1 Corintios 6:1 - Qullan Arunaca

¹ Janiw wal lurapctati cunapachatï jumanac taypita maynejj mayni contra quejasiñ munasina, jan iyawsirïpquis uca juesanacar sari ucqhajja. ¿Janit jumanaccamasti uca queja uñjasipcasma?

Aymar Bibliia 1986

¹ Janiw wal lurapctati cunapachatï jumanac taypita maynejj mayni contra quejasiñ munasina, jan iyawsirïpquis uca juesanacar sari ucqhajja. ¿Janit jumanaccamasti uca queja uñjasipcasma?

Qullan Arunaka DC

¹ Kunapachatix jumanak taypit maynix yaqhampi ch'axwankchixa, ¿kamisarak Cristor jan uñt'ir taripirinakar yatiyasir saranisti?, ¿kunatarak Diosan qullan markapankirinakar jan yatiyasisti?

1 Corintios 6:1 Jak'a apnaqawi uñst'ayäwi

Mateo 5:45

Uqhamatwa jumanacajj alajjpachanquir Awquiman wawanacapäpjjätajja. Jupasti takenitaquiw intsa jalsuyani, uqhamarac asqui jakenacataquisa, jan asqui jakenacataquisa jallsa puriyaniraqui.

Hechos 19:38

Ucampis Demetrion cuna quejapas utjchejja, uqhamarac qhitinacatejj jupamp chic irnakapquis ucanacansa, uca queja uñjañataquejj juesanacaw utji. Uca autoridadanacaruw jupanacajj quejasipjjañapa, uqhamat sapa maynis arsusipjjañapataqui.

1 Corintios 1:2

kellkanipjjsma Diosan iglesiapanquir Corinto jilatanacaru. Jumanacasti Diosanquirïpjjaractawa Jesucristompi mayaquïpjjatam laycu. Diosaraquiw jumanacarojj jawsapjjtam Diosar catuyata k'oma jacañan sarnakapjjañamataqui, qhitinacatejj take chekansa Tatit Jesucriston sutipar mayisisa sarnakapqui ucanacampi chica sarnakapjjañamataqui. Uca Jesucristosti take jupanacana, uqhamarac jiwasanacan Tatitusawa.

1 Corintios 14:33

Diosasti janiw alek ch'ajjwañ Diosäquiti, jan ucasti sumancaña Diosawa. Take iglesianacansa jilatanacarojj yatichatawa:

1 Corintios 16:1

Jilatanacataqui ofrenda apthapt'añ toketjja, cunjämtï Galacia provincianquir iglesianacaru yatichanctjja uqhamaraqui jumanacajj lurapjjam.

1 Corintios 16:15

Jichhajj jilatanaca, jumanacajj yatipjjtawa, Estéfanas ucan familiapawa nayrakat Tatitun arunacaparojj iyawsi uca Acaya tokenjja. Jupanacasti jilatanacaru sirviñaruraquiw uchasipjje.

1 Corintios 5:12

Nayarojj janiw wact'quituti ankäjjanquirinacar juchañchañajja; Diosaw ucanacarojj juchañchascani. Ucampis jumanacajj iglesianquirinacarojj juchañchapjjañamawa. Ucatpï uca jucha luririnacarojj jumanac taypitjja alissupjjam sapjjsmajja.

1 Corintios 6:5

Acjja sistwa jumanacaru p'enkachañataqui. ¿Janit jumanac taypinsti mayniquis amuyt'anejj utjqui aca quejanaca jilatanac taypina uñjañataquisti?