1 Samuel 12:22 - Qullan Arunaca

²² Tatitusti sutipar munatap laycojja janiw apanucupcätamti, jupasti jumanacarojj marcapwa tucuyasiñ munapjjtam.

Aymar Bibliia 1986

²² Tatitusti sutipar munatap laycojja janiw apanucupcätamti, jupasti jumanacarojj marcapwa tucuyasiñ munapjjtam.

Qullan Arunaka DC

²² Tatitusti sutipan sinti jach'ätap laykux janiw apanukupkätamti, jupasti jumanakarux markapa tukuyasiñ munapxtam.

1 Samuel 12:22 Jak'a apnaqawi uñst'ayäwi

1 Reyes 6:13

ucatsti nayajj israelita jakenac taypinaracwa jacaraquëjja, ucatjja janiw apanuccäti Israel marcajjarojja” sasa.

1 Reyes 8:57

“Jichhasti Tatitu Diosajj jiwasampïpan, cunjämatï chicäcäna nayra awquinacasampi uqhama. Janipuni apanucustpanti, ni jaytistpansa,

2 Reyes 14:27

Tatitusti Joás chachan Jeroboam yokap tokewa Israel marcar khespiyäna, Tatitusti janiw muncänti Israelan sutipa aca oraketa chhaktatäñapjja.

2 Reyes 21:14

Ucat ucjjar marcajjarusti, apanucüwa, uqhamarac uñisirinacapan amparaparuwa catuyaraquëjja, catuntatäpjjañapataqui, aparatäpjjañapataquiraqui.

1 Crónicas 28:9

Juma Salomón munat wawajjasti, uñt'ätawa awquimana Diosaparu, ucatsti take chuymaraquiwa jupar sirvïta, uqhamarac suma amtampiraqui, Tatitusti take chuymanacjja sumwa uñji, uqhamarac yatiraqui cuna amtäwinacsa, lup'ïwinacsa. Uqhamasti jumatejj jupar thaktätajja, jupasti jumarojj jicjjatayasïtamwa, ucampis jumatejj jupat sarakäta ucajja, jupasti jumarojj wiñayataquiw jakonucütam.

2 Crónicas 15:2

jupasti Asa reyiru jicjjatiriw saräna, aqham sasa: “¡Jumajj Asa ist'ita, uqhamarac Judá, Benjamín ucanacanquiri jakenaca! Tatitusti jumanacampïsquiwa, jumanacatejj jupampïpjjäta ucajja. Jumanacatejj jupar thakapjjät ucajja, jicjjatapjjätawa, ucampis jumanacatejj jupar apanucupjjätajja, jupajj jumanacarojj apanucupjjaraquïtamwa.

Nehemías 9:17

Janiw jupanacajj ist'aña munapcänti, ni cuna jach'a luräwinactejj jupanac laycu lurcta ucsa amtañ munapcänti. Jupanacajj chuymanacapa kalarayasisajja mä jilïrwa ajllisipjjäna Egiptoru wastatampi esclavöñaru irpañapataqui. Ucampis jumajj juchanac pampachasiri Diosätawa, mä suma qhuyapayasiriraqui, c'achaquiraqui colerasiñataqui, uqhamarac wali munasiriraqui, ucatjja janiw jaytanucctati jupanacarojja.

Salmos 106:8

Diosasti sutip laycuw jupanacarojj khespiyäna, kollan ch'amap uñacht'ayañataqui.

Salmos 94:14

Tatitojj janiw marcaparojj apanuccaniti, janiraquiw jupanquirinacarus jaytanuccaniti.

Éxodo 32:12

¿Cunjämaraqui jaytätasti Egipcionacaru aqham sas parlirsti: ‘Diosasti jan wali amtäwimpiw irpsuwayi wasara kollunacana jiwarayañataqui, uqhamat aca oraketa chhaktayañataqui’ sasa? Uqhamasti janiquiy colerasimti, cuntejj amtcta ucjja armasjjaquimaya janiquiy jan walt'añar uscumti.

Isaías 37:35

Nayaw aca marcarojj arjjatä, khespiyaraquïwa jach'añchäwejj laycu, David sirvirejjaru munatajj laycu’ sasa.

Isaías 41:17

“Jan kollkeni pobre jakenacajj umwa thakapjje, janiw jicjjatapcaraquiti. Lajjranacapas umatjamajja, k'ala wañantataw uñjasi ucampisa naya Tatituw jupanacarojj uñjascä, naya, Israelan Diosapasti janiw jupanacarojj antutcäti.

Isaías 42:16

Juyqhunacarusti jan uñt'at thaquinacanjamwa irparaquëjja. Jupanacan nayrakatapansti ch'amacjja khanaruw tucuyäjja, kollunacsti pampa orakeruw tucuyaraquëjja. Take ucanacsti lurapunïwa.

Isaías 43:25

“Ucampis nayajja, Diosamätajj laycojj, jake jiwayatanacamjja pichsmawa, juchanacamatsti janiw mayampsa amtascjjäti.

Isaías 43:7

take qhitinacatejj nayan sutejj apapqui, qhitinacarutejj nayajj uywcta, jilsuycaracta, nayan cusisiñajjataqui uywcta ucanacaru cuttayanjjam” sasa.

Isaías 48:11

Nayan jach'añchäwejj laycu, jach'añchäwejj laycuw uqham lurta, sutejjasti janiw taquisitäcaspati. Janiraquiw nayar churañäqui ucjja yakharu churaycäti.

Isaías 49:15

Ucampis: “¿Mä taycajj wawanacaparojj armasiti, munasiñaps janiraquich churqui? Inas uca taycajj armaschispa, ucampis nayajj janipuniw armascäti.

Isaías 63:8

Jupajj siwa: “Jupanacajj nayan marcajjawa, janiw aca wawanacajjajj ch'ojjña lurapquitaniti” sasa.

Jeremías 14:21

¡Sutiman jach'ätap laycuquisaya, nanacatjja qhuyapt'ayasipjjeta, cawqhancquitejj suma c'ajquiri konuñamajja, uca marcarusti janiquiy jisc'achañampi uñjamti! ¡Cuna arust'äwtejj jumajj nanacampi lurcta ucjja amtasimaya, uca arust'äwsti janiquiy armaraquimti!

Jeremías 14:7

¡Tata, juchanacajjajj nanacatac sayt'cchi ucasa, sutim laycusay nanacat sayt'amjja! Walja cutiw nanacajj jan jumatacjam sarnakapcti, juma nayrakatan jucha lurapjjaracta.

Jeremías 14:9

¿Cunatsa mä lokherat jakjam tucta, guerran nuwasir jaker uñtata jan yanapt'asa? Ucampisa Tata, jumajj nanaca taypincasctawa, takeniw yatipjjaraqui nanacajj juman marcamätajj-jja; ¡Janiquiy nanacar apanuct'asipjjestati!

Lamentaciones 5:20

¿Cunatraqui nanacarusti wiñayataqui armapjjetätasti? ¿Cunatraqui walja maranaca nanacaru apanucupjjetätasti?

Ezequiel 20:14

Ucampisa sutejjar munatajj laycuw jan ucjja lurcti, uqhamat yakha marcanac nayrakatan jan jisc'achata uñjasiscañajjataqui, uca marcanacasti nayarojj uñjapjjaraquitänwa Israelar Egiptot apsunirjja.

Ezequiel 20:9

Ucampisa sutejjan jach'añchäwip laycuw luraracta, uqhamat yakha marcanac nayrakatan jan mayjt'ascañataqui, cawquïri marcanac taypintejj jupanacajj jacapcän uca marcanac nayrakatana, uca marcanac nayräjjanracwa jupanacaru uñstäyätjja, uqhamaraqui Egiptot apsjjañataquis arsuraquïyätjja.

Malaquías 1:2

“Nayasti jumanacarojj munapjjsmawa” siw Diosajja. Ucatsti jumanacajj sapjjestawa: ‘¿Cunjämatsa yatipjjerista juman nanacaru munatamjja?’ Diosasti ucjjarojj siwa: “Uca quipcaraquiw nayajj jumanacar munapjjsma. Cunjämatejj Esaumpi, Jacobompejj jila puränjja, ucampis nayajj Jacoboruw munayäta Esaurusti uñisiraquïyätwa, uca quipcaraquiw nayajj jumanacarojj munapjjsma. Esaun kollu orakenacapsti wasararuw tucuyaractjja, yapunacapsti monte animalanacataquiw tucuyaractjja” sasa.

Mateo 11:26

Jïs, Tata, uqhamwa jumajj muntajja.

Juan 15:16

Janiw jumanacati nayar ajllipquista, jan ucasti nayaw jumanacar ajllipjjsma sarapjjañamataqui, uqhamaraqui walja achupjjañamataqui, uca achusti acht'añapataquiraqui. Uqhamatwa cuntejj nayan sutejjar mayipcäta ucjja Awquejj churapjjätam.

Romanos 11:1

Jichhasti jisct'aractwa: ¿Diosajj jupan ajllit marcaparojj janipunit muncjjpacha? Janiw uqhamäquiti. Naya quipcaw israelitätjja, Abrahaman familiapataraquïtjja. Benjamín castat jutiriraqui.

Romanos 11:29

Cuntejj Diosajj churqui ucjja janiw aparasquiti, ni jupan jawsatapsa mayjt'ayquiti.

1 Corintios 4:7

¿Qhitirac jumarusti mayninacat sipansa juc'amp suma tucuytamsti? Jan ucajj ¿cuncha Diosajj jan churctamjja? Diosatejj cunsa churstam ucajj ¿cunataraqui jach'a jach'a tucta jumas ch'amamampi jicjjatcasmas uqhama?

Efesios 1:12

Ucjj luriwa jiwasanacajj Cristoru nayrakat iyawsapjjtan ucanacajj Diosatac jacañasataqui, jach'a ch'amanïtapat jupar yupaychañasataqui.

Efesios 1:6

Ucatpï Diosarojj yupaychapuntanjja muspharcañ qhuyapayasiñapata, uca pachpa qhuyapayasiñapampiw bendicistu munat Yokapampi mayaquïtas laycu.

Deuteronomio 14:2

Jumanacasti Diosan k'oma ajllit marcapäpjjatam laycu. Juparaquiwa take marcanacat sipansa jumanacaru ajllisipjjtam jumanacajj jupan marcapäpjjañamataqui.

Deuteronomio 31:17

Ucampisa nayan colerasiñajjaw jupanac contra sartani, jupanacarus apanucuraquïwa; janiraquiw jupanacatjja cunansa amtascäti. Waliraquiw jan walt'añanacasa, llaquinacasa jupanacjjaru jutani, ucatsti sapjjaniwa: ‘¿Jiwasan Tatitu Diosasasti janiti jiwasanacampïcjje, ucatti aca t'akhesiñanacan jicjjatastanjja?’ sasa.

Deuteronomio 31:6

Ch'amañcht'asipjjam, sayt'asipjjaraquim, jan ajjsarapjjamti ni sustjasipjjamsa jupanacampi nuwasiñataquejja, Tatitu Diosamaw jumanacampïsqui uca laycu, janiraquiwa jaytapcätamti ni apanucupcätamsa.”

Deuteronomio 31:8

Tatitu pachpaw juman nayram sarani, jumampiraquïniwa, janiraquiw jaytcätamti ni antutcaraquïtamsa, uqhamasti jan ajjsaramti, janirac lajllasimsa.”

Deuteronomio 7:6

Jumanacasti Tatitu Diosatac ajllit marcäpjjtawa; Diosaw jumanacarojj take marcanacat sipansa ajllisipjjtam, uqhamat jumanacajj jupatac yakhachat marcäpjjañamataqui.

Deuteronomio 9:5

Janiw jumanacan asqui luratanacam laycuti uca orakenaca catuntapctajja, Diosasti uca marcanacarojj jumanac nayräjjatjja jakonucuwa jupanacan jucha luratanacap laycu, ucatsti nayra Abraham, Isaac, Jacob awquinacamar arsutap phokhañ laycu.

Filipenses 1:6

Nayasti sum yattjja, Diosajj cuna suma luräwinactï jumanacampi kalltqui ucanacajj lurascaquiniwa, Jesucriston jutañapcama.

Hebreos 13:5

Janirac kollkerus munapjjamti; cunatejj utjapjjtam ucampejj cusisitaquïpjjam, Diosajj siwa: “Janiw cunapachas jaytcämati ni armt'ascämasa” sasa.

Josué 7:9

Cananeo jakenacas, uqhamaraqui take aca orakenacan jaquir jakenacasa jichhajj yatipjjaniwa cunatï Israel marcarojj pasqui ucjja; take jupanacaw mayacht'asisina nanacar t'unjapjjetani. Jichhasti ¿jumajj cunsa luräta jach'a sutimajj jan p'enkachatäñapataquejja? —sasa.

1 Pedro 2:9

Ucampis jumanacajj ajllit jakenacäpjjtawa, reyir sirviri tucuyat sacerdotenacäpjjaractawa; mä k'oma marcäpjjtawa; Diosan ajllisit marcapäpjjaractawa. Acasti lurasiwa, jumanacajj Diosan muspharcañ luräwinacap yatiyapjjañamataqui. Uca Diosaraquiw jumanacarojj ch'amacat irpsusinjjapjjtam, suma muspharcañ khanapar mantjjapjjañamataqui.