1 Pedro 3:14 - Qullan Arunaca

¹⁴ Ucampis cheka luratanacam laycutejj t'akhesipjjstajja, cusisiñanïpjjtawa. Jan qhitirus ajjsarapjjamti, ni sustjasipjjaraquimsa.

Aymar Bibliia 1986

¹⁴ Ucampis cheka luratanacam laycutejj t'akhesipjjstajja, cusisiñanïpjjtawa. Jan qhitirus ajjsarapjjamti, ni sustjasipjjaraquimsa.

Qullan Arunaka DC

¹⁴ Ukampis chiqa luratanakamattix t'aqhisipxstaxa, ¡kusisiñanïpxtawa! Jan khitirus axsarapxamti, janirak sustjasipxamsa,

1 Pedro 3:14 Jak'a apnaqawi uñst'ayäwi

Proverbios 3:25

Janiw ajjsarayascätati acatjamata ajjsaraña jutirirusa, janiraquiw juchararanacjjar tucjaña urojj jutcani ucarusa,

Isaías 51:12

“Naya, naya quipcaw jumarojj ch'amachsma. ¿Qhitirus ajjsarta? ¿Jakenacaruti? ¿Jiwir jakenacaruti ajjsarta, qhitinacatejj korar uñtata tucusipjjani ucanacaru?

Jeremías 1:8

Jan qhitirus ajjsaramti, nayaw jumampi chict'atäscä jumar imañataqui. Naya Tatituw ucjja arsta” sasa.

Jeremías 15:15

Tatay, jumajj take cuna yattajja, ¡nayat amtasita, ucatsti jutaraquim nayar yanapt'iri! ¡Qhitinacatejj nayaru arcnakapquitu, ucanacarusti catjaraquim! Jan jupanacatjja qhuyapt'ayasimti, nayarusti jiwjjam saraquita; amuyamaya, juma laycuw jisc'achatas uñjasiracta.

Ezequiel 3:9

Diamantet sipansa juc'ampi ch'ollkhe tucuyäma, kalat sipansa juc'ampi kalarayaraquïma. Jan jupanacarojj ajjsaramti, cunjämtejj uñnakapcani ucarusa jani ajjsaramti, kawkha khoru jakenacäsipcpansa” sasa.

Mateo 10:28

Jan jumanacajj janchir jiwayirirojj ajjsarapjjamti, ucampis almarojj janiw jiwayapcaspati. Qhititï almampiru janchimpiru infiernojj t'unjcaspas ucaru ajjsarapjjam.

Mateo 10:31

Uqhamasti jan ajjsarapjjamti, jumanacajj uca jisc'a jamach'inacat sipanjja wali jila alanïpjjtawa.

Mateo 10:39

Qhititejj jacañap khespiyasiñ munanejja, apt'asiniwa, ucampis qhititejj jacañap naya laycu apt'asinejja, khespiyasiniwa.

Mateo 16:25

Qhititejj jacañap khespiyasiñ munanejja, apt'asiniwa, ucampis qhititejj jacañap naya laycu apt'asinejja, khespiyasiniwa.

Mateo 19:29

Uqhamaraqui take qhitinacatejj jaytanucuni utanacapa, jilanacapa, cullacanacapa, taycapa, awquipa, wawapa uqhamarac orakepsa naya laycu ucanacajja, patac cuti ucqhampwa catokapjjani, uqhamaraqui wiñay jacañampi.

Marcos 10:29

Jesusasti ucjjarojj sänwa: —Khanacwa sapjjsma, qhititejj naya laycu, Diosan arunacap laycuraqui utap jaytanucojja jan ucajj jilapsa, cullacapsa, awcsa, taycsa, wawanacapsa, orakenacapsa,

Marcos 8:35

Qhititejj jacañap khespiyasiñ munqui ucajja apt'asiniwa. Ucampis qhititï naya laycu, Diosan arunacap laycuraqui jacañap apt'asinejja, ucajj khespiyatäniwa.

Juan 14:1

“Jan jumanacajj llaquisipjjamti. Iyawsapjjam Diosaru, nayarus iyawsapjjaraquita.

Juan 14:27

“Samarañwa jaytapjjsma. Nayan samarañajjwa churapjjsma, ucampis janiw nayajj samarañjj churcti cunjämtejj acapachajj churqui uqhama. Jan llaquisipjjamti ni ajjsarapjjaraquimsa.

Hechos 9:16

Nayaraquiw juparojj uñachayä kawkha t'akhesiñapatejj naya laycu jupan utjqui uca —sasa.

2 Corintios 12:10

Ucatwa t'uqhasiñanacajjat cusistjja, jisc'achayasitanacajjatsa, pist'ayasiñanacajjatsa, t'akhesitanacajjatsa, jan walt'añanacatsa Cristoncatajj laycu. Cunapachatï t'uqha uñjasta ucqhasti, juc'ampi ch'amanjamaw amuyastjja.

Filipenses 1:29

Cristo laycuw jumanacarojj jupar iyawsañajj churatäpjjtajja, uqhamarac jupa laycu t'akhesiñasa.

Santiago 1:12

Cusisiñaniwa qhititejj yant'anacjja llamp'u chuymampi catokqui ucanacajja. Uca yant'ar atipjas misturinacasti churäwi catokapjjani mä coronar uñtata, uca churäwisti cuntejj Diosajj jupar munirinacaru jacañ churaña arscänjja ucawa.

Santiago 5:11

Jiwasasti: “Cusisiñaniwa” sistanwa qhitinacatejj t'akhesipqui ucanacarojja. Jumanacajj Job chachan llamp'u chuymanïtapatjja ist'apjjtawa, yatipjjaractawa cunjämsa Tatitojj tucuyarojj jupampi lurcatayna ucjja. Tatitojj wali munasiriwa qhuyapayasiriraquiwa.

1 Pedro 3:6

Uqhamaw Sara warmejja Abraham chachaparojj ist'äna: “Tatay” sasa. Jumanacasti jupan wawanacapäpjjtawa, asctejj lurapjjäta, ucatsti janirac cunsa ajjsarapcätati ucapachajja.