1 Reyes 15:3 - Qullan Arunaca

³ Abiam reyisti cunjämtï awquipajj jupat nayra juchanac lurcäna uca pachpa juchanacwa luraraquïna, chuymapasti janiw chekäcänti Tatitu Diosapataquejja, cunjämäcäntejj David nayra awquipana uqhamjja.

Aymar Bibliia 1986

³ Abiam reyisti cunjämtï awquipajj jupat nayra juchanac lurcäna uca pachpa juchanacwa luraraquïna, chuymapasti janiw chekäcänti Tatitu Diosapataquejja, cunjämäcäntejj David nayra awquipana uqhamjja.

Qullan Arunaka DC

³ Abiam reyix awkipjamarakiw pachpa juchanak luratayna, janiw Tatit Diosapatakix chiqa chuymanïkänti, kamisatix David achachilapax chiqa chuymanïkatayna ukhama.

1 Reyes 15:3 Jak'a apnaqawi uñst'ayäwi

1 Reyes 11:33

Salomonasti nayarojj apanucutuwa, ucatsti sidonios ucanacana Astarté sat diosaparuwa yupaychjje; ucatsti yupaycharaquïnwa moabitanacan Quemos sat diosaparuraqui; ucatsti yupaychänwa amonitanacan Milcom sat diosaparuraqui. Jupan luratanacapasti nayan nayrakatajjana janiw sumäquiti, janiraquiw leyinacajjsa, arsüwinacajjsa phokcaraquiti, cunjämatï David awquipajj lurcäna uqhama.

1 Reyes 11:4

Cunapachatï Salomonajj awquëjjäna ucqhasti, warminacapajj chuymapjja yakha diosanac tokeruw uñtayapjjäna, Salomonasti janiw take chuyma Tatit Diosapar loktascataynati David awquipjama uca laycu.

1 Reyes 15:14

Janisa c'ari diosanacana santuario utanacapa apanucutäcchïna ucasa, Asajj Tatitumpejja suma asquinwa saräna.

1 Reyes 3:14

Jumatejj nayan munañajja luräta, uqhamarac leyinacajjsa, camachi arunacajjsa phokharaquïta, cunjämatï David awquimajja lurcäna uqhama, ucatjja jaya maranaca jacañwa churäma” —sasa.

1 Reyes 3:3

Salomonajj Tatituruwa munäna, uqhamaraqui David awquipan leyinaca utt'ayätaqui ucanacsa phokharaquïnwa, jupa pachpasa alto kollu patanacana sacrificionaca, inciensonaca loktcchïna ucasa.

2 Reyes 20:3

“Nayajj achict'assmawa, Tatay, amtastati cunjämsa nayajja suma cheka chuymampi sirviyäsma uca, cunatejj jumataqui asquïqui ucanac lurasina” sasa. Ucatsti jupajj walipuniw jachäna.

2 Crónicas 25:2

Amasiasana luratanacapasti Tatitun nayrakatapanjja chekapänwa, ucampis janiw sarnakcänti suma cheka chuymampi.

Salmos 119:80

Chuymajjajj leyinacamarjam phokherïpan, uqhamat jan p'enk tucuñajjataqui.

Deuteronomio 17:20

Uqhamata jan jupajj jach'a cancañani jilanacap taypina tucuñapataqui ni uca camachi arunacatsa jithektañapataqui. Uqhamatsti jupasa, wawanacapasa walja maranacaw Israel marcarojj apnakapjjani.

1 Samuel 25:28

Ucatsti jumajj naya sirvirimarojj perdont'asiraquita. Chekpachansa Tatituw jumana, uqhamarac wawanacaman reyïñapsa jan tucusiycaniti, jumajj Tatitutaqui ch'ama tucutam laycu. Take jacaña urunacamansti janiraquiw cuna jan walt'añas jumjjarojj jutcaniti.