1 Juan 3:5 - Qullan Arunaca

⁵ Jumanacajj yatipjjtawa Tatit Jesucristojj jutiwa aca orakeru juchanacas k'omachañataqui, jupanjj janiraquiw cuna juchas utjquiti.

Aymar Bibliia 1986

⁵ Jumanacajj yatipjjtawa Tatit Jesucristojj jutiwa aca orakeru juchanacas k'omachañataqui, jupanjj janiraquiw cuna juchas utjquiti.

Qullan Arunaka DC

⁵ Jumanakax niyaw yatipxta, Jesucristox juchanak q'umachiriw akapacharux juti, jupansti janiw kuna juchas utjkiti.

1 Juan 3:5 Jak'a apnaqawi uñst'ayäwi

Oseas 14:2

Tatitur cuttanjjapjjam, aqham mayt'asisa: “Perdonapjjet take ñankha luratanacajjata, suma chuymampirac catokapjjeta, nanacan jumaru yupaychatanacajj-jja.

Mateo 1:21

Mariajj mä yokall wawa wawachasini, JESÚS sasaw suticharaquïta, juparaquiw marcaparojj juchapat khespiyani” sasa.

Lucas 23:41

Jiwasajj chekpachansa juchasatjamwa t'akhesisctanjja, ucampis jupajj janiw cuna jan wals lurquiti —sasa.

Lucas 23:47

Cunapachatï romano capitanajj uqham uñjän ucqhajja, Diosaruw yupaychäna: —Chekpachansa aca jakejj janiw juchanïcänti —sasa.

Juan 1:29

Khepürusti Juanajj Jesusaruw uñjäna, jupar jac'achasisinquiri, ucatsti sänwa: “Uñtapjjam, acawa Diosan Corderopajja, acapachan juchap k'omachirejja.

Juan 1:31

Naya pachpawa jan yatcäyätti qhitïtapsa, ucampis nayajj juttwa umampi bautisasina Israel marcajj uca Jesusar uñt'añapataqui.”

Juan 14:30

“Janiw jumanacampi juc'ampi parlcjjäti, acapacha apnakqui ucasti niya jutiwa. Ucampis janiw cuna ch'amanïquisa nayataquejja.

Juan 8:46

¿Qhitis jumanac taypit juchajj uñacht'ayitaspa? Cunatejj chekäqui uc nayajj arstjja, ¿cunats jan iyawsapjjesta?

2 Corintios 5:21

Cristojj janiw cuna juchsa lurcänti, ucampis Diosajj juparojj mä juchan jakerjamaw uñjäna jiwasanac laycu, jiwasajj Cristomp chicäjjatas laycojj mä chekap jacañanëjjañasataqui, cunjämtï Diosajj jacañas munqui uqhama.

1 Timoteo 1:15

Acajj chekawa, takeniw acjj iyawsapjjañapa: Cristo Jesusajj aca orakerojj juchararanacar khespiyiriw juti, ucanacatsti nayaw nayrïrïtjja.

1 Timoteo 3:16

Janiw Diosar arcäwisana imantatäqui ucatjja payachasiñajj utjquiti, ucasti wali jach'awa: Diosajj jaker tucusaw uñstawayi; jupajj Ajayunsa asquit khanañchataraquiwa, angelanacansa uñjataraquiwa. Marcanacarojj yatiyatawa, aca orakpachanjja iyawsataraqui, alajjpachansa catokataraqui.

Tito 2:14

Jupawa jiwas laycu jiwawayi jan walinacat jiwasar khespiyañataqui, k'omachañataqui, uqhamata jupancañataqui jan karjasisa asqui lurañasataqui.

Hebreos 1:3

Jupawa Diosan jach'a c'ajquir khanapajja, juparaquiw cunäquitejj Diosajj uc uñacht'ayirejja, juparaquiw ch'aman arupampejj take cuns catjjäsi. Juchanacasat k'omachasinjja, alajjpachanjja Diosan tronopan cupëjjaparuw kont'asi.

Hebreos 4:15

Jiwasan uca jach'a jilïr sacerdotesasti qhuyapt'ayasistaspawa t'uqha cancañasanjja, jupa quicparaquiw take casta yant'anaca jiwasjama t'akhesiwayi, ucampis jan juchar purisa.

Hebreos 7:26

Uqhamapï Jesusajj cuna jilïri sacerdottejj suycäyätan ucajja. Jupajj kollanawa, jan juchaniraquiwa, juchaninacats jithektata, alajjpachats juc'amp alayar aptataraqui.

Hebreos 9:26

Uqhamäsapän ucajja walja cutiraquiw jiwañapäsapänjja aca orake kalltatpachjja. Jichhajj take uca urunac phokhasisquipanjja, Cristojj mä sapa cutiquiw pacha tucuyar uñstani, jupapachparaquiw mä sacrificio loktasiwayi take juchanac apakañataqui.

Hebreos 9:28

Uqhamaraquiw Cristojj mä cutiqui sacrificionjj loktasïna waljanin juchapa apakañataqui. Ucatsti khepïrinjja uñstaniraquiniwa, janiw juchanac apakeriti, jan ucasti jupar suyt'irinacar khespiyañataqui.

1 Pedro 1:18

Diosasti jumanacarojj khespiyanipjjtamwa uca ina ch'usa jacaña nayra awquinacamata catokapcta ucata. Jumanacasti sumwa yatipjjaractajja uca khespiyasiñajj janiw tucusir korimpis kollkempis alatäquiti,

1 Pedro 1:20

Cristojj uqham lurañapataquejja, janïra aca orakejj lurasquisa ucqhatpacha waquichatänwa, ucampis janiw uñstcänti, jan ucasti jichhaquiw suma khana uñstjje jumanacataqui.

1 Pedro 2:22

Jupajj janiw cuna juchsa lurcänti, janiraquiw qhitirus cunapachas ñankha lurcänti.

1 Pedro 2:24

Jesucristo quipcaraquiw juchanacasjja pachpa cuerpopjjaru apawayjje, crusan jiwasina, uqhamata jiwasajj jucha lurañar jiwañasataqui, mä suma jacañan jacañasataqui. Jupajj chhojjriñchjatänwa jumanacajj c'umaräpjjañamataqui.

1 Pedro 3:18

Cristo quipcaraquiw juchanacas laycojj jiwäwipanjja t'akhesiwayejja jan mayampitaqui. Jupajj asqui jakënwa, ucampis jiwasan jan walïtas laycuw t'akhesiwayi, jiwasar Diosar irpañataqui. Janchinaqui jiwatänjja ucampis ajayupanjja jactanjjewa.

1 Juan 1:2

—Aca jacañ Arusti uñstawayiwa, nanacasti uñjapjjaractwa, uca pachpataracwa khanañchapjjta; uqhamarac jumanacarus yatiyanipjjaracsma aca wiñay jacañata, qhititejj Awquimpïscäna ucat jiwasanacar uñstaraquistu ucata —sasa.

1 Juan 1:7

Jiwasatejj khanan jacstan, cunjämatejj Diosajj khanancqui uqhamjja, mayaquïtanwa maynimpi maynimpisa, Jesucristo Yokapan wilapaw take juchanacasat k'omacharaquistu.

1 Juan 2:1

Munat wawanacajja, acanacwa kellkanipjjsma juch jan lurapjjañamataqui. Ucampis cawquïritejj juchañchasqui ucataquejj, utjistuwa mä arjjatirisa alajjpach Awquisan nayrakatapana, ucasti Jesucristowa, jupajj chekawa.

1 Juan 2:2

Tatit Jesucristow jacañap loktasiwayi uca tokew juchanacasajj perdonatäjje, janiw jiwasan juchanacasacti, jan ucasti take aca orakpachan juchanacapa.

1 Juan 2:29

Jumanacajj yatjjapjjtawa Tatit Jesucristojj chekapätapa, yatipjjañamaraquiwa take qhitinacatejj chekapa lurapquejja, ucanacajj Diosan wawanacapawa.

1 Juan 3:8

Qhititejj juchan sarnakqui ucasti Supayanquiwa, Supayasti juchararawa kalltäwitpacha. Diosan Yokapasti Supayan luratanacap t'unjiriwa jutejja.

Apocalipsis 1:5

Diosan cheka testigopa Jesucristotsa catokapjjaraquim bendicionapjja. Uca Jesucristowa jiwatanacat nayrïri jactirejja. Take acapach reyinacjjarus jupajj munañaniraquiwa. Jesucristojj jiwasarojj walwa munistu, juchanacasatsa wilapampiw jarekestu.