1 Pedro 2:23 - Qullan Arunaca

²³ Jan wali arunacampi tokepcän ucqhajja, janiw jupajj jan wali arumpiraqui cutt'aycänti; t'akhesiyapcän ucqhasti, janiw “suyt'am” siscänti, jan ucasti chekaparu taripir Diosaruw catuyänjja.

Aymar Bibliia 1986

²³ Jan wali arunacampi tokepcän ucqhajja, janiw jupajj jan wali arumpiraqui cutt'aycänti; t'akhesiyapcän ucqhasti, janiw “suyt'am” siscänti, jan ucasti chekaparu taripir Diosaruw catuyänjja.

Qullan Arunaka DC

²³ Chuyma usuyir arunakamp tuqipkän ukkhaxa, janiw pachpa arunakamp kutt'aykänti; t'aqhisiyapkän ukanakatakisa, janiw achuskänti, jan ukasti chiqapar taripir Diosaruw katuyasïna.

1 Pedro 2:23 Jak'a apnaqawi uñst'ayäwi

Génesis 18:25

¡Janiw waquiscaspati uqham jan juchanirojja juchaninacampi chica jiwarayañamajja, panpachanis pachpa jucha lurapcaspa uqhama! ¡Jan uc luramti! Jumajj aca mundpachana jach'a juezätawa, ¿janiti chekaparu uñjcäta? —sasa.

Salmos 10:14

Juma pachpaw ñankha k'apisiyir luratanacap uñjtajja, jumaw uñjasctajja, jupanacarusti juchap uñt'ayätawa. Jumaruw jan arjjatirin jakenacajj maqhatjjapjjtam, jumaw wajchanacan yanapiripätajja.

Salmos 31:5

Amparamaruw ajayojj catuysma: Tatay, cheka Diosay, khespiyasiquitaya.

Salmos 37:5

Tatitun amparapar sarnakäwim catuyasim, jupar take chuymamp alcatam, jupasti yanapätamwa.

Salmos 7:11

Diosajj chekapar uñjañamp taripiriwa, take pachan ñankharojj juchañchasqui.

Salmos 96:13

Tatitojj niyaw purisinqui, acapachar sarayiriw jac'achasisinqui, chekapar uñjasaw acapacharojj apnakani, cheka cancañampiw marcanacarojj sarayani.

Isaías 53:7

Chhojjriñchjatänwa, ucampis janiw arsuscänti, janiw mä lacsa arsuscänti; qhariñ ovejar uñtatwa jiwayañatac apapjjäna, jupasti amuquïscänwa, janiw cunsa arsuscänti, cunjämatejj mä ovejajj t'awra yawiratajj jan jachquejj uqhama.

Lucas 23:41

Jiwasajj chekpachansa juchasatjamwa t'akhesisctanjja, ucampis jupajj janiw cuna jan wals lurquiti —sasa.

Lucas 23:46

Ucatwa Jesusajj jach'at art'asïna: —¡Awquiy, amparamaruw ajayojj-jja catuyasjjsma! —sasa. Uc arsusinwa jiwawayjjäna.

Lucas 23:9

Jupasti wal jisct'äna, Jesusasti janiw cuns arscänti.

Hechos 17:31

Diosasti mä uru waquichi, ucüruw cheka cancañampi acapacharojj taripani cawquïr jaktejj jupajj ajllisqui uca toke. Uca jaken chekätapjja, jupar jiwatat jactayasaw take jakenacar khanpach yatiyi.”

Hechos 4:29

Jichhasti Tatay, uñtamay jupanacan ajjsarayañanacapa. Arquirinacamarusti ch'amamay churapjjeta, juman arunacam jan ajjsaras parlapjjañajjataqui.

Hechos 7:59

Estebanajj kalamp c'upjatäcäns ucqhajja, aqham sasaw oracionan mayisïna: “Tatit Jesús, ¡ajayojj catokt'asjjeta!”

Hechos 9:1

Ucchañcamasti Saulojj janiw amuct'cänti Tatitun arquirinacap contra parlañjja —Jiwarayapunïwa —sasa. Ucatwa jilïr sacerdoten ucarojj saräna.

Romanos 2:5

Wali kala chuymanïtawa, janiraquiw uca jan wali luratanacamsa apanucuñ munctati. Ucatpï jichhajj juma pachpataqui uca jan wali luräwinacjja wal montonasctajja, cunürutejj Diosan chekapar taripañ urojj purincani ucürutaqui.

Efesios 6:9

Uqhamarac uywirinaca, jumanacajj uca pachparaqui sum uñjapjjam sirvirinacamarojj, jan ajjsarañanac churasa. Amtasipjjam, jumanacasa, jupanacasa alajjpachanquir Tatitunquirinacäpjjtawa, jupajj janiw jakenacjja yakha yakha uñjquiti.

2 Tesalonicenses 1:5

Acajj uñacht'ayistuwa Diosajj chekapätapa uñjäwipanjja, jumanacaru Diosan marcapar mantayañataqui asquit uñt'asina, ucataracwa t'akhesisipctajja.

2 Timoteo 1:12

Ucatwa take acanacjja t'akhestjja. Ucampis acatjj janiw p'enkascti, nayajj yattwa qhitirutejj iyawscta uca, yatiractwa jupajj ch'amanïtapa qhä urucama nayaru cuntejj catuyquitu uc imañataquejja.

2 Timoteo 4:8

Jichhajj suma coronaw suyasquitu, qhä urunwa chekapar uñjir Tatitojj churitani, cawquïritejj chekap taripirïqui ucajja. Janiw naya saparuquiti churquitani, jan ucasti take qhitinacatejj munasiñampi Tatitun jutañap suyt'asipqui ucanacarojj churaraquiniwa.

Hebreos 12:3

Jumanacajj amuyapjjam Jesusana uñacht'äwipatjja, juchararanacan amparanacapanwa jupajj wal t'akhesïna. Uca laycu, janipun karjasipjjamti ni pächasipjjamsa.

1 Pedro 3:9

Jan ñankhat ñankhjja cutt'ayapjjamti, ni jan wali arut jan wali arsa cutt'ayapjjaraquimti. Jan ucasti asqui arumpi cutt'ayapjjam, Diosasti bendición catokapjjañamataquiw jumanacarojj jawsapjjtam.

1 Pedro 4:19

Uqhamajja, Diosan munañaparjam t'akhesirinacajja, asquinac lurasipcañapaquiwa, Diosaruraquiw almanacapsa catuyasipjjañapa, qhititejj jiwasar lurirïqui ucaru, jupasti chekaparaquiwa.

Apocalipsis 19:11

Ucatsti alajjpacha jist'arata uñjta, mä jank'o caballoraquiw uñstanïna. Uca caballor lat'jjatat jakesti, Cheka, Asqui sataraquïnwa. Jupasti cheka cancañampiw take cunsa apnake, nuwasiraquisa.