1 Reyes 4:13 - Qullan Arunaca

¹³ Ben-Geber, jupasti Galaad chekanquiri Ramot oraketa, ucatsti juparojj wact'araquïnwa uñjaña Galaad ucanquiri jisc'a marcanacaru, ucanacasti Manasés ucan Jair yokapancänwa, uqhamarac Argob uca orakenacasa, ucasti Basán chekanwa jicjjatasïna. Cawqhantejj sojjta tunca jach'a marcanacajj utjcäna jach'a perkanacani, uqhamarac bronceta cerrojonacani;

Aymar Bibliia 1986

¹³ Ben-Geber, jupasti Galaad chekanquiri Ramot oraketa, ucatsti juparojj wact'araquïnwa uñjaña Galaad ucanquiri jisc'a marcanacaru, ucanacasti Manasés ucan Jair yokapancänwa, uqhamarac Argob uca orakenacasa, ucasti Basán chekanwa jicjjatasïna. Cawqhantejj sojjta tunca jach'a marcanacajj utjcäna jach'a perkanacani, uqhamarac bronceta cerrojonacani;

Qullan Arunaka DC

¹³ Ben-guéber, jupasti Ramot marka apnaqäna, Galaad chiqan utjir markanakampi, uka markanakasti Manasés chachan Jaír yuqapankänwa. Jupasti Argob marka apnaqarakïna, Basán uraqina. Ukansti suxta tunka jach'a markanakaw utjäna, jach'a pirqanakan muyuntat markanaka, jach'a punkunakapax broncet lurat jist'katañanakanïnwa.

1 Reyes 4:13 Jak'a apnaqawi uñst'ayäwi

1 Reyes 22:3

Israelan reyipasti yanapirinacaparojj sänwa: —Jumanacajj yatipjjtawa Galaadanquir Ramot ucajj jiwasanquiwa. Ucatjja, ¿Janit cunsa lurcsnajja sirio reyin amparapata cutsuyasiñataquejja? —sasa.

2 Reyes 9:1

Eliseo profetasti jawsänwa profetanacan tamapata maynïriru, aqham sasa: “Wact'ayasim mistuñataqui. Aceite apjjarusiwayasajja, saram Galaadanquir Ramot chekaru.

2 Reyes 9:14

Josafat chachan Jehú yokapaw Joram reyi toke amtäna, jupasti Nimsi chachan allchhipänwa. Joram reyejj Galaadanquir Ramot chekatwa tuwakasisa nuwasisipcäna Siria marcana Hazael reyin nuwir jutatapata.

1 Crónicas 2:23

Ucampis Gesur, uqhamarac Aram uca chachanacaw Jair chachan campamentonacapa catuntasipjjäna, uqhamarac Kenat, jisc'a marcanacapamppacha; takpachajj sojjta tunca marcanacwa catuntasipjjäna. Take ucanacaw Maquir chachat jutir wawanacapänjja, jupasti Galaad ucan awquipänwa.

Salmos 22:12

Uñisirinacajjajj toronacjamaw muyuntitu, Basán oraken wajjrasir toronacjamaw chhucjjatitu,

Salmos 68:15

Basán kollunacajj wali jach'anacawa, kollunacapajj wali khathanacawa:

Números 32:41

Uqhamaraquiw Jair sat Manasés chachan yokapajj catuntasïna amorreonacan mä kawkha campamentopata, ucatsti Havot-jair sasaw sutichapjjäna.

Deuteronomio 3:10

Take pata pampanacan marcanacarac catuntapjjayätan, Galaad, Basán, sutin orakenaca Salca, Edrei chekacama, cawquïri marcanacatï Og reyin apnakatäcäna Basán marcana take ucanaca.

Deuteronomio 3:4

Uqhamaraquiw take marcanacapsa catuntapjjtan, janiraquiw mä marcas jan catuntatajj uñjascänti. Takpachasti sojjta tunca marcanacänwa, take Argob sat chekanquir marcanaca, uqhamaraqui takpach Og sat Basán reyis apnakcäna uca marcanaca.

Deuteronomio 3:8

“Uqhamaw qhä tiemponjja uca pä amorreo reyinacan orakenacapajj jiwasan catuntatäna, cawquïrinacatï jacapjjäna Jordán jawirat inti jalsu tokena, Arnón jawira chekata Hermón sat kollunaccama.

Deuteronomio 4:43

Uca marcanacasti acanacänwa: Beser marca, wasara pata pampana; Rubén sat tributaqui; Ramot sat marca, Galaad orakena, Gad sat tributaqui; ucatsti Golán sat marca Basán orakena, chicat Manasés tributaqui.

Josué 20:8

Uqhamaraquiwa qhursa Jordán jawir thiyanjja, Jericó marca tokeru intis jalsunqui ucsatjja ajllipjjäna Beser sat marca, Rubén tribun orakepana. Ucatsti Galaad oraketjja Ramot sat marca ajllipjjäna, Gad tribun orakepana, uqhamaraquiw Basán orakenjja ajllipjjäna Golán sat marcaru, Manasés tribun orakepana.

Josué 21:38

Ucatsti Gad tributjja Galaad orakenquir Ramot sat marca churapjjäna, jake jiwayir jaken imantasiñapataqui, uqhamaraqui Mahanaim marca.