1 Pedro 1:6 - Qullan Arunaca

⁶ Ucatwa jumanacajj wali cusisita sarnakasipjjtajja, inas waquisiracchi mä juc'a pacha cunayman yant'anacan t'akhesipjjañama ucasa.

Aymar Bibliia 1986

⁶ Ucatwa jumanacajj wali cusisita sarnakasipjjtajja, inas waquisiracchi mä juc'a pacha cunayman yant'anacan t'akhesipjjañama ucasa.

Qullan Arunaka DC

⁶ Inas mä juk'a pacha kunayman yant'anakan t'aqhisipxañam wakisirakchi, ukampis jumanakax wal kusisipxam.

1 Pedro 1:6 Jak'a apnaqawi uñst'ayäwi

Salmos 119:28

Jach'a jachañan uñjasta, arsutanacamampiy chuymacht'ita.

Salmos 119:75

Tatay, arsutanacamajj chekapawa, ucarjamaw nayarojj t'akhesiyista.

Salmos 34:19

Asqui jakejj jan walinacamp t'akhescchi ucasa, Tatituw take ucanacat waysu;

Salmos 35:10

Takpach chuymajjampiw arsü: “Tatay, ¿qhitirac jumjam utjisti?, munañan jaket jan yäkat jaker arjjattajja, ch'am apjir jaket jan cunan jakeruw khespiytajja.”

Salmos 69:20

Jaken toketanacapajj chuymajjaruw t'unanti, jan ch'amanipuniw uñjasta. Qhuyapayasiñ suyta, ucasti janiw jicjjatayasquituti, chuymachirinac suyta, jupanacarusti janiw jicjjatcti.

Salmos 9:14

Uqhamat jumar jach'añchäma, khespiyatamatsti Sión puncunacan cusisï.

Salmos 95:1

Jutapjjam, Tatitur k'ochupjjañäni, arjjatir khespiyirisar cusisit jayllipjjañäni;

Isaías 61:10

“¡Tatituncjjasinjja cunjsa cusistjja! Diosajjancatajjatsti cusisiñan phokt'atätwa nayar khespiyatap laycu, atipjañsa churatap laycuraqui. Cunjämatejj mä casarasir waynajj coronap uchasejj uqhamätwa, jan ucajj cunjämatejj mä casarasir tawakojj c'achacht'asejj uqhamätwa.

Isaías 61:3

Sión kolluna llact'atanacarojj khella lanti mä corona churañataqui, jachañ lantsti suma k'apquir cusisiñ kollanaca, chuyma cawcst'ata sarnakaña lantsti, yupaychañ k'ochunaca. ‘Atipt'iri roble kokanaca’ sasaw sutichapjjaraquïtam, pachpa Tatitun ayrutanaca c'ajquir cancañapa uñacht'ayañataqui.

Mateo 11:28

Nayar jutapjjam take karjatanaca jatjatanaca, nayaw samarayapjjäma.

Mateo 26:37

Jupasti Pedrompiru, Zebedeon pani yokanacapampiruw irparaquïna, ucansti wali llact'ataw jicjjatasïna, t'akhesiraquïnwa.

Mateo 5:12

Cusisitaqui jacasipjjam, jumanacasti alajjpach marcanjja churäwinac catokapjjäta. Uqhamaracwa nayra profetanacarojj uñisipjjerïna, qhitinacatejj jumanacat nayrakata jacawayapjjäna ucanacarojja.

Lucas 1:47

Chuymajjasti Khespiyir Tatitu Diosajjan cusisi.

Lucas 10:20

Ucampis jan cusisipjjamti ñankha ajayunacan jumanacar jaysapjjatam laycojja, jan ucasti cusisipjjam sutinacamajj alajjpachan kellkatätapata —sasa.

Lucas 2:10

Angelasti jupanacarojj sänwa: —Jan ajjsarapjjamti, suma yatiyäwinac apanta, acasti take marcpachataqui wali cusisiñäniwa.

Juan 16:22

Uca pachparaquiw jumanacajj jichhajj llaquisipjjta; ucampis nayajj wasitampiw cutt'anis uñjapjjäma, ucqhawa jumanacajj wal chuymanacaman cusisipjjäta, uca cusisiñsti janiw qhitis apakapcätamti.

Juan 16:33

Acjj sapjjsmawa jumanacajj samarañ jicjjatapjjañamataqui nayaru iyawsatanacam laycu. Acapachanjja jumanacajj t'akhesipjjätawa, ucampis ch'am catjjatapjjam, nayajj acapacharojj atipjtwa —sasa.

Hechos 14:22

Uca marcanacansti Tatitur iyawsirinacarojj ch'amañcht'apjjänwa. Sapjjaraquïnwa: “Tatitur iyawsañanacamanjja ch'aman sayt'apjjam. Diosan marcapar mantañataquejja, t'akhesiñajj waquisipuniwa” sasa.

Romanos 12:12

Suyt'añanjja cusisitaquïpjjam; t'akhesiñanaca utjipanjja llamp'u chuymanïpjjaraquim. Janirac Diosat oracionan mayisiñjja armasipjjamti.

Romanos 5:11

Janiw ucaquïcaraquiti jan ucasti Diosancjjasinjja cusisiractanwa Jesucristo toke, Tatit Jesucristos tokew Diosampejj sumancthapitäjjtanjja.

Romanos 5:2

Cristo tokeraquiw jiwasanacajj Diosarojj jac'achastanjja, iyawsäwi laycu jupat bendiciona catokañataqui. Uca bendicionansti takeniw ch'amani sayt'atätanjja, Diosan marcaparu mantañataqui suyt'äwinsti cusisitätanwa.

Romanos 9:2

Jach'a llaquisiñaw utjitu, chuymajjansti walrac jachascta,

2 Corintios 4:17

Cuntejj aca oraken t'akhesipctan ucanacajj janiw cunäquisa, tucusiriquiwa. Ucat sipan mä jach'a asqui jilarquirir wiñay cusisiñwa apaniraquejja.

2 Corintios 6:10

Llact'atäpcta ucasa, cusisitaquipunïsipctwa; jan cunanïpcta ucasa, waljaniruraquiw kamiriptayapjjtjja; janis cunanïpctsa ucampis janiw cunas pist'apcaraquituti.

Gálatas 5:22

Ucampis Kollan Ajayun luräwipajja acanacawa: munasiña, cusisiña, samaraña, llamp'u chuymanïña, takempis sumancaña, qhuyapayasirïña, take cunansa phokherïña,

Filipenses 2:26

Jupasti take jumanacarojj walpun uñjañ munapjjtam, llaquisiscaraquiwa jumanacajj jupan usuntatap yatipjjatam laycu.

Filipenses 3:3

Cheka circuncidatanacajj jiwasanacätanwa, qhitinacatejj Diosarojj Ajayun yupaychapctan ucanaca. Cristo Jesusancjjasinjja cusisiractanwa, cuntejj janchin lurasqui ucanacarojj janiraquiw iyawscjjtanti.

Filipenses 4:4

Tatituncasajj cusisitäpjjapunim take urunacana. Wasitat sapjjsma, cusisipjjam.

1 Tesalonicenses 1:6

Jumanacajj nanacaru uñtasaw sarnakapjjta, uqhamarac Tatituru uñtasa. Ucatsti Kollan Ajayojj churapctam uca cusisiñampiw Tatitun arunacapjja catokapjjta, jach'a t'akhesiñanacsa catokapcsta ucasa.

Santiago 1:2

Jilatanacajja, jumanacajj wali c'uchiquïpjjañamawa cunapachatejj cunaymani yant'anac pasapcta ucapachajja.

Santiago 1:9

Cawquïr jilatatejj menosancchi ucajja cusisiñapawa, Diosasti juparojj jach'aruw aptani.

Santiago 4:9

Llacthapisipjjam, jachapjjam, wararipjjaraquim. Larutanacamjja jachañarquipstayapjjam, cusisiñanacamsti llaquisiñaru cutiquipstayapjjaraquim.

1 Pedro 3:17

Juc'amp sumaw asqui lurasin t'akhesiñajja, Diosatejj munchi ucajja, ñankha luräwinac toke t'akhesiñat sipansa.

1 Pedro 4:7

Take cunan tucusiñapajj jac'anquiwa, ucatpï jumanacajj wali amuyt'ampi sarnakapjjañamajja, uqhamarac oracionsa jan jaytas lurapjjañamajja.

1 Pedro 5:10

Ucampis uca mä juc'a urunacana t'akhesipjjatama pasjjepansti, Diosajj jumanacarojj sumwa tucuyapjjätam, sum sayt'ayapjjaraquïtam. Uca Diosasti qhititejj take bendicionanac churquistu ucawa, uqhamarus Jesucristompi chicäñasataquiraquiwa jawsistu wiñayataqui.

1 Samuel 2:1

Anasti aca oración luraraqui: “Tatitu, nayasti take chuymaw juman cusista, jumajj nayar ch'ama churatamata. Jichhacuchapï uñisirinacajjatjja arsusïjja, jumaw nayarojj yanapt'ista uca laycu. ¡Wali cusisitätwa!