1 Juan 2:11 - Qullan Arunaca

¹¹ Ucampis qhititejj jilapar uñisisqui ucajja, ch'amacanwa sarnakasqui. Janiraquiw cawcsar saratapsa yatiscaraquiti ch'amacajj juyqhu tucuyatap laycu.

Aymar Bibliia 1986

¹¹ Ucampis qhititejj jilapar uñisisqui ucajja, ch'amacanwa sarnakasqui. Janiraquiw cawcsar saratapsa yatiscaraquiti ch'amacajj juyqhu tucuyatap laycu.

Qullan Arunaka DC

¹¹ Ukampis khititix jilapar uñisiski ukax ch'amakan jakaski, sarnaqaraki, janirakiw kawksar saratapsa yatiskiti, ch'amakaw juparux juykhu tukuyi.

1 Juan 2:11 Jak'a apnaqawi uñst'ayäwi

2 Samuel 13:22

Absalón jilapasa Amnonarojj janiraquiw cunsa siscänti aca toketjja, Tamar cullacaparu uqham jan wali luratapata wali colercchïna ucasa.

Proverbios 4:19

Ucampis jucha lurir jakenacan sarnakäwinacapasti ch'amacaquiwa; ¡janiw yatisipquiti cunar lanctapjjatapsa!

Eclesiastés 2:14

Yatiñanejja sumwa nayrapampi uñatati, ucampis pisi amuyt'anejja ch'amacanjamwa sarnake. Ucampis amuyaractwa paninpacharusa pachpaquiraquiw suyt'asqui,

Levítico 19:17

“Jan chuymamarojj jilamar uñisiñanacjja imjjäsimti. Cunapachatejj jake masimaru tokenokañajj waquischi ucapachasti tokenokam, janiraqui jupampi chica jucharu purimti.

Juan 12:35

Jesusasti ucjjarojj sänwa: —Mä juc'a urunacaquiw khanajj jumanac taypincani. Sarnakapjjamay khana utjquipanjja, jan ch'amacamp catjayasiñataqui; ch'amacan sarnakeristi janiw cawcsaru saratapsa yatquiti.

Juan 12:40

“Diosajj jupanacarojj juyqhwa tucuyi chuymanacapsa kalarayaraquiwa, jan nayranacapampi uñjapjjañapataqui, ni chuymanacapampis amuyt'apjjañapataqui; jan cuttanisinsa nayampi kollatäñapataqui.”

2 Corintios 3:14

Ucampis jupanacajj janiw amuyapcänti. Jichhas cunapachatï uca nayra arust'äwi leet'asipqui ucqhajja, janiw amuyapquiti. Uca velosti janiw jupanacat apakatäquiti, Cristoquiw uca veljja apakaspa.

2 Corintios 4:4

Cunjämatï jupanacajj jan iyawsapquejja, ucatwa acapach diosajj jupanacan amuyt'anacapjja ch'amact'ayi jan Criston khanquir arunacapa uñjapjjañapataqui, Diosajj cunäquitejj uc uñacht'ayasa.

Tito 3:3

Jiwasajj nayrajj uqham jan amuyt'anïpjjaraquïyätanwa, Diosar jan jaysiri, chhaktata, uqhamarac cunayman jan wali munañanacan esclavopäyätanwa. Ñankha lurañanacana, envidiasiñanacana jacascaraquïyätan uñisita, uqhamaraqui jiwascam uñisisisa.

2 Pedro 1:9

Ucampis qhitintejj acanacajj jan utjqui ucajja, mä juyqhump sasiwa; nayra juchanacapat perdonatätapsa armjjaraquiwa.

1 Juan 1:6

Jiwasatejj sañäni: “Jupampejj mayaquïtanwa” sasajja, ucatsti uqham arscasinjja ch'amacan jacascaracstanjja, c'arïtanwa arsüwisansa, uqhamarac luräwisansa.

1 Juan 2:10

Qhititejj jilapar munasqui ucajja, khananwa jaqui, janiraquiw cunas jucharu tincuycaspati.

1 Juan 2:9

Cawquïritejj: “Khananctwa” sasqui, ucatsti jilapar uñisiscaraqui ucajja ch'amacancasquiwa.

1 Juan 3:15

Take qhititejj jake masipar uñisqui ucajj jake jiwayiriwa. Jumanacajj yatipjjaractawa janiw qhiti jake jiwayirinsa wiñay jacañapajj utjcaspati.

1 Juan 4:20

Ucampis cawquïritejj sejja: “Nayajj Diosarojj muntwa” sasa, ucatsti jilapar uñisiscaraquejja, ucasti c'ariwa. Maynitejj jilapar uñjcasina jan muncchejja, ¿cunjämatsa Diosarojj munaspa jan uñjasajja?

Apocalipsis 3:17

Ucampis jumajj: Kamirïtwa sistawa, waliquïsctwa, take cunan phokt'atätwa saractawa; janiraquiw amuyasctati mä aynacht'ata jan cunanïscatamjja, juyqhuraquïtawa uqhamarus k'alalaraquïtawa.