1 Samuel 15:1 - Qullan Arunaca

¹ Mä uruw Samuelojj Saúl reyiru säna: —Tatitojj Israel marcan jumaru reyit utt'ayañataquiw qhitanitu. Uca laycu jichhajj ist'am cuntejj Tatitojj sañ munctam uca.

Aymar Bibliia 1986

¹ Mä uruw Samuelojj Saúl reyiru säna: —Tatitojj Israel marcan jumaru reyit utt'ayañataquiw qhitanitu. Uca laycu jichhajj ist'am cuntejj Tatitojj sañ munctam uca.

Qullan Arunaka DC

¹ Mä uruw Samuelux Saúl reyir säna: —Tatitux Israel markapan reyipäñamatak utt'ayiriw khithanitu. Ukhamasti, kuntix Tatitux sañ munktam uk ist'am.

1 Samuel 15:1 Jak'a apnaqawi uñst'ayäwi

2 Reyes 7:1

Eliseosti ucjjarojj sänwa: —Ist'am Tatitun arupa. Tatitusti aqham siwa: ‘Kharürusti aca pachpa horasanwa Samaria marca mantañana pakallk kilo jac'uw alasiñajj utjani mä sapa kollketaquiqui, uqhamarac tunca pheskan kilo cebadasti mä sapa kollketaquiquiraquiw alasiñajj utjaraquini’ sasa.

1 Samuel 10:1

Uqhamasti Samuelojj mä keru aceite catusinjja Saúl waynan p'ekepjjaruw warjjatäna, ucat saraqui: —Tatituw jichhürojj Israelan apnakeripat utt'ayastam. Jumaw jichhajj jupanacar apnakäta, uqhamarac uñisirinacapan amparapatsa khespiyaraquïta. Tatitun jumaru yakhachatapat señälasti acäniwa, Israel marcapa apnakañapataqui:

1 Samuel 12:14

Jichhajj jumanacarojj wact'apjjtamwa Tatituru ajjsartapjjañama, uqhamaraqui juparu yupaychapjjañama, arunacapsa ist'apjjañamaraqui, camachi arunacapsa janiraqui taquisipjjañama, ucatsti jumanacar apnaker reyisa, jumanacasa Tatitu Diosan munañaparjama jacapjjañama.

1 Samuel 13:13

Samuelosti saraquïnwa: —¡Luratamajj mä lokhe jaken luratapjamawa! Tatitojj cuntejj sisctam uca arunactejj ist'asamän ucapachajj juman apnakañamajj wiñayataquïsapänwa uca Israel marcanjja.

1 Samuel 9:15

Saúl waynan puriniñapa nayräjja urusti, Tatitojj Samuelorojj mä uñacht'äwi churäna aqham sasa:

1 Samuel 9:16

“Arumanthi alwajj aca quipca horasaruw Benjamín toket jutiri mä jakeruw qhitanïma, juparuw yakhachäta Israel marcajja apnakañapataqui. Jupaw filisteonacan amparapat khespiyani, marcajjatsti qhuyapt'ayasiractwa, t'akhesitanacapasti naya nayräjjaruw puriniraqui” sasa.