1 Pedro 4:16 - Qullan Arunaca

¹⁶ Ucampis maynitejj Cristor arquirïtap laycu t'akheschejja, janiw p'enkasiñapäquiti t'akhesitapatjja, jan ucasti Diosar yupaychañapawa sutip apatap laycu.

Aymar Bibliia 1986

¹⁶ Ucampis maynitejj Cristor arquirïtap laycu t'akheschejja, janiw p'enkasiñapäquiti t'akhesitapatjja, jan ucasti Diosar yupaychañapawa sutip apatap laycu.

Qullan Arunaka DC

¹⁶ Ukampis maynitix Cristor arkirïtapat t'aqhischixa, janiw t'aqhisitapat p'inqasiñapäkiti, jan ukasti, Criston arkiripätap laykux Diosar yupaychañapawa.

1 Pedro 4:16 Jak'a apnaqawi uñst'ayäwi

Isaías 24:15

Inti jalsu tokensa, jach'a kota taypin utjir marcanacatsa, Tatituruw jach'achapjjani, Israelan Diosaparu.

Isaías 50:7

Tatituw nayarojj yanapasquitu, ucatwa jaken jan wali arunacapajj jan chuyma ust'ayquituti, ucatracwa nayajj mä karkar uñtata suma sayt'astjja, yatiractwa nayajj janiw cuna p'enksa pascäti.

Isaías 54:4

Jan ajjsaramti, janiw mä p'enka uñjascätati, janiw cuna jan wali arunacsa sapcätamti, janiraquiw cunatsa p'enkascätati. Tawako cancañaman p'enkachatäcäyät ucjja armasjjätawa, janiraquiw mayampsa ijma cancañam jisc'achapcäyätam ucsa amtascjjätati.

Hechos 11:26

Ucansti iglesiampejj mä maraw ucancäna, walja jakenacar yatichasa. Uca Antioquianwa iyawsirinacarojj nayrakatajj: “Cristor arquirinaca” sasa sutichapjje.

Hechos 26:28

Agripasti juparojj sänwa: —Mä juc'atjamatwa Tatitur niyapun iyawsayistajja —sasa.

Hechos 28:22

Nanacajj ist'añwa munapjjaraquirista juman amuyuma. Yatipjjtwa take chekan aca machak yatichäwita jan walinac parlapjjatapa.

Hechos 5:41

Apostolonacasti jilïrinacan nayrakatapatjja cusisitaw mistuwayjjapjje: —Diosajj jiwasanacarojj walicwa ajllisistojja aqham Tatitun sutip laycu t'akhesiñasataquejja —sasa.

Filipenses 1:20

Cuntejj muncta, suycaracta ucajja jan nayan p'enkasiñajj utjañapataquiwa; ucat sipana take iyawsañampi Diosan arunacapat parlt'añajjataquiwa, uqhamat jichhajj nayan Cristojj juc'ampi jach'ar aptatäñapataqui, jiwatäcasasa jan ucajj jacascasasa.

Filipenses 1:29

Cristo laycuw jumanacarojj jupar iyawsañajj churatäpjjtajja, uqhamarac jupa laycu t'akhesiñasa.

2 Timoteo 1:12

Ucatwa take acanacjja t'akhestjja. Ucampis acatjj janiw p'enkascti, nayajj yattwa qhitirutejj iyawscta uca, yatiractwa jupajj ch'amanïtapa qhä urucama nayaru cuntejj catuyquitu uc imañataquejja.

Santiago 2:7

¿Janit uca kamirinacasti cunatejj jumanacjjanqui uca Tatitusan jach'a sutipatjja jan walinac parlapcaraquejja?

1 Pedro 2:12

Diosar jan uñt'ir jakenac taypinsti sum sarnakapjjam. Jupanacajj jichhajj jan wali jakenacatjamsa jumanac toke parlapcchi ucasa, jumanacan asqui luratanacam uñjasasti, Diosaruw yupaychapjjaraquini cunürutejj jupajj luräwinacat wayt'ir jutcani ucürojja.

1 Pedro 4:11

Maynitejj parlchejja, Diosan arunacaparjam parlpan. Maynitejj qhitirus mä asqui lurchejja, Diosan ch'amapampi ucjja lurpan. Take cuntejj lurapjjta ucajja Diosar yupaychañataquïpan Jesucristo toke, juparuraqui munañanïñasa, jach'a cancañasa churatäpan wiñayan wiñayapataqui. Uqhamäpan.

1 Pedro 4:14

Tatit laycutejj jumanacar jan wali arunacampi tokepjjätam ucajja, cusisiñanïpjjtawa, Diosan Ajayupasti jumanacjjaruw utt'asi. [Jupanacasti uca Ajayu contraw jan wali parlapjje, ucampis jumanacajj uca Ajayurojj jach'añchapjjaractawa.]

1 Pedro 4:19

Uqhamajja, Diosan munañaparjam t'akhesirinacajja, asquinac lurasipcañapaquiwa, Diosaruraquiw almanacapsa catuyasipjjañapa, qhititejj jiwasar lurirïqui ucaru, jupasti chekaparaquiwa.