1 Reyes 9:5 - Qullan Arunaca

⁵ nayajj wiñayataquiw Israel marcjjaru reyïñamjja sum sayt'ayäjja, cunjämtï David awquimaru arscäyäta aqham sasa: ‘Janipuniw jumat mayni wawamajj faltcaniti Israelan tronopanjja’ sasa.

Aymar Bibliia 1986

⁵ nayajj wiñayataquiw Israel marcjjaru reyïñamjja sum sayt'ayäjja, cunjämtï David awquimaru arscäyäta aqham sasa: ‘Janipuniw jumat mayni wawamajj faltcaniti Israelan tronopanjja’ sasa.

Qullan Arunaka DC

⁵ nayax wiñayatakiw Israel marka apnaqañamatak reyi qunuñam utt'ayä, David awkimar arsutaxarjama, kunapachatix jupar siskäyäta: ‘Israel markar apnaqañ reyi qunuñamas jumat saraqir wawamatakix utjapuniniwa’ sasa.

1 Reyes 9:5 Jak'a apnaqawi uñst'ayäwi

2 Samuel 7:12

cunapachatejj jacañamajj tucusjjani ucatsti jiwjjaraquïta, ucapachasti nayaw mayni juman wawamaru marcan reinopjjaru utt'ayaraquï.

2 Samuel 7:16

Juman wawanacamajj wiñayaw apnakapjjani, uqhamaraqui reinomasti wiñayataquiraquïniwa nayan uñjatäscaraquiniwa, uqhamaraqui juman tronomasa wiñayataqui utt'atapuniraquïniwa’ ” sasa.

1 Reyes 2:4

Uqhamaraqui Tatitojj phokhañapataqui cuna arsüwtejj nayampi lurcäna, cunapachatï wawanacajjajj sum sarnakapjjani, uqhamarac jupan nayrakatapana cheka cancañampi sarnakapjjani, take chuymampi, uqhamarac take jacañapampiraqui ucqhajja, janipuniw familiajj taypita tucuscaniti Israelan trononcañapajja.

1 Reyes 6:12

“Cawquïr templotejj lurascta ucatjja yatiyañwa munsma, jumatejj leyinacajjarjama, ewjjanacajjarjama sarnakäta ucqhajja, uqhamarac camachi arunacajjarusa phokharaquïta cuntï ucanacan siscta ucanac lurasina ucqhajj, nayajj phokhäwa cuntejj arscäyäta jumampi lurañataqui David awquimaru ucjja;

1 Reyes 8:15

aqham sasa: “Bendicitäpan Israel marcan Tatit Diosapajja, jupajj phokhewa cuntejj David awquejjaru arscäna ucjja, cunapachatejj aqham arscäna:

1 Reyes 8:20

“Jichhasti Tatitojj arsutapjja phokhewa. Cunjämtejj jupajj siscäna uqhamaru, nayajj David awquejjana utjäwipwa catta, ucatsti Israelan tronoparusa kont'asiractwa, uqhamarac mä templsa luraracta Israelan Tatit Diosapataqui.