1 Samuel 1:26 - Qullan Arunaca

²⁶ Anasti saraquïnwa: —Tata, perdonita, chekpachansa jumajj jacasctawa, cawquïri warmitejj acana juma jac'ana Tatitu Diosatjja mayiscäna, ucätwa.

Aymar Bibliia 1986

²⁶ Anasti saraquïnwa: —Tata, perdonita, chekpachansa jumajj jacasctawa, cawquïri warmitejj acana juma jac'ana Tatitu Diosatjja mayiscäna, ucätwa.

Qullan Arunaka DC

²⁶ Anasti sänwa: —Tatay, chiqpachansa jumax jakasktawa, kawkïri warmitix juma jak'an Tatitut mayiskäna ukätwa.

1 Samuel 1:26 Jak'a apnaqawi uñst'ayäwi

Génesis 42:15

jichhasti yant'añäniwa, faraonan sutipjjaruw sapjjsma, jichhajj janiw acat mistupcätati sullca jilama puriniñapcama.

2 Samuel 11:11

Uriasasti saraquïnwa: —Tatitun arcapasa, israelita soldadonacasa uqhamaraqui Judá soldadonacasa ramanac mankhanacwa iquipjjejja; uqhamaraqui Joab jilïrejjasa, juma jach'a reyin oficialanacamasa, pampanacanacwa iquipjjejja, ¿ucatti nayasti utajjaru sarästi ucan mank'asiñataqui, umañataqui, uqhamaraqui warmejjampi iquiñataquiraqui? ¡Juma jach'a reyin sutimjjaruw arsta, janipuniw utajjarojj sarcäti! —sasa.

2 Samuel 14:19

Ucatwa reyejj jisct'araquïna: —¿Janiti Joab chachajj take acanac lurañamataquejj amtayctamjja? —sasaw säna. Warmisti saraquïnwa: —Jïsa, juma jach'a reyin sutimjjaruw arsta. Take cuntejj siscta ucasti Joab chachan amtayatapunïsquiwa. Jupaw nayarojj acar qhitanitu, juparaquiw cunatejj parlañajjäqui ucsa yaticharaquitu.

2 Reyes 2:2

Ucatsti Eliasajj Eliseorojj sänwa: —Jumajj aca chekaru kheparam, Tatitojj Betelaruw qhititu —sasa. Ucatsti Eliseojj sänwa: —Nayajj Tatit laycuw juramento lurta, uqhamarac juma pachpatsa, janiw nayajj sapaqui jumarojj jaytcämati —sasa. Ucatsti panpachaniw Betelcama sarapjjäna.

2 Reyes 2:4

Ucatjja Eliasajj Eliseorojj sänwa: —Jumajj aca chekaru kheparam, Tatitojj Jericó marcaruw qhititu —sasa. Ucjjarusti Eliseojj sänwa: —Nayajj Tatit laycuw juramento lurta, uqhamarac juma pachpatsa, janiw nayajj jumar sapaqui jaytcämati —sasa. Ucatsti panpachaniwa Jericó marcar sarapjjäna.

2 Reyes 2:6

Ucatjja Eliasajj Eliseorojj saraquïnwa: —Jumajj aca chekaru kheparam, Tatitojj Jordán jawiraruw qhititu —sasa. Ucjjarusti Eliseojj sänwa: —Nayajj Tatit laycuw juramento lurta, uqhamarac juma pachpatsa, janiw nayajj jumar sapaqui jaytcämati —sasa. Ucat panpachaniw sarapjjäna.

2 Reyes 4:30

Ucampis wawan taycapajja Eliseorojj sänwa: —Juramentwa lurta Tatit laycu, uqhamarac juma pachpatsa, aca chekatjja janiw sarcäti jan jumampejja —sasa. Ucatjja Eliseojj jupamp chicaw saräna.

1 Crónicas 4:10

Jabes chachasti israelanquir Diosaruw oracionan mayïna aqham sasa: “Achict'assmawa bendición nayar churañamataqui, uqhamarac mä jach'a orake, ucatsti yanaparaquita, khespiyaraquita jan walinacata nayan jan walt'añanacajj utjañapataqui” sasa. Diosasti juparojj churänwa cuntï jupajj maycäna uca.

1 Samuel 17:55

Cunapachatejj Saúl reyejj Davidar uñjäna filisteo chachampi jiquisiri, ucapachaw jisct'äna Abner sat ejerciton generalaparu: —Abner, ¿qhitis uca waynan awquipajja? —sasa. Abner generalajj saraquïnwa —Juman jach'a sutimjjaruw arsta, janiw yatcti.

1 Samuel 20:3

Ucampisa Davidajj sascaquïnwa: —Awquimajj asquiw yati nayajj jumat yanapa catokatajj-jja, ucampis jichhajj janiw yatiycätamti, juman jan llaquisiñamataqui. ¡Ucampisa juramentompiw arsuracsma, Tatitun sutipjjaru, uqhamarac juman sutimjjarusa, nayataquejj jiwañajj sinti jac'ancapuniwa! —sasa.

1 Samuel 25:26

Ucampisa chekpachana Tatituw jan munquiti juman nanacaru jiwarayiri jutañamjja, uqhamat cheka cancaña pachpa amparamampi lurañamataqui. ¡Tatitojj munpan take uñisirinacamajja, uqhamarac take qhitinacatejj ñankha luraña amtapctam ucanacasti, Nabalan puriñaparu puripjjaracpan!