1 Pedro 4:6 - Qullan Arunaca

⁶ Ucatpï jiwirinacarojj Diosan arunacapjja parlatänjja, jupanacajj uqhamata ajayunacapanjja Diosjam jacapjjañapataqui, acapachanjja mayni jakenacjama taripatäpcaracchisapän ucasa.

Aymar Bibliia 1986

⁶ Ucatpï jiwirinacarojj Diosan arunacapjja parlatänjja, jupanacajj uqhamata ajayunacapanjja Diosjam jacapjjañapataqui, acapachanjja mayni jakenacjama taripatäpcaracchisapän ucasa.

Qullan Arunaka DC

⁶ Ukatakipï Cristox jiwatanakarus arunakap yatiyänxa, jakapkäna uka pach luratanakapat taripatäsaxa, ajayunakapax Tatitump jakañapataki.

1 Pedro 4:6 Jak'a apnaqawi uñst'ayäwi

Mateo 24:9

“Jumanacarusti catuntayapjjaraquïtamwa t'akhesiyañataqui, ucatsti jiwayapjjaraquïtamwa. Take jakenacaraquiw jumanacarojj uñisipjjätam nayar arcapjjatam laycu.

Romanos 8:2

Ajayun jacañanjja, Cristo Jesús tokew nayarojj juchan munañaparjam sarnakañatjja khespiyitu, uqhamarac jiwañatsa.

Gálatas 2:19

Ley tokenjja nayajj jiwatjamäjjtwa; uca pachpa leyiraquiw jiwayitu, Diosatac jacañajjataqui.

Gálatas 5:25

Cunjämtejj Ajayu tok jactanjja, uca pachparaquiw Ajayumpi cuna luräwinacasansa irpayasiñasajja.

1 Pedro 1:12

Ucampis Diosajj jupanacarojj yatiyaraquïnwa, cuna tokettï yatjjatañ munapcän ucajj jan jupanacataquïtapa, jan ucasti jiwasataquïtapa. Ucatpï jichhajj jumanacarojj uca pachpa arunacaraqui yatiyatajja, qhitinacatejj parlapctam ucanac toke. Jupanacasti alajjpachat qhitanita Kollan Ajayun ch'amapampiwa parlapjjaractamjja. Ucanacsti angelanacas uñjañjja munapjjaraquïnwa.

1 Pedro 3:18

Cristo quipcaraquiw juchanacas laycojj jiwäwipanjja t'akhesiwayejja jan mayampitaqui. Jupajj asqui jakënwa, ucampis jiwasan jan walïtas laycuw t'akhesiwayi, jiwasar Diosar irpañataqui. Janchinaqui jiwatänjja ucampis ajayupanjja jactanjjewa.

1 Pedro 3:19

Ajayunaracwa saränjja, catuntatäpquis uca ajayunacar Diosan arunacap parliri.

Apocalipsis 14:18

Altaratsti yakha angelaraquiw mistuni. Uca angelasti ninjjaru munañanïnwa, ucatsti uca hoz ayt'atäcänsa uca angelaruw jach'at art'i aqham sasa: “¡Uca ari yawiñ hosimampi apthapim uva achunaca, uvasti pokoratäjjewa!” sasa.