1 Corintios 16:13 - Qullan Arunaca

¹³ Suyapjjapunim, iyawsañanacamansti ch'aman sayt'apjjam, chachjama sarnakapjjam, ch'amañchasipjjaraquim.

Aymar Bibliia 1986

¹³ Suyapjjapunim, iyawsañanacamansti ch'aman sayt'apjjam, chachjama sarnakapjjam, ch'amañchasipjjaraquim.

Qullan Arunaka DC

¹³ Suyapxapunim, iyawsañanakamansti ch'aman sayt'apxam, qamas katxatapxam, ch'amañchasipxarakim.

1 Corintios 16:13 Jak'a apnaqawi uñst'ayäwi

2 Samuel 10:12

Ch'am catjjatam, jan ajjsaramti, marcasar arjjatañ laycusti jan ajjsarasaraquiw nuwasiñäni, Diosasan marcanacapätap laycu. Ucjjarusti Tatituraqui cunatejj jupataquejj sumäqui uc lurpan” sasa.

1 Reyes 2:2

“Nayasti sarjjäwa, cunjämatï take jakenacas aca oraket sarjjapjje uqhama. Jumajj ch'amañchasim, chachjamaraqui sarnakam.

1 Crónicas 19:13

Ch'amañchasim, uqhamarac take chuymaraqui marcas laycu nuwasiñäni, uqhamarac Diosasan marcanacap laycuraqui. ¡Tatitusay lurpan cunjämay jupataqui sumächi uqhamaru!” sasa.

1 Crónicas 28:10

Jichhasti sum amtasim Tatituw jumarojj ajllistam jupataqui mä templo lurayañamataqui, ucaw jupan kollan utapäni. Ucatsti, ¡ch'amañchasim, uqhamarac jichhajj luraraquim!” sasa.

Salmos 27:14

Tatitur takpach chuymamp iyawsam, ch'amañchasim, jan ajjsaramti, ¡Tatitur takpach chuymamp iyawsam!

Salmos 31:24

Tatitur suyt'irinaca, ch'amañchasipjjam, jan ajjsarir chuymanïpjjaraquim.

Isaías 35:4

ajjsaririnacarusti sapjjaraquim: “Ch'amacht'asim, jan ajjsaramti” sasa. “¡Acanquiw Diosamajj jumanacar khespiyañataqui, uñisirinacamarusti juchanacapatjamwa mutuyaraquini!”

Daniel (hebreo) 10:19

ucatsti saraquituwa: ‘Jan ajjsaramti, janirac llaquisimsa. Diosajj jumarojj walwa munastam. Uca laycu sayt'asim, ch'amañcht'asiraquim’ sasa. “Jupajj uqhamaw nayaru parlasquitäna, uqham parlañapcamajja nayajj ch'amaniw amuyasjjäyäta, ucatsti saractwa: ‘Tata, parljjayt'aquita, parlatam ist'asasti nayajj ch'amaniw uñjasjjta’ sasa.

Daniel (hebreo) 11:32

Reyisti, suma koña arunacapampiw qhitinacatejj uca arust'äwi toke sayt'apcän ucanacarojj juparu jakcattayasiñ munani, ucampisa Diosar munir marcajj sumwa sayt'asini, uqhamaraqui uca jan walt'añanaca jutipanjja sayt'asipjjaraquiniwa.

Hageo 2:4

¡Ucampis ch'amacht'asim Zorobabel! ¡Ch'amacht'asiraquim jumas Josué sacerdotenacan jilïripa! Ch'amacht'asipjjaraquim jumanaca aca marcanquir take jakenaca trabajapjjam, nayaw jumanacampïscta. Naya ch'amani Tatituw arsta.

Zacarías 8:13

Jumanacasa, Judá marcasa, Israel marcasa maldecitäpjjänwa yakha marcanac taypinjja. Jichhajj uqhamaracwa nayajj khespiyäjja, bendecitaracwa tucuyaraquëjja. ¡Jan ajjsarapjjamti! ¡Ch'amañchasipjjam!”

Zacarías 8:9

Acsti take ch'amani Tatituw, sejja: “Ch'amañchasipjjam, jumanacajja aca urunacanwa ist'apjjtajja profetanacajj arsuwaycän uca arunaca, take ch'amani Tatitun templopa wasitat sayt'ayjjañataqui cimiento uchantapcäna uca uruta.

Mateo 25:13

“Ucapachaw Jesusajj jupanacarojj sï: Jumanacajj suyapjjapunim, janiw yatipctati cuna horasatejj, jan ucajj cunürutejj jutcani Jaken Yokapajja ucjja.

Mateo 26:41

Jichhajj jan iquipjjamti, jan ucasti Diosatjja mayisipjjamaya, jan yant'äwir puriñataqui. Chekpachansa ajayojj lurañatakejj janc'aquiwa, ucampis janchejj t'uqhawa.

Lucas 21:36

Jumanacajj janc'aquïpjjamaya, uqhamarac orapjjam, take horasana uqhamat take acanac pascani ucat jaltapjjañamataqui, uqhamarac Jaken Yokap nayrakatan uñstapjjañamataquisa.”

1 Corintios 14:20

Jilatanaca, jan wawjam amuyt'asirïpjjamti. Jan ucasti jan walinac lurañataquiqui wawjamäpjjam, ucampis amuyt'asiñ tokensti jach'a jakenacjamäpjjaraquim.

1 Corintios 15:58

Uqhamasti munat jilatanaca, jumanacajj Tatitumpejj sum sayt'asipjjam, janirac sarakapjjamti. Irnakasipcaquim juc'ampi juc'ampi Tatitun luräwipanjja; jumanacajj yatipjjaractawa Tatitumpi mayaqui irnakapjjatamajj janiw inamayäquiti.

2 Corintios 1:24

Janiw nanacajj iyawsañanacamarojj cun sañs munapcsmati, jumanacasti iyawsañanacamanjj suma thurt'atäjjapjjtawa. Uqhamïpansti, yanapt'añ munapjjsma cusisipjjañanacamataqui.

Gálatas 5:1

Cristojj libre sarnakasiñwa churistu, jiwasanacan uqham sarnakasiñasataqui. Jumanacajj ch'amampi uca khespiyat jacañan sarantapjjam, jan wasitampi esclavon jacäwiparu cutt'apjjamti.

Efesios 3:16

Awquirojj maytwa jupan jach'a muspharcañ kamir cancañapat ch'am jumanacar churañapataqui, Diosan Ajayup toke,

Efesios 6:10

Jichhajj jilatanaca, ch'amañchasipjjam Tatitumpi, uqhamarac jach'a ch'amapampisa.

Filipenses 1:27

Take jumanacasti Jesucriston arunacaparjam sarnakapjjam. Nayasti jutcäsa jan ucajj jayanccäsa, yatiñwa munta jumanacatjja suma yatiyäwinaca, ch'amampi sarantasa mä jakjamaqui, uqhamarac khespiyasiña arunacar iyawsäwi laycusti takenisa mayaqui nuwasïwincasasa,

Filipenses 4:1

Ucatpï, munat jilatanaca, jumanacarojj wal uñjañ munapjjsma, jumanacaquïpjjtawa nayan cusisiñajjajja, uqhamarac nayan wajjt'asïwi catocañasa. Nayan munatanacajja, ch'amanipuni Tatitumpejj sarantapjjam.

Filipenses 4:13

Criston ch'amapampejj take cunaruw saycatirista.

Colosenses 1:23

Ucampis acataquejj sum sayt'asipjjañamawa iyawsañanacamanjja, suma saphintataraqui, cuna suyt'äwtï suyt'apcta Diosan arunacap ist'asinjja ucatjja janiw jithektasipjjañamäquiti. Aca khespiyasiñ arunacasti take chekanwa parlasi, naya Pablosti uca parlañanjja yanapasiractwa.

Colosenses 4:12

Epafras jilatasti Criston sirviripawa, jumanaca taypit misturiraquiquiwa, jupasti jumanacarojj aruntanipjjaractamwa. Jupasti jumanacataquejj walipuniw Diosatjj mayisqui jumanacan sum sayt'asipjjañamataqui, uqhamarac Diosan munañap lurañaru suma catuyatäpjjañamataqui.

Colosenses 4:2

Oracionjj lurapjjapunim, suyt'apjjaraquim Diosar yuspagarasa.

1 Tesalonicenses 3:8

Nanacataquejj machak jacäwïcaspas uqhamawa, jumanacan Tatitumpi sum sarantapjjatam yatipjjatanacajjajja.

1 Tesalonicenses 5:6

ucatpï jan icjañasäquitejj mayninacjamajja, jan ucasti p'arjjtatäñasawa take amuyumpi.

2 Tesalonicenses 2:15

Uqhamajj jilatanaca, nayraru sarantasipcaquim cuna yatichäwinactejj naya quipca, uqhamarac carta toke yatichapcsma uca yatichäwinac jan armasisa.

1 Timoteo 6:12

Iyawsäwin suma nuwasiñapan nuwasim, wiñay jacaña jicjjataraquim ucataquiw Diosajj jawstam, iyawsäwin suma arsüwipwa lurawayta takenin uñjcaya.

2 Timoteo 2:1

Jumasti wawajja, Cristo Jesusampi mayaru tucutas laycu bendicionas utjquistu ucampi ch'amañchasim.

2 Timoteo 4:5

Ucampis jumajj take amuyt'añampipuni saram, t'akhesiñanac mutusina, khespiyasiñ arunac parlañaru uchasiraquim, lurañanacamjja sumrac phokham.

2 Timoteo 4:7

Nayajj suma nuwasïwjja nuwastwa, tucuyäwcamaw jalaracta, iyawsañsti janiraquiw chhakaycti.

Josué 1:18

Cawquïri jaketï jan arunacamaru ist'cätam, uqhamaraqui jan jayscaraquïtamsa ucasti jiwaniwa. Nanacasti juman ch'amampi uqhamarac cheka chuymampi sarañamacwa munapjjta —sasa.

Josué 1:9

Nayasti sismawa: Ch'amani sayt'asim, jan ajjsaramti, janirac mayjt'asimsa. Naya Tatitu Diosamaw jumampïscä cawqharutï sarcäta ucqhanacana” sasa.

1 Pedro 4:7

Take cunan tucusiñapajj jac'anquiwa, ucatpï jumanacajj wali amuyt'ampi sarnakapjjañamajja, uqhamarac oracionsa jan jaytas lurapjjañamajja.

1 Pedro 5:8

Wali amuyt'asirïpjjam, janc'aquïpjjaraquim, jumanacar uñisir Supayasti mä leonar uñtataw warart'asisa sarnakasqui qhitiru mank'antañataquisa.

Apocalipsis 16:15

“Amuyasipjjam, nayajj acatjamatwa lunthatar uñtata jutä. Cusisiñanïniw qhititejj suyasqui, uqhamarac isipsa jan k'añuchasquiti ucajja, uqhamata jan k'alala sarnakañapataqui janiraqui jakes uñch'uquiñapataqui mä p'enka k'alalätapjja.”

1 Samuel 4:9

¡Jichhasti jan cunsa ajjsarasay filisteo soldadonaca waquichasipjjam, ucatsti take chuymampiraqui nuwasipjjam, uqhamat jan hebreo jakenacan esclavonacapa tucuñasataqui, cunjämatejj jupanacajj jiwasan esclavosänjja uqhama!” sasaw sapjjäna.