1 Corintios 6:6 - Qullan Arunaca

⁶ ¿Waquisipuniti mä jilatansti iyawsiri masip contra quejasiñasti qhitinacatejj jan Tatitur uñt'apqui uca juesanacarusti?

Aymar Bibliia 1986

⁶ ¿Waquisipuniti mä jilatansti iyawsiri masip contra quejasiñasti qhitinacatejj jan Tatitur uñt'apqui uca juesanacarusti?

Qullan Arunaka DC

⁶ ¡Janiw jilatanak purak ch'axwapkiti, jan ukasti Cristor jan uñt'ir taripirinakaruw ch'axwanakap yatiyanipxi!

1 Corintios 6:6 Jak'a apnaqawi uñst'ayäwi

Génesis 45:24

Joseasti jilanacapar qhitanucusinjja sänwa: —Jichhajj janiw thaquin jumanaccama ch'ajjwasipcätati —sasa. Jupanacasti sarjjapjjänwa.

Hechos 7:26

Khepürusti Moisesajj pani israelit jakenacaruw nuwasir uñji. Ucatsti jupanacarojj sumancthapiyañ munäna ‘¡Jumanacajj jila puräpjjstajjaya! ¿Cunatrac jumanacpura nuwasipjjtasti?’ sasa.

1 Corintios 6:1

Janiw wal lurapctati cunapachatï jumanac taypita maynejj mayni contra quejasiñ munasina, jan iyawsirïpquis uca juesanacar sari ucqhajja. ¿Janit jumanaccamasti uca queja uñjasipcasma?

1 Corintios 6:7

Jumanac taypin ch'ajjwañanac utjatapampejj k'ala aynacht'atäjjapjjtawa. ¿Cunatsa jan t'akhesipcta jan ch'ajjwasaquejja? Mayninacatejj aparañ munapjjstam ucqhajja: “Apasipjjpan” sapjjamaya.

2 Corintios 6:14

Jan jumanacajj Tatitur jan iyawsirinacampejj chicachasipjjamti, jupanacampi chicachasipjjasmajja, mä ch'ulla ch'ulla yuntar uñtatäpjjasmawa. ¿Cuna lurañaparac utji asquimpi ñankhampisti? Jan ucajj ¿cunjämaraqui khanasti ch'amacampïspasti?

2 Corintios 6:15

¿Cunjämaraqui Cristompi Supayampisti suman sarnakasipjjaspasti? Jan ucajj ¿cunjämaraqui mä iyawsiristi mä jan iyawsirimpejj chicachasispasti?

1 Timoteo 5:8

Maynitejj jupanquirinacatjja jan llaquiscchejja, uqhamarac pachpa familiapar yanapt'añatsa jan llaquiscchi uquïrejja, iyawsäwjja jan uñt'iriwa tucu, mä jan iyawsirits juc'ampiwa.