1 Reyes 9:3 - Qullan Arunaca

³ Ucatsti sänwa: “Nayajj ist'smawa oración luratama, uqhamarac nayar mayisitamsa, nayasti k'omachtwa aca templo lurarapquista sutejja ucancañapataqui ucjja. Nayasti uñtanïwa, uqhamarac chuymajjasa ucancaraquiniwa.

Aymar Bibliia 1986

³ Ucatsti sänwa: “Nayajj ist'smawa oración luratama, uqhamarac nayar mayisitamsa, nayasti k'omachtwa aca templo lurarapquista sutejja ucancañapataqui ucjja. Nayasti uñtanïwa, uqhamarac chuymajjasa ucancaraquiniwa.

Qullan Arunaka DC

³ ukat sarakïna: “Nayax mayisitamsa, achikt'asitamsa ist'smawa, ukatsti nayan sutix wiñay ukankañapatak aka uta utacharapkista ukxa qullanañchtwa. Nayasti uñtanïwa, chuymaxas ukankarakiniwa.

1 Reyes 9:3 Jak'a apnaqawi uñst'ayäwi

1 Reyes 8:29

Aca templorojja urus arumasa uñch'uquipunimaya, cawqhantejj jumajj ucancaña arscta ucqhana. Jichhasti ist'amaya aca uywatamana oración luratapa.

2 Reyes 20:5

“Cutt'am, ucatsti marcajjana jilïri Ezequías reyiru aqham sam: ‘Nayra David awquimana Tatit Diosapajja aqham siwa: ‘Nayajj oracionamjja ist'smawa, uqhamarac jachatamsa uñjaracsmawa. Jichhasti jumarojj c'umaraptayämawa, ucatjja acat quimsa urut Tatitun temploparu saräta.

2 Reyes 21:7

Uqhamaraquiw Tatitun templopana Asera diosan lantipa uchäna. Uca toketsti Tatitojj sänwa Davidaru, uqhamarac Salomón yokaparusa, aqham sasa: “Jerusalenan aca templo ajlliscta, ucjja Israelan take tribunacapatwa ajllista, sutejjajja wiñay ucancañapataqui.

2 Crónicas 33:7

Ucjjarusti Tatitun templopana c'ari diosana uñnakapa luraycäna ucwa uchayäna, uca toketsti Diosajj Davidarojj ewjjänwa, uqhamarac Salomón yokaparusa, aqham sasa: “Israelana take tribupata ajlliscta, uca Jerusalenanquiri templonwa sutejjajj wiñayataqui ucancani.

2 Crónicas 6:40

“Nayan Diosajja, jumajj ist'amaya, uqhamarac aca chekana oración luratanacarusa ist'araquim.

Esdras 6:12

¡Ucatjja cawquïr Diosatejj Jerusalenaru ajlliscäna sutipa ucancañapataqui ucawa tucjani qhiti reyitejj, jan ucajj cawquïr marcatï jan walt'ayaña amtcani, jan ucajj tucjañsa muncaraquini Jerusalenanquir Diosan temploparu ucjja! Naya Darío reyiwa aca arunaca arsta lurasiñapataqui. Phokhaspan arsutajjarjama kellkatajjarjamaraqui” sasa.

Salmos 10:17

Tatay, jumaw jan yäkat jakenacan mayisitap ist'asctajja, jumaw chuymachasctajja, ch'amañchascaractajja.

Salmos 116:1

Nayajj Tatituruw munasta, mayisitajjar ist'atap laycu;

Salmos 34:17

Tatitojj asqui jaken arnakasitaparojj ist'iwa, take llaquinacapat waysuraqui.

Salmos 65:3

Jucha luratanacajjajj aynacht'ayapjjetuwa, ucampis jumaw juchanacajjat pampachapjjesta.

Salmos 66:19

Diosasti ist'ituwa, achict'asiñamp mayisitajjarojj jaysituwa.

Éxodo 20:11

Tatitusti sojjta urunwa alajjpacha, aca orake, kotanaca, uqhamarac cunanacatejj ucan utjqui ucanacsa luräna; ucampis pakallko urunjja samaränwa. Uca laycuwa Tatitojj bendice samarañ ururu, uqhamarac arsuraqui uca urojj juparu loktatätapa.

Éxodo 29:44

Ucampis nayajja k'omachäwa Jiquisiñ Carparojja, uqhamarac altararusa; uqhamarac k'omacharaquïwa Aaronampiru, wawanacapampirusa, uqhamata nayan sacerdotenacajjäpjjañapataqui.

Jeremías 15:1

Tatitusti saraquituwa: “Moisés, uqhamaraqui Samuel, ucanacasay nayan nayrakatajjaru uñstaniscpan, ucqhas janipuniw nayajj aca jakenacat qhuyapayasquiristti. Nayan nayrakatajjatsti mistupjjpan, jayar sarapjjpan.

Jeremías 7:10

take ucanac lurasinsti aca nayan templojjaru, cawquïritï nayaru loktatäqui, ucarojj jutapjjaractawa, naya nayrakataru uñstañataquejja. Ucatsti amuyasipjjaractawa, ucanjja arjjatatäsipcasmasa uqhama ucat take uca jan walinacjja lurasipcaraquisma, ucatsti nayajj uca luratanacamjja janiw juc'ampi uñjcäti.

Daniel (hebreo) 9:23

Cunapachatejj jumajj Diosar mayisiñ kalltta, ucapachaw Diosajj jumar ist'tam. Nayasti jumaru uca Diosan ist'atapa yatiyiriw jutsma, Diosasti jumarojj walpun munaractam. Jichhasti sum suma ist'am cuntejj siscäma uca arunacaru, uqhamat uca unañchäwi toket suma amuyt'añamataqui:

Números 16:38

Cawquïri jakenacatejj juchanacapat jiwapqui ucanacan incensariopajj k'omachatäjjewa nayan nayrakatajjana, incienso loktañataqui. Uca metalanacjja laphinacaru tucuyapjjam altararu muyuntayañataqui, uqhamarac israelitanacataquejj amtasiñatac uchatäpan.”

Mateo 6:9

Ucatpï jumanacajj aqham mayisipjjätajja: ‘Alajjpachanquir nanacan Awquejja, sutimajj jach'añchatäpan.

Juan 11:42

Yattwa jumajj nayarojj ist'apunistawa, ucampis nayajj ucjja sistwa aca jakenacan asquipataqui, jumajj nayaru qhitanquista uc iyawsapjjañapataqui —sasa.

Hechos 10:31

Jupasti nayarojj situwa: ‘Cornelio, oracionanacamjj Diosajj ist'tamwa, pobrenacar qhuyapayatanacamas Dios nayrakatanjja asquit uñt'ataraquiwa.

Deuteronomio 11:12

Uca oraksa Diosaraquiwa imaraqui, marpacharaquiw jupajj uñch'uquiniraqui.

Deuteronomio 12:11

ucqhasti jumanacajj cawqha chekarutejj Tatitu Diosamajj ajllisini jumanacan yupaychapjjañamataqui, ucaruwa loktapjjäta take cunanactejj sapcsma ucanaca. Take uywanaca sacrificion loktasa juparu yupaychañataqui, diezmonaca, churäwinaca, uqhamaraqui take cuntejj Tatitu Diosamaru churañatac arsupcta ucanac sum ajllisinwa churapjjäta.

Deuteronomio 12:21

Cawquïri chektejj Tatitu Diosamajj ajllisini jupan jacäwipataqui, ucatejj jumanacan jacäwinacamat jayancascani ucqhajj puedipjjtaw vacama, ovejama qharsusin mank'aña, cawqhantejj jacapcta uca chekana, cunjämtejj nayajj sapcsma uqhama.

Deuteronomio 12:5

Diosasti jumanacan tribum taypita mä lugar ajllisi, jumanacasti uca chekaru yupaychir sarapjjañamataqui.

Deuteronomio 16:11

Ucatsti uca fiestanacjja lurapjjätawa cawqha chekarutejj Tatitu Diosamajj utjäwipatac ajllisqui uca chekana, take wawanacamampi, uywatanacamampi, levitanacampi, yakha marcat jutir jakenacampi, wajchanacampi, viudanacampi, qhitinacatï jumanac taypin jacapqui ucanacampi.

1 Juan 5:14

Utjistuwa Diosar iyawsañasajja, yatiractanwa cuntejj Diosarojj mayiñäni munañaparjama ucjja jupajj ist'istuwa.