1 Corintios 15:9 - Qullan Arunaca

⁹ Nayajj apostolonacatjja janiw cuna jilïrïctsa, apóstol satäñataquisa janiw asquïcti, Tatitun iglesiapar t'akhesiyirïtajj laycu.

Aymar Bibliia 1986

⁹ Nayajj apostolonacatjja janiw cuna jilïrïctsa, apóstol satäñataquisa janiw asquïcti, Tatitun iglesiapar t'akhesiyirïtajj laycu.

Qullan Arunaka DC

⁹ Nayax apostolunakat sipan jan yäqatakïtwa, janirakiw apóstol satäñatakis askïkti, Diosan iglesiapar arknaqatax layku.

1 Corintios 15:9 Jak'a apnaqawi uñst'ayäwi

Hechos 8:3

Saulosti ucapachajj iyawsirinacarojj wali t'akhesiyasaw arcnakäna utat uta thakasa. Utanacar mantasinsti, chachanac warminacsa catuntasinjja carcelaruw apjjaruyäna.

1 Corintios 10:32

Jan qhitirus lanctayapjjamti, ni judiorusa, jan judiorusa, ni Diosan iglesiapanquirinacarusa.

2 Corintios 11:5

Nayan amuyatajjatjja janiw uca jach'a apostolonacatjja jisc'äcti, cawquïrirutejj jumanacajj arcapcta ucanacatjja.

2 Corintios 12:11

Mä lokher uñtatjamaw parltjja nayapachat jach'achasisajja, ucampis jumanacaw uqham parlayapjjestajja. Jumanacaw nayarojj jach'acht'apjjañamänjja. Nayasti janiw uca jach'a apostolonacatjj menosäcti, janis cuna jan yäkatjamäctsa ucasa.

Gálatas 1:13

Jumanacajj ist'apjjtawa nayajj cunjämäcäyättejj nayrajja, cunapachatejj judionacan religionap arccäyäta ucqhajja. Yatipjjtawa cunja khoru cancañampis nayajj Diosan iglesiapar arcnakäyätjja, uqhamarac tucjañ muncäyäta ucsa.

Gálatas 1:23

Ucampis uca jilatanacajj aqham siric ist'apjjäna: “Cawquïritejj nayrajj jiwayañatac arcnakapquistän ucajja, cuntejj nayrajj tucjañ muncänjja uca pachpa iyawsañ arunac parlasaw sarnakasqui” sasa.

Filipenses 3:6

Diosan iglesiapjja wali ch'amampiw uñisisa arcnakäyäta, leyirjam sum sarnakeriraqui jan qhitins camscaya, jan juchañchcayaraqui.