1 Corintios 7:23 - Qullan Arunaca

²³ Diosaw jumanacarojj jila alampi alasipjjtam. Janipun jakenacan esclavopajj tucupjjamti.

Aymar Bibliia 1986

²³ Diosaw jumanacarojj jila alampi alasipjjtam. Janipun jakenacan esclavopajj tucupjjamti.

Qullan Arunaka DC

²³ Diosaw jumanakarux alasipxtam; janiy yaqha jaqinakan uywataparux tukupxamti.

1 Corintios 7:23 Jak'a apnaqawi uñst'ayäwi

Levítico 25:42

jupanacajj nayan sirvirinacajjätap laycu; nayaw jupanacarojj Egiptot apsunta janiw jupanacajj esclavot aljatäñapäquiti.

Mateo 6:24

“Janiw qhitis pä patronarojj sirvcaspati, maynirojj munaniwa, maynirusti uñisiraquiniwa, jan ucajj maynirojj jach'achaniwa, maynirusti jisc'acharaquiniwa; Diosampiru kollkempirojj janiw qhitis sirvcaspati.

Hechos 20:28

Uqhamasti jumanac quicpa amuyasipjjam, take iyawsirinacarus uñjapjjaraquim. Ucataquiw Kollan Ajayojj Tatitun iglesiap uñjapjjañamataqui ajllipjjtamjja. Tatitusti wilapampiw uca iglesiap alasiwayi.

1 Corintios 6:20

jan ucasti Diosaw jumanacarojj jila alampi alapjjtam. Ucatpï Diosarojj wakaychapjjañamajja janchinacamana, ajayumana ucanacasti Diosancaraquiwa.

Gálatas 2:4

Ucampisa mayni c'ari jilatanacaw nanac taypiru mantanitayna, Jesucristo toke khespiyatäpctsa uc uñakeri, uqhamat wasitampi leyin luräwinacaparu jaysapjjañanacajjataqui.

Tito 2:14

Jupawa jiwas laycu jiwawayi jan walinacat jiwasar khespiyañataqui, k'omachañataqui, uqhamata jupancañataqui jan karjasisa asqui lurañasataqui.

1 Pedro 3:18

Cristo quipcaraquiw juchanacas laycojj jiwäwipanjja t'akhesiwayejja jan mayampitaqui. Jupajj asqui jakënwa, ucampis jiwasan jan walïtas laycuw t'akhesiwayi, jiwasar Diosar irpañataqui. Janchinaqui jiwatänjja ucampis ajayupanjja jactanjjewa.

Apocalipsis 5:9

Mä machak k'ochu k'ochupjjaraquïna: “Jumajj asquïtawa uca libro catuñataqui, sellonacap ch'iyarañataquisa; jumarojj jiwayapjjäyätamwa, ucatsti wilamampiw Diosataqui alapjjestajja, take casta jakenacaru, cunayman parlani jakenacaru jisc'a marcaru, jach'a marcaru.