1 Samuel 12:21 - Qullan Arunaca

²¹ Janiraqui uca c'ari diosanacaru sirvipjjamti, jupanacasti janiw yanapapquiristamti, ni khespiyapcaraquiristamsa, c'ari diosanacäpjjatap laycu.

Aymar Bibliia 1986

²¹ Janiraqui uca c'ari diosanacaru sirvipjjamti, jupanacasti janiw yanapapquiristamti, ni khespiyapcaraquiristamsa, c'ari diosanacäpjjatap laycu.

Qullan Arunaka DC

²¹ Janiy uka k'ari diosanakarux arkapxamti, k'arïtanakap laykusti janiw yanapapkätamti, janirakiw qhispiyapkätamsa.

1 Samuel 12:21 Jak'a apnaqawi uñst'ayäwi

2 Reyes 17:15

Uqhamarac jupanacajj jisc'achapjjaraquïnwa leyinacaparu, uqhamarac nayra awquinacapampi suma parlt'äwiru mantapcäna ucanacsa, camachi arunaca jupanacar churatäcäna ucanacsa. Ucjjarusti inamaya yakha diosanacan khepapwa arcapjjäna. Ucatsti jupanacpachawa inamayaru puripjjäna, jupanacar muytqui uca maya marcanacar uñtata, Tatitojj ucanacatracwa ewjjawayäna: “Janiw jupanacjamajj lurätati” sasa.

Isaías 41:29

¡Take jupanacasti janiw cunäpquisa! Janiw cun lurañsa yatipquiti; ina ch'usa diosanacaquiwa, janiw cunäpquisa.

Isaías 45:20

“Tantacht'asipjjam jutapjjaraquim, marcanacat jilt'iri take jaquirinaca, takeni jac'achasinipjjam. Yakha diosanacar jach'ar aptirinacajja jan yatiñan jakenacawa, uca diosanacasti maderat luratawa, uca jan khespiyiri diosaruw quillt'asipjjaraqui.

Isaías 46:7

Callachipjjaruw apapjjaraqui, mä callañjjaruraquiw uscupjje, ucat janiraquiw onjjtquisa. Jakenacajj uca diosanacaru arnakasipcchini yanap mayisa, ucampis uca mayisitanacaparojj janiw ist'quiti, jupasti janiraquiw llaquinacatsa khespiycaraquispati.

Jeremías 10:15

jan cuna inamaya yänacaquiwa, mä p'enkaraqui, Tatitusti taripäwipanjja ucanacarojj t'unjaraquiniwa.

Jeremías 10:8

Take jupanacasti lokhe jakenacäpjjewa, janiw cuna amuyt'asiñanacapas utjquiti. ¡Mä jisc'a c'ullojj janiw jupanacarojj cunsa yatichcaspati!

Jeremías 14:22

¿Uca yakha diosanac taypinsti utjit mayni jallu puriyirejja? ¿Alajjpachanacasti jupapachaquiti jalljja puriyani? ¡Janiwa, nanacan Dios Tatitojja!. Jumaw jalljja apayantajja, jumaw take ucanacjja lurtajja; ¡ucatwa jumaruqui suyt'apjjsmajja!

Jeremías 16:19

Tata, nayar ch'am churiri, nayar arjjatiri; jan walt'añ horasajjansa nayar imirïtawa; juman ucaruw marcanacajj jutapjjani, aca orake tucusitpacha, ucatsti sapjjaraquiniwa: “Nanacan awquinacajjasti, c'ari diosanaca, jan ch'amani, jan cunatac inamaya diosanacwa herenciata catokapjjänjja.

Jeremías 2:13

“Marcajjajj pä jach'a juchanac luri: Naya suma jacañ umarusti, apanucuwayapjjetuwa, ucatsti jupanacajj pachpa phuch'unacapwa allisipjjaraqui, uca phuch'unacaparusti janiw umajj sayt'caraquiti.

Jeremías 2:5

Tatitojj jumanacarojj sapjjtamwa: “¿Cuna jan walsa nayra awquinacapajj nayanjja jicjjatapjjänjja, nayat jayarst'añataquejja? Jan cunataqui inamaya diosanacana khepapwa sarjjapjje, jupanacasa ina ch'usaruw tucupjjaraqui.

Jonás 2:8

Yakha diosanacar arquir jakenacasti janiw jumatacjamäcjjapjjeti.

Jonás 2:9

Ucampis nayajja, yuspagarañ arumpiwa jumar sacrificionac loktämajja; cuntejj nayajj arscta ucsti phokharaquïmawa. ¡Jumaquiw khespiyasirïtajja!” sasa.

Habacuc 2:18

“¿Cunataquis asquejj mä c'ari diosa luratajj niyaqui tucuyatäjje ucqhajja? ¿Cunataquis asquejja mä yakha diosa luratajj take yatichäwinacapajja c'aricamaquïchi ucqhajja? C'ari diosanacajj janiw parlapcaspati; ¿cunjämaraqui ucanac lurir jakesti jupanacaru confiasispasti?

Hechos 14:15

—¡Tatanaca! ¿Cunats ucanac lurapjjta? Nanacajj jumanacjam jakequïpjjaractwa. Nanacajj uca inamay lurañanac apanucupjjañamataquiw jumanacar parlir jutapjjta ucanac apanucusina, jacquir Diosar arcapjjañamataqui. Jupaw alajjpacha, acapacha, jach'a kotsa lurir Diosajja, uqhamarac take ucanacan utjirinacsa.

1 Corintios 8:4

Uqhamajj uca yakha diosanacar sacrificion churatäquis uca mank'anac mank'añjjata, chekpachansa yattanwa, mä c'ari diosajj janiw cunäquis acapachanjja, mä sapa Diosaquiwa chekpachansa utjejja.

Deuteronomio 11:16

Ucampis jan jumanacpacha engañasipjjamti, janiraqui Diosata armasimti ni yakha diosanacarus yupaychapjjamti ni jupanacarus alt'asipjjaraquimti,

Deuteronomio 30:17

Ucampis take aca arunacarutejj jan ist'cäta, uqhamaraqui maysarus sarakaraquïta, yakha diosanacaru yupaycharaquïta, jupanacaru quillt'asiraquïta ucapachajj,

Deuteronomio 32:21

Cawquïri diosatï jan diosäqui ucampiw colerayapjjestajja, uca jan yäkat diosanacampiw colert'ayapjjaraquista; ¡ucatwa nayajj colerayapjjaraquïma jan amuyun jakenacampi, cawquïritejj jan marcäqui, uca marcampiw colerayapjjaraquïma!.