1 Samuel 10:7 - Qullan Arunaca

⁷ Cunapachatejj take ucanacajj jumampi lurasini ucapachasti, cunas amuyatamatjja walïspa uc luraraquim, Diosaw yanaparaquïtam.

Aymar Bibliia 1986

⁷ Cunapachatejj take ucanacajj jumampi lurasini ucapachasti, cunas amuyatamatjja walïspa uc luraraquim, Diosaw yanaparaquïtam.

Qullan Arunaka DC

⁷ Kunapachatix taqi ukanakax jumamp luraskani ukkhasti, kunatix amuyatamat walïki uk luraskakim, Tatituw yanapt'arakïtam.

1 Samuel 10:7 Jak'a apnaqawi uñst'ayäwi

Génesis 21:20

Diosasti uca wawarojj yanapänwa, jupasti Parán sat wasaranwa jacäna jilsuraquïna, flechanacsti sumwa apnakañ yatiraquïna. Kheparusti taycapajj Egiptonquir mä warmimpiw casarjjaraquïna.

2 Samuel 7:3

Natán profetasti saraquïnwa: —Cuntejj amtctas take ucanacjja luramaya, Tatitusti jumampïscaraquiwa —sasa.

Job 31:25

Janipuniw cunapachas kamir cancañaru alcatasisa sarnakcäyätti, jan ucajj walja kollke jicjjatañcamasa.

Éxodo 4:8

—Nayrïri unancha uñjasatejj jan iyawsapcani, ni ist'apcaraquïtamsa ucajja, payïri unancha uñjasawa iyawsapjjani.

Eclesiastés 9:10

Cuna lurañatejj jumataqui utjcani ucjja ch'amamarjam luram, jumajj sepulcror sarcätas ucanjja janiw cuna lurañas utjquiti, cuna lup'iñasa, uñt'añasa, janiraquiw yatiñanïñasa utjquiti.

Isaías 7:14

Tatitu quipcaw jumanacarojj mä chimpu churasipcätam: Uñtapjjam, mä tawakow usur jakeptata, mä yokall wawa wawachasiraquini, Emanuel sasaraquiw sutichani.

Mateo 1:23

“Mä virgen warmiw usur jakeptani. Mä yokall wawa wawachasiraquini, sutipasti Emanuel sataraquïniwa” (ucasti sañ muni: “Diosajj jiwasampiwa”).

Mateo 28:20

Yatichapjjaraquim take cuntejj nayajj jumanacar yatichapcsma ucanaca phokhaña. Amtasipjjapunim, nayajj sapürupuniw jumanacampïscta acapachan tucusiñapcama.”

Lucas 2:12

Acäniw chimpojja, jumanacajj wawarojj wawa isinacamp q'irt'atwa mä uywa mank'añawjan iquisquir jicjjatapjjäta —sasa.

Juan 6:14

Jesusan uca milagro luratap uñjasinjja, jakenacajj sapjjänwa: “Chekpachansa aca jakejj jutañapäcän uca profetawa” sasa.

Deuteronomio 20:1

“Cunapachatejj jumanacajj uñisirinacamampi nuwasiñatac mistuwayapjjäta, ucatsti uñjapjjäta jupanacarojj soldadonacapa caballonacar lat'jjatata, nuwasiñ carronacani, uqhamaraqui ejercitopas jumanacat sipansa juc'ampi waljani, ucapachajj jan jupanacaru ajjsarapjjamti; Egipto marcat irpsunipctam uca Tatitu Diosamaw jumanacampïsqui.

Hebreos 13:5

Janirac kollkerus munapjjamti; cunatejj utjapjjtam ucampejj cusisitaquïpjjam, Diosajj siwa: “Janiw cunapachas jaytcämati ni armt'ascämasa” sasa.

Josué 1:5

Take jacañamansti janiw qhitis atipañ puedcätamti. Nayaw jumampïscä cunjämatejj Moisesampïcäyätjja uqhama; janipuniw jaytcämati ni apanuccaraquïmasa.

Josué 1:9

Nayasti sismawa: Ch'amani sayt'asim, jan ajjsaramti, janirac mayjt'asimsa. Naya Tatitu Diosamaw jumampïscä cawqharutï sarcäta ucqhanacana” sasa.

Jueces 6:12

Diosan angelapajj uñstasinjj sänwa: —¡Diosajj jumampïsquiwa, ch'amani, jan ajjsarir jake! —sasa.

Jueces 9:33

Arumarji inti jalsusti marcaru nuwantanipjjam, ucampis cunapachatejj Gaal sat chachajj jakenacapampi mistuncani jumampi nuwasiñataqui ucqhajja, jumajj tucjam cunjämtejj jumajj lurañ muncta uqhamarjama” sasa.

1 Samuel 2:34

Cunatejj uca pani Ofni, uqhamarac Finees sat wawanacamampi pascani ucajj mä uñacht'äwit yatiyätam. Panpachanisti mä uruquiw jiwarapjjaraquini.

1 Samuel 20:13

Ucampisa, awquejjatejj juma contra jan wal amtanejja, ucapachajj Tatitojj wali mutuypan, janitejj yatiycäma juman jaltjjañamataqui ucapachajja. ¡Tatituy jumarojj yanappan cunjämatejj awquejjaru yanapcänjja uqhama!

1 Samuel 3:19

Samuelosti niya jilsuscaraquïnwa, Tatitusti juparojj yanaparaquïnwa, janiraquiw cuntejj arscatayna ucanacjja jan phokhasa jaytcänti.