1 Pedro 1:8 - Qullan Arunaca

⁸ Jumanacajj jan uñjapcsta ucasa, Jesucristorojj munapjjtawa, uqhama jan uñjcasasa iyawsapjjaractawa, waliraqui cusisipjjtajja. Uca jach'a cusisiñanacamasti janiw arunacampi arsuñjamäquiti,

Aymar Bibliia 1986

⁸ Jumanacajj jan uñjapcsta ucasa, Jesucristorojj munapjjtawa, uqhama jan uñjcasasa iyawsapjjaractawa, waliraqui cusisipjjtajja. Uca jach'a cusisiñanacamasti janiw arunacampi arsuñjamäquiti,

Qullan Arunaka DC

⁸ Jumanakax Jesucristor jan uñjkasas, juparux munapxtawa, jichhasa, jan uñjkas iyawsasin walrak kusisipxtaxa. Uka jach'a kusisiñanakamasti janiw arunakamp arsuñjamäkiti,

1 Pedro 1:8 Jak'a apnaqawi uñst'ayäwi

Cantar de los cantares 1:7

Munatajjay sitaya, ¿cawqhansa tamanacam awattajja? ¿Cawqharusa cheka urojja samart'ayirejj anaktajja? Yatiyitaya yakha awatirinac taypin jumar jan thakhascañajjataqui.

Cantar de los cantares 5:16

parlatapasti mojjsa arunacawa. ¡Jupasti sinti muncañawa! Jerusalenanquir warminaca, uqhamaw nayan munatajjajja, uqhamaw nayan munirejjajja.

Cantar de los cantares 5:9

¡Take warminacat sipansa wali muncaña! ¿Cuna wali sumaraqui munatamana utjisti mayninacat sipansti? ¿Cunatarac arsutanacajj phokhayañ munapjjestasti? ¿Cuna wali sumaraqui munatamana utjisti mayninacat sipansti?

Mateo 10:37

“Qhititejj awquiparu, taycaparu nayat sipan juc'ampi munqui ucajja, janiw nayatacjamäquiti. Qhititejj yokaparu uqhamarac phuchaparu sinti munqui nayat sipanjja ucajja, janiw nayatacjamäcaraquiti.

Juan 14:15

“Jumanacatejj munapjjchistajja, camachinacajj phokhapjjam.

Juan 14:21

Qhititejj camachinacajj yatquejja, uqhamarac phokcaraqui ucajja, uñacht'ayiwa chekpach nayar munatapa. Awquejjasti munasiraquiniwa qhititejj nayar munasquitu ucarojja, nayasti juparojj munasiraquïwa, ucatsti uñacht'ayasiraquïwa.”

Juan 14:24

Qhititejj jan munquitu ucajja, cuntejj nayajj sisctjja ucjja janiw lurquiti. Aca arunac ist'apcta ucajja janiw nayan arunacajjäquiti, jan ucasti qhitanquitu uca Awquejjan arunacapawa.

Juan 16:22

Uca pachparaquiw jumanacajj jichhajj llaquisipjjta; ucampis nayajj wasitampiw cutt'anis uñjapjjäma, ucqhawa jumanacajj wal chuymanacaman cusisipjjäta, uca cusisiñsti janiw qhitis apakapcätamti.

Juan 20:29

Jesusasti juparojj sänwa: —Tomás, jichhajj jumajj uñjatam laycuw iyawstajja. Cusisiñanïpjjewa jan uñjcas iyawsirinacajja —sasa.

Juan 8:42

Jesusajj jupanacarojj sänwa: —Chekpachan Diosajj awquimäspa ucajja, jumanacajj munapjjetasmawa, nayasti Diosatwa jutta ucatwa acancaractjja. Janiw nayajj munañajjatti jutctjja, jan ucasti Diosaw nayaru qhitanitu.

Hechos 16:34

Uca khepatsti Pablompir Silasampir utapar irpasinwa mank'ayäna. Jupamp familiapampisti Diosar iyawsapjjatapatjja, wal cusisipjjäna.

Romanos 14:17

Diosan reinopajj janiw mank'añäquis ni umañäquisa, jan ucasti cheka sarnakaña, cusisiña, sumancaña Kollan Ajayu toke ucawa.

Romanos 15:13

Uca suyt'añ churiri Diosajja, cusisiñampi, sumancañampi jumanacar phokhantpan juparu iyawsapjjatam laycu, uqhamat uca suyt'añanjja phokt'atäpjjañamataqui Kollan Ajayun ch'amap toke.

1 Corintios 16:22

Qhititejj jan Tatit Jesucristor muncchejja, maldecitäpan. ¡Nanacan Tatitojja, jutam!

2 Corintios 1:22

Mä sellompjamaraquiw jiwasanacarojj chimpt'istu, chuymasarusti Kollan Ajayu ucharaquistu, cuntejj churapjjämaw sisquistu uc catokañajj phokhasiñapataqui.

2 Corintios 12:4

paraisor apatänwa, ucatsti muspharcañ arunacaraquiw aca jakerojj satänjja, uca arunacsti janiw qhitirus “arsum” satäquiti.

2 Corintios 4:18

Janiraquiw jiwasajj cuntejj uñjctan ucar chuymjja churctanti, jan ucasti cuntejj jan uñjctan ucaruwa catuyasipjjtanjja. Cunatejj uñjasqui ucanacasti tucusiriquiwa, ucampis jan uñjasqui ucanacasti janiw tucusirïquiti jan ucasti wiñayataquiwa.

2 Corintios 5:7

Iyawsäwi laycuraquiw sarnakasctanjja, janiw uñjatas laycuti.

2 Corintios 9:15

¡Yuspagaratäpan Diosajja! ¡Jiwasarojj mä jach'a churäwi churistojja, ucasti jan amuyt'cayawa!

Gálatas 5:22

Ucampis Kollan Ajayun luräwipajja acanacawa: munasiña, cusisiña, samaraña, llamp'u chuymanïña, takempis sumancaña, qhuyapayasirïña, take cunansa phokherïña,

Gálatas 5:6

Jiwasanacatejj Cristo Jesusampi mayaquïstanjja, janiw cunataquis asquïquiti circuncisión lurayasiñasa jan lurayasiñasa. Ucampis iyawsañanïñäni ucaw juc'amp asquejja, aca iyawsañasti munasiñanwa jacayaraquistani.

Efesios 3:19

Mayiractwa, Criston uca munasiñap uñt'apjjañamataqui uca munasiñapajj take cuntejj uñt'ctan ucat sipansa sinti jach'awa jan tucusquiriraquiwa, uqhamat Diosampi phokhantatäpjjañamataqui.

Efesios 6:24

Diosajj bendispan qhitinacatejj Tatit Jesucristosaru jan pächasisa munapqui ucanacarusa.

Filipenses 1:25

Nayajj yatistwa jacascañajja jumanacar yanapt'añataqui, ucat jumanacan juc'ampi cusisiñajj utjañapataqui iyawsañanacamana.

Filipenses 3:3

Cheka circuncidatanacajj jiwasanacätanwa, qhitinacatejj Diosarojj Ajayun yupaychapctan ucanaca. Cristo Jesusancjjasinjja cusisiractanwa, cuntejj janchin lurasqui ucanacarojj janiraquiw iyawscjjtanti.

Filipenses 4:4

Tatituncasajj cusisitäpjjapunim take urunacana. Wasitat sapjjsma, cusisipjjam.

Hebreos 11:1

Iyawsañajja: “Catokäwa” sas take chuymampi suyt'ctans ucawa, uqhamarac chekpachapuni iyawsañasa cuntejj jan uñjtan ucajj chekätapa.

Hebreos 11:27

Iyawsäwi laycuraquiw Moisesajj sarjjäna Egipto marcatsa, reyin colerasiñapar jan ajjsarasa, cuntejj amtcatayna ucjja janiw chhaktayascänti, jan uñjcañ Diosarojj uñjcaspas uqhama.

1 Pedro 1:6

Ucatwa jumanacajj wali cusisita sarnakasipjjtajja, inas waquisiracchi mä juc'a pacha cunayman yant'anacan t'akhesipjjañama ucasa.

1 Pedro 2:7

Jumanaca, qhitinacatejj iyawsapcta ucanacataquejj uca kalajj wali jila alaniwa; ucampis jan iyawsirinacataquejj, cunatejj Diosan arupajj sisqui ucaw phokhasiscaraqui: “Uta luririnacan apanucut kalajj, mä suma esquin kalaw tucuwayjje” sasa.

1 Pedro 5:4

Uqhamata cunapachatejj awatirinacan jach'a jilïripajj uñstanjjan ucqhajja, jumanacajj mä suma churäwi catokapjjäta, janiw uca pankaranacat lursutäquis uca coronjamti, jan ucasti wiñay corona.