” sasa. Davidasti saraquirïnwa: “Judá oraket aynachanquir marcanacwa, uqhamaraqui Jerameelat aynachanquir marcanaca, quenitanacan orakepat aynachanquirinacaruwa” sasa.

1 Samuel 30:29

uqhamarac Racal chekanquirinacarusa, uca quipcaraqui Jerameel marcanacan utjirinacarusa, quenitanacan marcanacapan utjirinacarusa,