1 Pedro 5:12 - Qullan Arunaca

¹² Silvanojj nayataquejj mä suma asqui jilatat uñt'atawa, juparaquiw aca cartjja jumanacatac apani. Nayasti ewjjt'apjjsmawa, ucatsti chekwa sapjjsma cuna bendicionanactejj Diosat catokapctas ucajj, Diosan cheka munasiñapwa uñacht'ayistu. Aca tokensti sumpun sayt'asipjjam.

Aymar Bibliia 1986

¹² Silvanojj nayataquejj mä suma asqui jilatat uñt'atawa, juparaquiw aca cartjja jumanacatac apani. Nayasti ewjjt'apjjsmawa, ucatsti chekwa sapjjsma cuna bendicionanactejj Diosat catokapctas ucajj, Diosan cheka munasiñapwa uñacht'ayistu. Aca tokensti sumpun sayt'asipjjam.

Qullan Arunaka DC

¹² Silvanox nayatakix mä suma aski jilatat uñt'atawa, juparakiw aka qillqat lurañatak yanapt'itu, jumanakar iwxt'añataki, ukhamaraki kuna waxt'äwinaktix katuqapkta ukanakan Diosan chiqa munasiñapätap yatiyapxaraksma. Jupar churatäpan qhapaq kankañasa, munañan kankañasa, wiñayan wiñayapataki.

1 Pedro 5:12 Jak'a apnaqawi uñst'ayäwi

Juan 21:21

Pedrojj jupar uñjasinjja jisct'änwa Jesusaru: —Tata, aquïrirojj ¿cunas pasani? —sasa.

Hechos 11:23

Antioquiar purisinjja, Bernabeajj wal cusisïna, cunjämtï Diosajj jupanacar bendiscatayna uc uñjasajja. Jupanacarusti ewjjt'awayiwa: “Take chuymamp Tatitur arcapjjam” sasa.

Hechos 15:22

Ucatsti apostolonacampi jilïrinacampi, uqhamarac iglespachaw amtapjjäna jupanac taypita mä kawkhaniru ajlliña, Pablomp Bernabeamp chica Antioquiar sarapjjañapataqui. Jupanacasti paniniruw ajllipjjäna, Barsabás sat Judasampiru, Silasampiru. Ucanacasti jilïrit uñt'atäpjjänwa jilatanac taypina.

Hechos 20:24

Ucampis take acanacajj janiw llaquisiyquituti. Janiraquiw jacañajjas cuna jach'äquis nayataquejja, jan ucasti cuntejj Tatitojj: ‘Luram’ sisquitu uc cusisiñamp phokhañaquiw wact'itu. Ucasti Diosan munasiñap utjatap jakenacar khanañchañaquiwa.

Romanos 5:2

Cristo tokeraquiw jiwasanacajj Diosarojj jac'achastanjja, iyawsäwi laycu jupat bendiciona catokañataqui. Uca bendicionansti takeniw ch'amani sayt'atätanjja, Diosan marcaparu mantañataqui suyt'äwinsti cusisitätanwa.

1 Corintios 15:1

Jichhajj jilatanaca, muntwa cuna khespiyasiñ arunactï yatiyapcsma ucanaca amtasipjjañama. Uca arunacjj jumanacaw catokapjjtajja, ucanaracwa jichhas sum sayt'asisipctajja.

2 Corintios 1:19

Diosan Jesucristo wawapasti qhitittejj Silvanosa, Timoteosa, nayasa parlapcsma ucajja janiw: “Jïsa, janiwa” sirïcänti, jan ucasti jupanjja Diosan arunacapajj chekapapunïnwa.

2 Corintios 1:24

Janiw nanacajj iyawsañanacamarojj cun sañs munapcsmati, jumanacasti iyawsañanacamanjj suma thurt'atäjjapjjtawa. Uqhamïpansti, yanapt'añ munapjjsma cusisipjjañanacamataqui.

Efesios 3:3

Diosajj jan amuyt'cañ imantat arunacapwa yatiyaraquitu, cunjämtejj kalltan yatiyapcsma mä juc'a arunaca kellkanisa uqhama.

Efesios 6:21

Tatitun irnakäwipan wal yanapasir munat Tíquico jilatasaw nayjjat take yatiyäwinac yatiyapjjätam, uqhamarac cunanactejj lurctjja ucanacsa.

Colosenses 1:7

Aca arunacsti jiwasan Epafras sat munat jilatasaw yatichapjjtamjja, jupasti nanac chicaw irnakaraqui, jumanacasti mä suma Tatitun sirviripatracwa juparojj uñt'asipjjtajja.

Colosenses 4:7

Jiwasan Tíquico munat jilatasajja, qhititejj take chuyma nayar yanapquitu Tatitur sirviñanjja, jupaw sum nayjjat yatiyapjjätam.

Colosenses 4:9

Jupamp chicasti munat Onésimo jilatasaraquiw juti, jupasti jumanaca taypit misturiwa. Jupanacaw take cuntejj acan lurasqui ucanacjja parlt'apjjätam.

1 Tesalonicenses 1:1

Naya Pablo, Silvanompi uqhamarac Timoteompiw Tesalónica marcan iglesianquir jilatanacaru aca carta apayanipjjsma, cawquïr jilatanacatejj Dios Awquiru, uqhamarac Tatit Jesucristor mayachatäpqui ucanacaru. Dios Awquisajja jumanacarojj bendispan, uqhamarac sumancañapas jumanacampïpan.

2 Tesalonicenses 1:1

Naya Pablow, Silvanompi, Timoteompi Tesalónica marcan iglesianquir jilatanacaru aca carta apayanipjjsma cawquïri jilatanacatejj Dios Awquiru, Tatit Jesucristoru mayachatäpqui ucanacaru.

Hebreos 13:22

Jilatanaca, achict'apjjsmawa llamp'u chuymampiqui aca ewjja arunac catokapjjañama, mä jisc'a cartacwa kellkt'anipjjsma.

1 Pedro 1:13

Ucatpï jilatanaca, jumanacajj wali amuyt'asipjjam cuntï lurapcäta ucanacatjja, uqhamarac mä suma jacañan sarnakapjjaraquim. Take chuymaraqui suyt'apjjam cuntejj Diosajj qhuyapayasiñapanjja jumanacar churañataqui waquichasqui Jesucristojj jutcani ucqhajja.

1 Pedro 4:10

Sapa maynis cunjämtejj Diosat ch'am catokquejj uqhama maynirojj sirvpan, uqhamata take bendiciontï Diosajj churquistu ucajja sum apnakañasataqui.

2 Pedro 1:12

Ucatpï nayajj jumanacarojj take acanacjja amtayasinipcaquïmajja, yatipctas, uqhamarac iyawsapctas uca cheka arunacanjja suma sayt'asipcsta ucasa.

2 Pedro 2:15

Cheka thaquit sarakapjjatap laycuw chhaktat sarnakapjje. Beoran yokapa, Balaam profetan luratanacaparuw arcapjje, qhititejj jan walinac lurasa, kollke jicjjatañac muncänjja ucaru.

3 Juan 1:12

Takeniw Demetriotjja sum parlapjje, ucasti chekapunïsquiwa. Jiwasanacas yatiractanwa ucjja, jumanacas yatipjjaractawa cuntï chekac sasipcsma ucjja.

Judas 1:3

Munat jilatanaca, walpun munapjjäyäsma cunatejj jumanacansa, uqhamarac nayans utjqui uca khespiyasiñ toket kellkaniñjja. Ucampis jichhajj waquisiw jumanacar aca carta kellkaniñajjajja, cunatejj mä cutejj Diosanquirinacarojj catuyatäcäna uca iyawsäw laycu nuwasipjjañamataqui.