1 Pedro 1:10 - Qullan Arunaca

¹⁰ Aca khespiyasiñjjatsti, nayra profetanacajj wali sumwa yatjjatapjjäna, uqhamarac cuntejj Diosajj qhuyapayasiñapanjja jumanacar churcanejja uca tokenacatsa parlapjjaraquïna.

Aymar Bibliia 1986

¹⁰ Aca khespiyasiñjjatsti, nayra profetanacajj wali sumwa yatjjatapjjäna, uqhamarac cuntejj Diosajj qhuyapayasiñapanjja jumanacar churcanejja uca tokenacatsa parlapjjaraquïna.

Qullan Arunaka DC

¹⁰ Nayra profetanakasti aka qhispiyasiñat wali sum yatxatapxäna, kuntix Tatitux khuyapayasiñapan jumanakar churkani ukanakat parlapxarakïna.

1 Pedro 1:10 Jak'a apnaqawi uñst'ayäwi

Génesis 49:10

Janiw qhitis Judärojj ch'amapjja apakañ puedcaniti, cuna varatejj amparapancqui ucsa janiw apakcaraquispati, uca varan dueñopa jutañapcama, qhitirutejj marcanacajj jaysapcani ucqhacama.

Proverbios 2:4

kollkerjama, jila alani imat yänacarjama, thakaraquïta ucqhajja,

Daniel (hebreo) 2:44

Uca reyinacan apnakañapcamasti, alajjpachanquiri Diosajj mä yakha reino sayt'ayaraquini, uca reinosti janipuniw tucjatäcaniti ni apnakatäcaraquinisa yakha marcanacampejja, jan ucasti jupaw take yakha reinonacarojj tucjani, wiñayan wiñayapaw uca reinojj utjaraquini.

Daniel (hebreo) 9:3

Ucatsti nayajj Tatitu Diosaruw mayisiscaraquïyäta, juparuw achict'asiraquïyäta, ayunasina, chhanqha isinacampi isthapisisa, khellaru kont'asisaraqui.

Hageo 2:7

Take marcanacwa qhathatiyaraquëjja, ucatsti kamir cancañanacapwa apanipjjani, nayan utajjasti c'ajquiriraquïniwa.” Take ch'amani Tatituw acjja arsta:

Zacarías 6:12

Saraquïtawa: ‘Take ch'amani Tatitojja arsuwa Machak Cülli sutini chachatjja, ucasti quipca saphinacapat alsusina Tatitun templopa sayt'ayanejja.

Mateo 13:17

Khanacwa sapjjsma, walja profetanacaw, walja asqui jakenacaraquiw aqham uñjañ munapjjäna cuntejj jumanacajj uñjapctas ucanacjja, ucampis jupanacajj janiw uñjapcänti, ist'añ munasinsa janiraquiw ist'apcänsa.

Mateo 26:24

Jaken Yokapajj cunjämatejj Kellkatäqui uqhamarjamaw phokhasqui, ucampis ¡wali llaccañaw qhititejj Jaken Yokaparu catuntayqui ucataquejja! Walïsapänwa uca jaken jan naciñapajja —sasa.

Lucas 10:24

Sapjjsmawa, walja profetanacampi uqhamarac reyinacampiw acanac uñjapctas uc uñjañjja munapjjäna, ucampis janiw uñjapcänti; uqhamarac cuntï jumanacajj ist'apctas ucsa ist'añ munapjjäna, ucampis janiw ist'apcaraquïnti —sasa.

Lucas 24:44

Ucjjaruw saraquïna: —Cunatejj nayamp lurasqui ucajj cunatejj jumanacampïsin sapcäyäsma ucawa: Phokhasiñapänwa take cunatejj naya toketjj kellkatäqui Moisesan leyipana, profetanacan libronacapana, uqhamarac Salmonacansa ucanacajja.

Juan 5:39

Jumanacajj Kellkatanacjj take amuyumpiw leepjjtajja, uca Kellkatanacan wiñay jacaña jicjjatañ amuyasina; ucampis Kellkatanacajj nayjjataracwa parli.

Juan 7:52

Juparusti sapjjaraquïnwa: —¿Jumajj Galileanquiriraquïtati? Kellkatanac uñjjatam, ucatpï yatïtajja jan qhiti profetas Galileat jutatapjja —sasa.

Hechos 10:43

Take profetanacaraquiw uca Jesusjjat parlapjjäna: Take qhitinacatejj jupar iyawsapqui ucanacajj jupan sutip laycuw juchanacapat perdón catokapjjani —sasa.

Hechos 17:11

Uca marcanquir judionacasti juc'amp suma chuymanïpjjänwa, Tesalonicanquir judionacat sipansa. Jupanacasti take chuymaw Pablompir Silasampirojj isch'uquipjjäna. Sapüruraquiw Kellkatanacsa yatjjatapjjäna —Uca arunacajj ¿chekapunïpachati janicha? —sasa.

Hechos 28:23

Uqham sasinsti mä urutaquiw tantacht'asiñjja amtapjjäna. Ucürusti walja jakenacaraquiw jutapjjäna, cawqhantejj Pablojj korpachascäns uca utaru. Alwat jayp'ucamaraquiw jupajj Diosan reinopat jupanacarojj parläna. Moisesan leyinacap toketa, uqhamarac profetanacan kellkatanacapampita Jesusjjat amuyt'ayañ munäna.

Hechos 7:52

¿Cawquïr profetanacarus awquinacamajj jan t'akhesiyapcänjja? Ucatsipana mayni asqui jaken jutañapat yatiyirinacarusa jiwayapjjaraquïnwa. Jichhasti jup jutjjepanjja, jumanacajj juparojj catuntasinwa jiwayapjjaractajja.

Hebreos 11:13

Take uca jakenacajj cuntejj Diosajj churañatac arsuwaycäna uc jan catokasaw jiwarapjje, ucampis iyawsañanïpjjatap laycojj jayatac uñtapjjäna. Uqhamatwa yatiyapjjäna acapachana sarir jakenacäpjjatapa.

Hebreos 11:40

Jupasti juc'amp sumwa waquichäna, jiwasanacat amtasisina, jupanacan suma k'omäpjjañapataqui jiwasanacamp chicätap laycu.

1 Pedro 1:11

Jesucriston Ajayuparaquiw profetanacarojj yatiyäna nayratpacha Criston t'akhesiñapjjatjja, uqhamarac cuna jach'a cancañatejj uca khepatsa jutcani ucjjatsa. Uca profetanacasti yatjjatañwa munapjjaraquïna qhitïnisa uca jakejja, uqhamarac cunapachänisa ucajj uca toketa, cunjämtï Ajayojj siscäna uqhamarjama.

1 Pedro 1:13

Ucatpï jilatanaca, jumanacajj wali amuyt'asipjjam cuntï lurapcäta ucanacatjja, uqhamarac mä suma jacañan sarnakapjjaraquim. Take chuymaraqui suyt'apjjam cuntejj Diosajj qhuyapayasiñapanjja jumanacar churañataqui waquichasqui Jesucristojj jutcani ucqhajja.