1 Corintios 15:23 - Qullan Arunaca

²³ Ucampis sapa mayniw horasapar sartani. Cristow nayrakata jactejja nayrakata achur uñtata, ucjjarusti cunapachatejj Cristojj jutcani ucqhajj jupar iyawsirinacaraquiw jactapjjaraquini.

Aymar Bibliia 1986

²³ Ucampis sapa mayniw horasapar sartani. Cristow nayrakata jactejja nayrakata achur uñtata, ucjjarusti cunapachatejj Cristojj jutcani ucqhajj jupar iyawsirinacaraquiw jactapjjaraquini.

Qullan Arunaka DC

²³ Ukampis sapa maynitakiw wakisitarjam lurasini: Cristow nayraqat jakti, nayrïr achur uñtata, ukxarusti kunapachatix Cristox kuttankan ukkhaxa, jupar iyawsirinakaw jaktapxarakini.

1 Corintios 15:23 Jak'a apnaqawi uñst'ayäwi

Isaías 26:19

Ucampisa juman jiwirinacajja jacatatapjjaniwa, jiwat janchinacapas jacatatapjjaraquiniwa. Aca oraken iquirinacasti iquinacapatjja sartapjjaniwa, cusisiñatwa arnakasipjjaraquini. Jumaw khanamjja mä jallu sullar uñtat apayantajja, ucampis jiwatanacajj jacatatapjjaraquiniwa.

Mateo 16:27

Jaken Yokapajj Awquipan jach'a munañapampiw angelanacapampi jutani, ucatwa sapa maynirus luratanacaparjama churjjani.

Mateo 16:28

Khanacwa sapjjsma, acancapctas ucat mä kawkhanejj janiw jiwcaniti Jaken Yokapan take jach'a munañapamp jutañapcamajja —sasa.

Hechos 26:23

“Cristo Tatitojja t'akhesiñapapunïnwa. Jiwasinsti juparaquiw jiwatanacatjja nayrakat jactañapäna. Jactasinsti Diosan khanapata yatiyañaparaquïnwa marcasanquir jakenacaru, uqhamarac yakha marcanquirinacarusa” sasa.

1 Corintios 15:20

Ucampis janiw uqhamäquiti. Chekpachansa Cristojj jiwatanac taypitjja jacatatawayiwa, jupajj nayrakat achücaspas uqhamaraquiw take jiwatanacat jactirinacataquejja.

1 Corintios 15:52

Ucasti mä nayra ch'ipjjtanaquiw lurasiraquini, cunapachatï trompetan khepa phust'asitapajj ist'ascani ucqha. Trompetan phust'asitaparusti jiwatanacaw jactapjjani jan mayampi jiwjjañataqui; jiwasasti yakha cuerponëjjaraquiñäniwa.

1 Corintios 3:23

Jumanacasti Cristoncapjjaractawa, Cristosti Diosancaraquiwa.

1 Corintios 6:14

Cunjämtï Diosajj Cristo Tatituru jactayqui uqhamaracwa jiwasarojj ch'amapampejj jactayistani.

2 Corintios 10:7

Jumanacajj uñnakatacwa amuyasipjjtajja. Maynitejj chuymapan Cristoncatap amuyaschi ucqhajja, amuyañaparaquiwa nanacajj jupjamaraqui Cristoncapjjatanacajja.

Gálatas 3:29

Jumanacatejj Cristoncapjjsta ucajja, Abrahaman wawanacapäpjjaractawa, cuntejj Diosajj arsuwaycäna ucsa catokapjjaraquïtawa.

Gálatas 5:24

Qhitinacatejj Cristoncjjapjje ucanacajja, janchin munañanacapjja ch'accatjjapjjewa ñankha amtañanacampi, uqhamarac munañanacapamp chica.

Filipenses 3:11

jiwatanac taypit jacatatañar puriñataqui.

1 Tesalonicenses 2:19

¿Cawquïris nanacan suyt'äwinacajjajja, cusisiñanacajjasa, uqhamarac chuymanacajjan samarañapasa? Jumanac pachpäpjjtawa cunapachatejj Tatit Jesucristojj jutcani ucapachajja.

Apocalipsis 1:5

Diosan cheka testigopa Jesucristotsa catokapjjaraquim bendicionapjja. Uca Jesucristowa jiwatanacat nayrïri jactirejja. Take acapach reyinacjjarus jupajj munañaniraquiwa. Jesucristojj jiwasarojj walwa munistu, juchanacasatsa wilapampiw jarekestu.