1 Pedro 3:18 - Qullan Arunaca

¹⁸ Cristo quipcaraquiw juchanacas laycojj jiwäwipanjja t'akhesiwayejja jan mayampitaqui. Jupajj asqui jakënwa, ucampis jiwasan jan walïtas laycuw t'akhesiwayi, jiwasar Diosar irpañataqui. Janchinaqui jiwatänjja ucampis ajayupanjja jactanjjewa.

Aymar Bibliia 1986

¹⁸ Cristo quipcaraquiw juchanacas laycojj jiwäwipanjja t'akhesiwayejja jan mayampitaqui. Jupajj asqui jakënwa, ucampis jiwasan jan walïtas laycuw t'akhesiwayi, jiwasar Diosar irpañataqui. Janchinaqui jiwatänjja ucampis ajayupanjja jactanjjewa.

Qullan Arunaka DC

¹⁸ Cristox mä kutikiw juchanakas pampachañatak jiwawayi. Jupax aski jaqïnwa, ukampis juchararanak laykuw t'aqhisiwayi, ukhamat jiwasanakar Diosan ukar irpkatañataki. Jupax janchin jiwawayi; ukampis ajayun jakxañatakiw jaktaniwayi,

1 Pedro 3:18 Jak'a apnaqawi uñst'ayäwi

Daniel (hebreo) 9:26

Sojjta tunca payani semananaca pasatatsti, Tatitur catuyata jach'a jilïriruw jiwayapjjani. Jerusalén marcampi templompisti t'unjataw uñjasiraquini, cawquïri reyitejj jutcani ucanacan jakenacapaw t'unjaraquini. Tucuyäwisti janc'aquiw purinini, walja umanacjama, tucuycamawa nuwasiñanacasa, t'unjatäñasa utjaraquini, cawquïrinacatejj uqhamäñapatac arsutäqui ucanaca.

Zacarías 9:9

¡Wali cusisim, Sión marca! ¡Cusisiñat k'ochum, Jerusalén marca! Juman Reyimaw mä asnjjat jutasqui, llamp'u chuymani, mä jisc'a asno kalljjata, cawquïritejj mä qhumuñ uywan wawapäqui ucjjata.

Números 7:15

mä vaca kallu, mä orko oveja, mä marani orko oveja ofrendat loktañataqui.

Mateo 27:19

Jupajj uqham kont'atäscän tronopan ucapachajja, warmipaw aqham juparojj jamasat säna: —Jan cuns luramti uca jan juchan jakempejja, jichha arumaw jan wali samcasta uca jake laycu —sasa.

Mateo 27:24

Cunapachatejj Pilatojj take cunas jan asquiru saratap amuyäna; jan ucasti ch'ajjwanacaw juc'ampi sartäna ucqhasti, uma aptayasinïna, ucatsti amparapjja uca umampiw jarekasïna jakenacan nayrakatapana aqham sasa: —Janiw nayajj cuna juchanïctsa aca jan juchani jaker jiwayañataquejja, jumanacac cunarus tucuyasjjapjjam —sasa.

Juan 16:10

Amuytatasipjjaniwa cawquïritejj cheka thaquïqui ucatjja, nayasti Awquejjan ucaruw sarascta, jumanacasti janiw juc'amp uñjcjjapjjetätati;

Hechos 22:14

Ucatsti jupajj saraquituwa: ‘Awquinacasan Diosapaw jumarojj nayratpach ajlltam jupan munañap uñt'añamataqui, uqhamarac qhititejj asquïqui ucar uñjañamataqui, ucatsti jupa quicpat ist'añamataquiraqui.

Hechos 3:14

Jumanacasti aca asqui k'oma Jesusarojj jan uñt'iriw tucupjjtajja. Ucatsti jake jiwayirïquis ucaruquiw antutatäñapataquejj mayipjjaractajja.

Romanos 1:4

ucampis Kollan Ajayun phokt'atätap laycojja, Diosan Yokapa, munañaniraqui uñacht'ayatawa, jiwatanac taypit jactatap laycu.

Romanos 4:25

Jupasti jiwañaru catuyatänwa jiwasanacan juchanacas laycu, ucatsti jactayataraquïnwa jupa toke jiwasanacajj Diosampi catokatäñasataqui.

Romanos 5:2

Cristo tokeraquiw jiwasanacajj Diosarojj jac'achastanjja, iyawsäwi laycu jupat bendiciona catokañataqui. Uca bendicionansti takeniw ch'amani sayt'atätanjja, Diosan marcaparu mantañataqui suyt'äwinsti cusisitätanwa.

Romanos 8:11

Ucampis Cristo Jesusar jactayqui jiwatanac taypita uca Ajayutejj jumanacancchejja, uca quipca Diosaw jiwat janchinacamarojj jactayanejja, Diosan Ajayupajj jumanacan jacqui uca toke.

Romanos 8:3

Diosajj phokhawayjjewa cuntejj Moisesan leyipajj jan lurcäna jan ch'amanïtapata, jiwasanacan wali juchararätas laycu. Diosasti jupan mä sapa Wawaparuw qhitani jiwasjam janchi cuerponi, uca quipca jucharus purirjamaraqui. Jupasti jucha laycu jiwañataquiw juti, ucatsti jupajj jucharojj juchañchawayiwa, janchincasinracwa atipjawayi.

2 Corintios 1:24

Janiw nanacajj iyawsañanacamarojj cun sañs munapcsmati, jumanacasti iyawsañanacamanjj suma thurt'atäjjapjjtawa. Uqhamïpansti, yanapt'añ munapjjsma cusisipjjañanacamataqui.

2 Corintios 13:4

Chekpachansa mä pisi ch'ama jakjam ch'accatatänwa, ucampis Diosan ch'amapampiw jichhajj jacasqui. Uqhamaraquiw nanacajj jupjam pisi ch'amanjamäpjjtjja, ucampis jupampi chicäjjasinjja Diosan ch'amapanwa jacjjapjjtjja jumanacar sirviñataqui.

2 Corintios 5:21

Cristojj janiw cuna juchsa lurcänti, ucampis Diosajj juparojj mä juchan jakerjamaw uñjäna jiwasanac laycu, jiwasajj Cristomp chicäjjatas laycojj mä chekap jacañanëjjañasataqui, cunjämtï Diosajj jacañas munqui uqhama.

Gálatas 1:4

Jupasti jacañap apt'asi juchanacas laycu, aca jan wali jacañat jiwasanacaru khespiyañataqui, Dios Awquisan munañaparjama.

Gálatas 3:13

Cristojj leyin maldicionapatwa khespiyistu, jupajj juchanacas laycu maldicitaraquïnwa, Kellkatanjja aqham siwa: “Maldicitäpan take qhititejj mä lawaru warccatatäqui ucajja” sasa.

Efesios 3:12

Cristo tokewa Diosar jan ajjsarasina jac'achasiñasajj utji, jupar iyawsctansa uca iyawsañampi.

Tito 2:14

Jupawa jiwas laycu jiwawayi jan walinacat jiwasar khespiyañataqui, k'omachañataqui, uqhamata jupancañataqui jan karjasisa asqui lurañasataqui.

Hebreos 10:10

Diosajj jiwasarojj k'ollanaptayistuwa Cristo Jesusan Diosan munañap phokhatap laycu, mä cuti wiñayatac jupa pachpa cuerpop sacrificiot loktasisa.

Hebreos 9:14

Ucampis ucajj uqhamächi ucajja ¡kawkha juc'amp ch'amanïpachas Criston wilapajja! Ucasti wiñay jaquir Ajayu tokew Cristojj Diosaru jupa pachpa loktasi jan k'añucht'ata, wilapas k'omacharaquistuw chuymasjja jiwañaru apquistus uca jan wali luräwinacatjja, jacquir Diosar sirviñasataqui.

Hebreos 9:26

Uqhamäsapän ucajja walja cutiraquiw jiwañapäsapänjja aca orake kalltatpachjja. Jichhajj take uca urunac phokhasisquipanjja, Cristojj mä sapa cutiquiw pacha tucuyar uñstani, jupapachparaquiw mä sacrificio loktasiwayi take juchanac apakañataqui.

Hebreos 9:28

Uqhamaraquiw Cristojj mä cutiqui sacrificionjj loktasïna waljanin juchapa apakañataqui. Ucatsti khepïrinjja uñstaniraquiniwa, janiw juchanac apakeriti, jan ucasti jupar suyt'irinacar khespiyañataqui.

Santiago 5:6

Jumanacajj jan juchan jakenacarojj juchañchasinwa jiwarayapjjtajja, janiraquiw jupanacas sayt'asipcänti.

1 Pedro 3:19

Ajayunaracwa saränjja, catuntatäpquis uca ajayunacar Diosan arunacap parliri.

1 Pedro 4:1

Ucatpï jilatanaca, cunjämtejj Tatitojj janchipan t'akhesiwayejja, jumanacajj janc'aquïpjjañamaraquiwa t'akhesiñataquejja. Ucatwa uca janchin t'akhesirejja, juchjja apanucuwayjje,

1 Pedro 4:6

Ucatpï jiwirinacarojj Diosan arunacapjja parlatänjja, jupanacajj uqhamata ajayunacapanjja Diosjam jacapjjañapataqui, acapachanjja mayni jakenacjama taripatäpcaracchisapän ucasa.

1 Juan 1:9

Jiwasatejj juchanacas arsusiñänejja, jupajj chekawa, asquiraquiwa juchanacas perdonañataqui, uqhamarac take jan walinacata k'omachañataquisa.