1 Samuel 1:8 - Qullan Arunaca

⁸ Ucat Elcana chachapajj saraquirïna: “Ana, ¿cunatsa jachta? ¿Cunatsa ucatak llaquitäta, janiraquiw mank'añsa munctati? ¿Janit nayasti jumataquisti tunca wawanacat sipansa asquïctsti?” sasa.

Aymar Bibliia 1986

⁸ Ucat Elcana chachapajj saraquirïna: “Ana, ¿cunatsa jachta? ¿Cunatsa ucatak llaquitäta, janiraquiw mank'añsa munctati? ¿Janit nayasti jumataquisti tunca wawanacat sipansa asquïctsti?” sasa.

Qullan Arunaka DC

⁸ Elcaná chachapasti akham sasaw jiskt'irïna: “Ana, ¿kunatarak jachtasti? ¿Kunatarak llakista, janirak manq'añ munktasti? ¿Janit nayasti jumataki tunka wawanakat sipan askïktsti?” sasa.

1 Samuel 1:8 Jak'a apnaqawi uñst'ayäwi

2 Reyes 8:12

Ucat Hazael chachajj juparojj jisct'änwa: —¿Cunatsa, tata, jachtajja? —sasa. Eliseosti ucjjarojj sänwa: —Nayajj yattwa, jumajj jan walwa israelitanacaru lurätajja uca, nuwasiñataqui lurat utanacapjja ninampiwa naqhantayäta, ucanquir waynanacarojj espadampcamaw jiwarayäta, jisc'a wawanacarusti jiwayaraquiquïtawa, uqhamarac usur jake warminacarusti puracanacapwa jist'jaraquïtajja ucanac yatisaw jachta —sasa.

Job 6:14

T'akhesisquiri jake masirojj munañawa, janis take chuymäcchi take ch'amani Diosataquejj ucasa.

Salmos 43:4

Diosay, nayajj altaramaruw jac'achasï, arpamp chicaw yuspagaräma. Diosajjay, jumaw jacañajjarojj cusisiytajja.

Isaías 54:1

Tatitusti siwa: Jan wawani, janiraqui wawachasir warmi, cusisiñat arnakasim, cusisiñat k'ochusiraquim, juma jan wawachasirejja. “Apanucut warmejj walja wawanacanïniwa, chachan warmit sipansa.”

Isaías 54:6

Mä tawakpach apanucut warmir uñtatäyätawa, apanucuta, t'akhesiyataraqui; ucampis Diosamaw wasitat jawstam, saractamwa:

Juan 20:13

Angelanacasti juparojj jisct'änwa: —Warmi, ¿cunats jachascta? —sasa. Mariasti sänwa: —Tatitojjan janchip apasjjapjjatayna, janiw yatcti cawquir uscupjjatapsa —sasa.

Juan 20:15

Ucatsti Jesusajj jisct'änwa: —Warmi, ¿cunats jachascta? ¿Qhitirus thakta? —sasa. Mariajj amuyänwa huerto uñjirïcaspas uqhama, ucatwa saraquïna: —Tata, jumatejj apsta ucajja, yatiyita cawquirus uscta, ucat apasjjañajjataqui —sasa.

1 Tesalonicenses 5:14

Sapjjaracsmawa, jilatanaca, jan irnakañ munirinacarojja ewjjt'apjjam, mayjt'atanacarojj ch'amañcht'apjjam, t'uqhanacarusti yanapt'apjjaraquim, takenimpis llamp'u chuymanïpjjaraquim.

Rut 4:15

Juparaquiw cusisiyätam, uqhamarac qhuyapayätam cunapachatejj taycäjjäta ucqhasa. Jupasti yojjch'aman wawapawa, jumarusti wali muntamjja. Yojjch'amasti jumataquejj wali asquiwa, pakallko wawat sipansa juc'ampi —sasa.

1 Samuel 1:7

Sapa marapuniwa, cunapachatejj Tatitun temploparu sarapjjerïcän ucqhajj Peninajj Anarojj uqham tokerïna, ucatsti Anajj wali jachirïna, janiraquiw mank'añsa munirïcänti.