1 Samuel 15:3 - Qullan Arunaca

³ Uca laycu, jichhajj saram ucatsti t'akhesiyaraquim; jupanacarusa uqhamarac yänacapsa takpach t'unjaniraquim, janiraqui jupanacatjja qhuyapt'ayasimti. Chachanacsa, warminacsa, wawanacsa, asu wawanacsa, uqhamarac vacanacsa, ovejanacsa, camellonacsa, asnonacsa takpach jiwarayanim’ —sasa.

Aymar Bibliia 1986

³ Uca laycu, jichhajj saram ucatsti t'akhesiyaraquim; jupanacarusa uqhamarac yänacapsa takpach t'unjaniraquim, janiraqui jupanacatjja qhuyapt'ayasimti. Chachanacsa, warminacsa, wawanacsa, asu wawanacsa, uqhamarac vacanacsa, ovejanacsa, camellonacsa, asnonacsa takpach jiwarayanim” —sasa.

Qullan Arunaka DC

³ Ukhamasti jichhax saram, ukatsti nuwantanim, yänakapamppach tukjanim, janirak jupanakat khuyapt'ayasimti. Chachanaksa, warminaksa, wawanaksa, asu wawanaksa, ukhamarak vacanaksa, ovejanaksa, camellonaksa, asnonaksa taqpach jiwarayanim” —sasa.

1 Samuel 15:3 Jak'a apnaqawi uñst'ayäwi

Génesis 36:12

Elifaz jakesti mä uñt'atanïnwa, ucasti Timna sutinïnwa; jupasti ä yokall wawa wawachasiraquïna Amalec sasaw suticharaquïna. Ucanacänwa Ada warmin wawanacapajja, cawquiritï Esaú chachan mayni warmipäcän uca.

2 Samuel 1:8

Ucat nayarojj janc'aquiw jisct'araquitu: ‘¿Qhitïtasa?’ sasa. Nayasti: ‘Amalecita jakëtwa’ saractwa.

Éxodo 17:14

Ucat Tatitojj Moisesarojj saraquïnwa: —Acsti mä libroru kellkam amtatäñapataqui, ucatsti Josué chacharojj saraquim, nayasti amalecitanacarojj jan mayampitaquiw chhaktayjjäjja —sasa.

Éxodo 20:5

Janiwa uca diosanac nayrakatan alt'asïtati, janiraquiw yupaychätasa, naya sapaquïtwa jumana Tatitu Diosamajja, janiw muncti yakhanacampïpjjañama, nayaraquiwa mutuyaracta awquinacan juchanacapatsa, uqhamarac cunapachatejj nayar uñisipquitu ucqhajja wawanacarusa, allchhinacarusa, allchhinacan wawanacaparusa.

Números 24:20

Ucatsti Balaamajj Amalec orak tokeru uñtasajj aca arunacwa arsüna: “Amalec marcajj take marcanacan p'ekepawa, ucampisa k'ala t'unjataw uñjasini” sasa.

Números 31:17

Jichhpach jiwarayapjjam take yokall wawanacaru, uqhamarac take cawquïri warminacatejj chachanïpqui ucanacarusa.

Josué 10:39

Israelit jakenacajj cunjamtï Hebrón marcaru, uqhamaraqui Libna marcarus lurapcäna, uca quipcaraquic Debir marcan jakenacaparojj jiwarayapjjäna jan mayniru, reyiparus uqhamarac marca masinacaparusa.

1 Samuel 14:48

Mä jach'a ejército tantacht'araquïna ucat Amalec ucarojj atipjaraquïna. Uqhamatwa israelitanacarojj uca lunthata lluch'susirinacatjja khespiyäna.

1 Samuel 15:18

Jichhajj Tatitutejj jumaru uca ñankha jucharar amalecita jakenacaru k'ala t'unjaniñamataqui qhitchhïyätamjja,

1 Samuel 15:9

Ucampisa Saúl reyimpi ejercitopampisti Agag reyirojj janiw jiwayapcänti, uqhamarac cawquïrinacatejj suma ovejanacäqui ucanacsa, suma vacanacsa, suma liq'i vaca kallunacsa, suma orko ovejanacsa janiw jiwarayapcänti, wali jila alani yänacsa janiraquiw t'unjapcänti, juc'a alani yänac t'unjapcchïn ucasa.

1 Samuel 22:19

Ucatsti janc'aquiw Nob sisqui uca marcaru mantapjjäna. Uca marcasti sacerdotenacan marcapänwa. Ucansti espadampiw chachanacsa, warminacsa, wawanacsa, asu wawanacsa jiwarayapjjäna. Uqhamaraquiw vacanacsa, asnonacsa, ovejanacsa jiwarayapjjaraquiquïna.

1 Samuel 27:9

Ucsa tokenquiri jakenacarusti nuwjaraquïnwa. Janiraquiw maynirus jaltaycänti, jan ucasti chachäpasa, warmïpasa, takeniruw jiwarayänjja. Uqhamarusa apararaquirïnwa: ovejanaca, vacanaca, asnonaca, camellonaca, isinacamppacha aparanïna, ucatsti cawqhanccäntejj Aquis reyejj ucaruw cuttanjjaraquirïna.

1 Samuel 30:17

Uqhamasti Davidajj alwata, jayp'ucamawa jupanacarojj nuwaräna, k'alwa jupanacarojj tucjaraquïna, ucampisa pusi patac waynanacaquiw camellonacaparu lat'jjatasina jaltjjapjjatayna.