1 Samuel 11:11 - Qullan Arunaca

¹¹ Khepürusti Saúl waynajj ejercitopwa quimsa escuadronani suma waquicht'araquïna, ucatsti janïra khanjtanquipanwa uñisiripan campamentop taypiru mantantapjjäna, uqhamat amonita jakenacaru jiwarayasa, niya chica urucamaraquiw uqham jiwarayapjjäna. Qhitinacatejj jan jiwayatäpcän ucanacasti jaltjjapjjänwa, maynis maynicama, janiraquiw jupanacatjja paninisa sarcänti.

Aymar Bibliia 1986

¹¹ Khepürusti Saúl waynajj ejercitopwa quimsa escuadronani suma waquicht'araquïna, ucatsti janïra khanjtanquipanwa uñisiripan campamentop taypiru mantantapjjäna, uqhamat amonita jakenacaru jiwarayasa, niya chica urucamaraquiw uqham jiwarayapjjäna. Qhitinacatejj jan jiwayatäpcän ucanacasti jaltjjapjjänwa, maynis maynicama, janiraquiw jupanacatjja paninisa sarcänti.

Qullan Arunaka DC

¹¹ Qhipürusti, Saúl waynax kimsa tamaruw soldadonakap t'aqjäna, janïr qhanjtankipansti uñisiripan campamentoparuw mantantapxäna, ukansti niya chika urukamaw amonita jaqinakarux jiwarayapxäna. Khitinakatix jan jiwayatäpkän ukanakax maynis maynikamaw jaltxapxäna, janirakiw pani chikt'at qhiparirix utjkänti.

1 Samuel 11:11 Jak'a apnaqawi uñst'ayäwi

Génesis 22:14

Uca khepatsti Abrahamajj, uca chekarojj aqham sasaw sutichäna: “Tatitojj cunatejj waquisqui ucjja churasiriwa” sasa. Ucatwa jichhacam uca kollojj “Tatitojj cunatejj waquisqui uca churasiriwa” sasa sutichatäsqui.

2 Samuel 18:2

Ejercitopa quimsaru jaljasinsti, mayïrïqui ucjja Joab chachaw sarayäna, payïrïqui ucsti Abisai jakew sarayaraqui, cawquïritejj Sarvia sisqui ucan yokapa, Joab chachan jilapäcaraquïna uca; quimsïrïqui ucsti Itai sisqui uca jaken sarayañapataquiw uscüna, uca Itai jakesti Gat marcanquiriraquïnwa. Ucat takpach ejercitorusti saraquïnwa: —Nayajj jumanac chicaw nuwasiri sararaquï —sasa.

Salmos 46:1

Diosaw imantasiñasajja, ch'amañchirisasa, jupaw chijinacan arjjatirisajja.

Éxodo 14:24

Khepärmanthi willjtasti Tatitojj egipcionacajj cawqhancapcäntejj ucqharojj uñch'uquiscänwa nina taypita, uqhamarac kenayata, ucatsti egipcionacarojj jupanacpura jan walt'ayasiñaruw puriyäna.

Mateo 7:2

Cunjämtï jumanacajj jake masimarojj juchañchapctas uqhamaracwa Diosajj jumanacarojj juchañchapjjätam; cunjämtejj jumanacajj jakenacar lurapcäta uqhamaracwa jumanacarojj Diosajj lurapjjätam.

Santiago 2:13

Qhitinacatejj jan qhuyapt'ayasis mayniru uñjapjjchejja, jan qhuyapt'ayasiñampi juchañchataraquïniwa, ucampis qhuyapayasirinacajja taripäwi urunjja take cuna atipjasaw mistupjjani.

Jueces 1:7

Ucatsti Adonisedec chachajj saraquïnwa: “Nayrasti nayajja pakallko tunca reyinacaruwa amparanacatsa, cayunacatsa tayca luc'ananaca qhuchhurta, ucatsti mesajja manqhatwa jilt'a t'ant'a t'unanaca pallasiyta. Jichhasti Diosajj nayarojj cunjämtejj jupanacaru lurcäyäta uqhamaracwa lurayaraquitu” sasa. Ucatsti Jerusalén marcaruw apjjapjjäna, ucanwa jiwjjänjja.

Jueces 4:16

Ucañcamasti Barac sat chachajj arctascaquïnwa carronacaru, soldadonacaru Haroset-goim sat chekacama. Uca urusti Sisaran ejercitopatjja soldadonacajj janiw maynis jilt'cänti jan ucasti takeniw jiwarapjjäna.

Jueces 7:16

Ucjjarusti uca quimsa patac jakenacjja, quimsa tamaru jaljasinjja takpachaniruw churaraquïna oveja wajjra pututunaca, uqhamarac ch'usa wacullanaca, ucaru nina akquiri apasipjjañapataqui.

Jueces 7:20

Uca pachpa horasasti quimspacha tama jakenacaw ovej wajjra pututunacat pututt'apjjäna, uqhamarac wacullanacsa p'aquirapjjaraquïna. Ucampis ch'eka ampararojja akquir nina apapjjäna, cupi ampararusti oveja wajjra pututuraqui. Ucatsti art'apjjänwa: “¡Nuwasiñäni! ¡Diosampita, uqhamarac Gedeonampita!” sasa.

Jueces 9:43

ejercitopanquir jakenacjja quimsa tamaruw jaljtayäna; uca pamparuw imantasipjjäna. Ucatjja cunapachatejj Siquem marcanquirinacajj mistsunipcäna ucqhajja jupanacajj imantasipcän uca chekat mistsunisaw nuwantapjjäna.

1 Samuel 11:2

Amonitanquiri Nahas jakesti saraquïnwa: —Jumanacampisti mä arust'äwi lurä, jumanacatejj cupi nayra sapakat maynit apsuyasiñ munapjjsta ucapacha, uqhamata israelitanacaru jisc'achañataqui.

1 Samuel 14:47

Uqhamawa Saúl reyejj Israel marca apnakasajja atipjäna take chekanwa uñisirinacapampejj nuwasiraquïna ucanacasti acanacänwa: Moab, Amón, Edom, Soban uqhamarac filisteonacan reyipa. Cawquirutejj sarcäna ucanacarojj atipjaquipunïnwa.