1 Corintios 5:9 - Qullan Arunaca

⁹ Pasïrin apayanipcsmas uca cartanjja sapjjsmawa: “Jan uca wachoka jucha luririnacampejj chicachasipjjamti” sasa.

Aymar Bibliia 1986

⁹ Pasïrin apayanipcsmas uca cartanjja sapjjsmawa: “Jan uca wachoka jucha luririnacampejj chicachasipjjamti” sasa.

Qullan Arunaka DC

⁹ Apayanipksma uka maynïr qillqataxan sapxsmawa: “Wachuq jucha luririnakampix jan chikachasipxamti” sasa.

1 Corintios 5:9 Jak'a apnaqawi uñst'ayäwi

Proverbios 9:6

Jaytanucjjapjjam jan amuyt'asis sarnakañanaca, ucatsti jacapjjätawa; ch'iqhi jakenacjama sarnakapjjam” sasa.

1 Corintios 5:10

Ucampejj janiw sapcäyäsmati: “Aca oraken wachoka juch luririnacampi, mich'anacampi, lunthatanacampi, yakha diosanacar yupaychirinacampejj janipuni parlapjjamti” sasajja. Uqhamäspa ucqhajj janiw aca oraken jacañasäcaspati.

1 Corintios 5:2

Uqhamäcasinsa jumanacajj jach'a jach'aw tucupjjtajja. Uqhamïpansti, ucatjj wal llaquisipjjañamawa. Uca lurir jakesti jumanac taypitjja alisnucutäñaparaquiwa.

1 Corintios 5:7

Cawquiritï juchar apapctam uca nayra levaduratjja k'omachasipjjam, uqhamata jumanacajj Pascuan mank'añäquis uca t'ant'jam tucupjjañamataqui. Uca t'ant'asti janiw levaduranïquiti, machak suma jac'ut lurataraquiwa, jumanacasti chekpachansa uqhamäpjjaractawa. Cristoraquiwa jiwas laycu sacrificion jiwawayi, juparaquiwa Pascua Corderosajja.

2 Corintios 6:14

Jan jumanacajj Tatitur jan iyawsirinacampejj chicachasipjjamti, jupanacampi chicachasipjjasmajja, mä ch'ulla ch'ulla yuntar uñtatäpjjasmawa. ¿Cuna lurañaparac utji asquimpi ñankhampisti? Jan ucajj ¿cunjämaraqui khanasti ch'amacampïspasti?

2 Corintios 6:17

Ucatwa Tatitojj saraquejja: “Mistunjjapjjam jupanac taypita, jupanacat jithektapjjaraquim. K'añu lurañanacsti jan lurapjjamti, nayasti jumanacarojj catokjjapjjämawa.

Efesios 5:11

Ch'amacanquirinacan jan cunatac sirviri luräwinacapanjja jan sarnakapjjamti, jan ucasti, uca jan wali luräwinacjja khanaru apsupjjam.

2 Tesalonicenses 3:14

Cawquïrinacatejj aca carta toke sapjjsma ucaru jan yäkcchi ucarojj uñt'apjjam, janirac jupampejj sarnakapjjamti jupa pachpa p'enkasiñapataqui.

2 Tesalonicenses 3:6

Jilatanaca, ewjjt'apjjsmawa Tatit Jesucristosan sutiparu, jithektapjjam cawquïr jilatatejj jan irnakañ munqui ucatjja, uqhamarac cuntejj nanacajj yatichapjjsma ucarjama jan sarnakañ munirinacatjja.