1 Reyes 4:12 - Qullan Arunaca

¹² Ahilud ucan Baana yokapasti, Taanac, Meguido ucanacatänwa, uqhamarac take Bet-seán ucataraqui, ucasti Saretán ucamp chicänwa Jezreel ucata juc'amp aynachana, Bet-seán ucata Abel-mehola ucacama, Jocmeam ucatsa juc'amp qhurina;

Aymar Bibliia 1986

¹² Ahilud ucan Baana yokapasti, Taanac, Meguido ucanacatänwa, uqhamarac take Bet-seán ucataraqui, ucasti Saretán ucamp chicänwa Jezreel ucata juc'amp aynachana, Bet-seán ucata Abel-mehola ucacama, Jocmeam ucatsa juc'amp qhurina;

Qullan Arunaka DC

¹² Ahilud chachan Baaná yuqapasti, Taanac, Meguido, uka chiqanakankir jaqinak apnaqäna, taqpach Bet-seán chiqa apnaqarakïna. Uka uraqisti Saretán sat thiyankiwa, Jezreel chiqat juk'amp aynachana, uraqisti Bet-seán ukawjata, Abel-meholá ukakamawa, Jocmeam ukatsa juk'amp khurina;

1 Reyes 4:12 Jak'a apnaqawi uñst'ayäwi

1 Reyes 18:46

Ucampis Eliasarojja Tatituw ch'am churäna, ucatsti isipampi isthapisisinjja, Jezreel chekacamawa jaläna, ucatsti Acab reyitsa nayrwa purïna.

1 Reyes 19:16

Ucatsti utt'ayaniraquim Israelan reyipataquejj Nimsi chachan Jehú sat allchhiparu; ucatjja Safat chachan Eliseo yokaparojja profetata utt'ayanim juma lanti, jupasti Abel-mehola uca marcanquiriwa.

1 Reyes 7:46

Reyisti ch'allata lurata moldenacaruwa umatatayäna Jordán orakena, Sucot ucqhata Saretán ucqhacama.

1 Crónicas 6:68

Jocmeam, Bet-horón, Ajalón, uqhamarac Gat-rimón ucanacaraqui, take ucanacasti awatiñ orakenacapamppacha.

Josué 12:22

Cedes marcan reyipa, Carmelonquir Jocneam sat marcan reyipa;

Josué 17:11

Uqhamaraquiw Manasés tribusti marcanacapajj utjäna Isacar orakena, uqhamarac Aser orakensa, sapa mayni jisc'a marcanacampi cuna; uca marcanacan sutipajj acnïrinacänwa: Bet-seán, Ibleam, Dor, Endor, Taanac, Meguido ucanaca, uqhamaraqui quimsa jisc'a kollunacamp cuna.

Josué 3:16

cawquïri umanacatï alaya toket jutapjjän ucanacajj pachparuw sayt'apjjäna mä kollur uñtata, Adam sat marcatsa juc'ampi jayaru cawquïri marcatï Saretán marca sat jac'anccäna uca chekaru. Aynachar sarir umanacasti sarasipcaquïnwa Mar Muerto sat kotar puriñcama, uqhamaw uca jawirajj payaru t'akjtäna, ucatjja israelit jakenacajj maqhatapjjänwa Jericó marca uñcatasiru.

Jueces 5:19

“Ucampis reyinacajja jutapjjewa Taanac sat marcaru, Meguido sat marcan umanacap jac'aru. Cananeonquir reyinacasti jutapjjänwa amtata nuwasiñataqui, ucampis jupanacajja janiwa kollksa, ni cuna casta kamirïña yänacsa apasipcänti.

Jueces 7:22

Ucampis quimsa pataca israelitanacasti pututusipcaquïnwa. Diosasti madianitanacarojj jupanacpurwa nuwasiyäna. Ucatsti tutuctjjapjjänwa Bet-sita sat, Zerera thaquicama, uqhamarac Abel-mehola sat korpacama, ucasti Tabat sat jac'awa.

1 Samuel 18:19

Ucampisa cunürutejj Saúl reyejj Davidaru Merab phuchapa warmipäñapataqui churañ urojj purinjjäna ucqhajja, Davidar churcamayajja, Meholanquiri Adriel jakeruquiw churjjäna.

1 Samuel 31:10

Saúl reyin armanacapsti Astarté diosan temploparuw uchapjjaraquïna, amayapsti Bet-sán perkaruw warccatapjjaraquïna.

1 Samuel 31:12

jan cunsa ajjsariri take jakenacaw tantacht'asipjjäna, pakar aruma jutasinsti Bet-sán perkatjja Saúl reyin amayapa, uqhamarac yokanacapan amayanacapsa apakawayjjapjjataynawa, ucatsti Jabes marcaruw apasjjapjjäna, ucanwa naqhantayjjapjjaraquïna.